ព័ត៌មានជាតិ
មន្ត្រីកម្ពុជា និងតំណាងស្ថានទូតចិន ប្តេជ្ញាបន្តធ្វើការរួមគ្នាជំរុញកិច្ចសហប្រតិបត្តិការមេគង្គ-ឡានឆាង
មន្ត្រីជាន់ខ្ពស់ក្រសួងការបរទេសកម្ពុជា និងអគ្គទីប្រឹក្សាស្ថានទូតចិន អះអាងឡើងវិញពីការប្តេជ្ញាបន្តធ្វើការរួមគ្នាក្នុងការជំរុញក្របខ័ណ្ឌកិច្ចសហប្រតិបត្តិការមេគង្គ-ឡានឆាង ដើម្បីធានាការអនុវត្តកិច្ចសហប្រតិបត្តិការនេះឱ្យបានជោគជ័យតាមផែនការ។
![](https://www.kampucheathmey.com/wp-content/uploads/2024/03/image-782-1024x545.png)
ការអះអាងបែបនេះ បានធ្វើឡើងក្នុងជំនួបពិភាក្សាការងាររវាងលោក មាស គឹមហេង រដ្ឋលេខាធិការក្រសួងការបរទេស និងជាឧត្តមមន្រ្តីកម្ពុជា ទទួលបន្ទុកកិច្ចសហប្រតិបត្តិការមេគង្គ-ឡានឆាង និងលោក CHEN Cong អគ្គទីប្រឹក្សានៃស្ថានទូតចិនប្រចាំនៅកម្ពុជា នៅថ្ងៃទី១៥ ខែមីនា ឆ្នាំ២០២៤។
លោករដ្ឋលេខាធិការ និងលោកអគ្គទីប្រឹក្សា បានអះអាងឡើងវិញពីការប្តេជ្ញាចិត្តបន្តធ្វើការរួមគ្នាក្នុងការជំរុញក្របខ័ណ្ឌកិច្ចសហប្រតិបត្តិការមេគង្គ-ឡានឆាង និងធានាការអនុវត្តឱ្យបានជោគជ័យនូវផែនការសកម្មភាពមេគង្គ-ឡានឆាង ឆ្នាំ ២០២៣-២០២៧ ដើម្បីសម្រេចនូវចក្ខុវិស័យរបស់ថ្នាក់ដឹកនាំមេគង្គ-ឡាឆាង ក្នុងការកសាងសហគមន៍មួយដែលមានអនាគតរួមគ្នានៃសន្តិភាព និងវិបុលភាពសម្រាប់ប្រជាជនក្នុងតំបន់មេគង្គ-ឡានឆាងទាំងមូល។
![](https://www.kampucheathmey.com/wp-content/uploads/2024/03/image-783-1024x768.png)
លោករដ្ឋលេខាធិការ មាស គឹមហេង ក៏បានអបអរសាទរក្នុងឱកាសដែលលោក CHEN Cong ត្រូវបានតែងតាំងជាអគ្គទីប្រឹក្សាស្ថានទូតចិនប្រចាំនៅកម្ពុជា ជាពិសេសទទួលបន្ទុកលើក្របខ័ណ្ឌមេគង្គ-ឡាឆាង។ លោករដ្ឋលេខាធិការ បានគូសបញ្ជាក់ពីសារៈសំខាន់នៃកិច្ចសហប្រតិបត្តិការមេគង្គ-ឡានឆាង ក្នុងការរួមចំណែកដល់ការអភិវឌ្ឍសេដ្ឋកិច្ច-សង្គម នៅក្នុងតំបន់ ព្រមទាំងបានប្រាប់លោកអគ្គទីប្រឹក្សា អំពីការរៀបចំកម្មវីធីទិវានៃកិច្ចសហប្រតិបត្តិការមេគង្គ-ឡានឆាង នៅសប្តាហ៍ក្រោយ នៅភ្នំពេញ ដើម្បីអបអរសាទរខួបអនុស្សាវរីយ៍ លើកទី៨ នៃការបង្កើតកិច្ចសហប្រតិបត្តិការមេគង្គ-ឡានឆាង ផងដែរ៕
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក