ព័ត៌មានជាតិ
តួលេខផ្លូវការពិធីបុណ្យទន្លេនៅខេត្តសៀមរាបទទួលបានអ្នកទេសចរជាង ៥៥ ម៉ឺននាក់
មន្ទីរទេសចរណ៍ខេត្តសៀមរាបបានបង្ហាញតួលេខផ្លូវការភ្ញៀវទេសចរដែលបានមកចូលរួមពិធីបុណ្យទន្លេលើកទី៨ នៅខេត្តសៀមរាប រយៈពេល ៣ ថ្ងៃតាមទិន្នន័យមានអ្នកចូលរួមប្រមាណ ៥៥ ម៉ឺននាក់។
បើតាមតួលេខពីមន្ទីរទេសចរណ៍ខេត្តសៀមរាប នៅថ្ងៃទី១ នៃពិធីបុណ្យទន្លេក្នុងខេត្តសៀមរាបទទួលបានអ្នកទេសចរសរុបប្រមាណ ១៦០ ២៧២ នាក់ ក្នុងនោះទេសចរជាតិជាង ១៥០ ០០០ នាក់ និងទេសចរបរទេសជាង ១១ ២៧២ នាក់។ នៅថ្ងៃទី២ មានទេសចរសរុបប្រមាណ ២៩៦ ២៧៩ នាក់ ក្នុងនោះទេសចរជាតិជាង ២៨៥ ០០០ នាក់ និងទេសចរបរទេសជាង ១១ ២៥៥ នាក់។
ដោយឡែកថ្ងៃចុងក្រោយទេសចរមកកម្សាន្តមានចំនួន ៩៦ ២៤៣ នាក់ ក្នុងនោះទេសចរជាតិ ៨៥ ០០០ នាក់ និងទេសចរបរទេសជាង ១១ ២៤៣ នាក់។
សរុបរយៈពេលបីថ្ងៃ ចាប់ពីថ្ងៃទី១៥-១៧ ខែមីនា ឆ្នាំ២០២៤ ទេសចរសរុបជាង ៥៥៣ ៧៩៤ នាក់បានដើរកម្សាន្តក្នុងពិធីបុណ្យទន្លេនៅខេត្តសៀមរាប ដែលក្នុងនោះមានទេសចរជាតិជាង ៥២០ ០០០ នាក់ និងទេសចរបរទេសជាង ៣៣ ៧៧០ នាក់។
ពិធីបុណ្យទន្លេដែលរៀបចំនៅខេត្តសៀមរាបនៅឆ្នាំនេះ មានការអញ្ជើញទីភ្នាក់ងារផ្សព្វផ្សាយបរទេសធំៗក៏ដូចជាបុគ្គលល្បីៗដើម្បីមកចូលរួមផ្សព្វផ្សាយព្រឹត្តិការណ៍ទេសចរណ៍ដ៏ធំប្រចាំឆ្នាំនេះ ហើយតាមមន្រ្តីក្រសួងទេសចរណ៍ចំណាយថវិការៀបចំអស់ប្រមាណ ៤៥០ លានរៀល។
ពិធីបុណ្យទន្លេលើកទី ៨ នៅខេត្តសៀមរាបរៀបចំឡើងក្រោមប្រធានបទ “ទន្លេដើម្បីសន្តិភាព និងការអភិវឌ្ឍ”។ ការរៀបចំពិធីបុណ្យទន្លេនៅខេត្តសៀមរាប ស្របពេលដែលរដ្ឋាភិបាលបានដាក់ចេញយុទ្ធនាការទស្សនាសៀមរាបឆ្នាំ ២០២៤ ដើម្បីជំរុញចលនាទាក់ទាញទេសចរណ៍មកទស្សនាខេត្តវប្បធម៌ដ៏ធំមួយនេះ៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច១ សប្តាហ៍ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល