Connect with us

ព័ត៌មានជាតិ

រដ្ឋមន្ត្រីក្រសួងបរិស្ថាន ទទូចប្រជាសហគមន៍ រក្សាកុំឲ្យមានសកម្មភាពកាប់រានដីព្រៃ

បានផុស

នៅ

ក្នុង​ដំណើរ​ទស្សនកិច្ចនៅសហគមន៍អណ្តូងក្រឡឹង លោក អ៊ាង សុផល្លែត រដ្ឋ​មន្ត្រី​ក្រសួង​បរិស្ថានបាន​ទទូច​ដល់​ប្រជា​សហគមន៍​ត្រូវ​តែរក្សា​​ឲ្យ​បានកុំ​ឲ្យមានការកាប់រានដីព្រៃ ការបាញ់សម្លាប់សត្វព្រៃ ដែលជា​ទ្រព្យសម្បត្តិជាសមូហភាព​របស់​​ប្រជាសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ាង សុផល្លែត​ មាន​ប្រសាសន៍​ថា សហគមន៍​មានភាព​ជាម្ចាស់ គឺជា​ភាព​ជោគជ័យនិង​និរន្តភាព​នៃគម្រោងអភិវឌ្ឍន៍ ដែល​បានដាក់ចេញតាមរយៈគម្រោង​លំហែបៃតងរបស់ក្រសួងបរិស្ថាន។ ជាក់ស្តែង ការរួមចំណែក​ពីសហគមន៍​ក្នុងកិច្ចការពារធនធានធម្មជាតិ និងព្រៃឈើ តាមរយៈការគ្រប់គ្រង និងទប់ស្កាត់ អនុលោមតាមវិធានការទាំង ៤ របស់ក្រសួងបរិស្ថាន ក្នុងនោះជំរុញការអនុវត្តច្បាប់១០០% មិនមានការលើកលែងជាដាច់ខាត និងបញ្ចប់នូវវប្បធម៌ចុះ កិច្ចសន្យា ហើយដោះលែងអ្នកប្រព្រឹត្តបទល្មើស។

លោករដ្ឋមន្ត្រី​ ក៏​បាន​ស្នើ​ដោយ​ទទូច​ទៅ​ប្រជាសហគមន៍ ត្រូវ​តែរក្សា​ឲ្យបានកុំ​ឲ្យមានការ​កាប់រានដីព្រៃ ការ​បាញ់សម្លាប់​សត្វព្រៃ ដែល​ជាទ្រព្យសម្បត្តិជាសមូហភាពរបស់ប្រជាសហគមន៍ ហើយ​ពិសេស​ទៅទៀតនោះ សូម​សហគមន៍​កុំលក់​ដីសហគមន៍តំបន់ការពារធម្មជាតិ ព្រោះ​គឺជាប្រភពចំណូល​សម្រាប់​ទ្រទ្រង់ជីវភាព​របស់​ប្រជាសហគមន៍​ ដូចពាក្យចាស់លោកពោលថា «ការពារព្រៃគង់ មិនខ្វះឧសដុត»។

បើតាម​លោក​រដ្ឋមន្រ្តី ការ​ពង្រឹង​កិច្ចសហការ​ជាមួយ​គណៈបញ្ជាការដ្ឋាន​កងរាជអាវុធហត្ថលើផ្ទៃប្រទេស និង​អង្គភាពប្រឆាំងអំពើពុករលួយបន្ថែម​លើកិច្ចសហការជាមួយអាជ្ញាធរមូលដ្ឋាន ដែល​បានអនុវត្តកន្លងមក និង​ជំរុញ​ការដាំស្តារព្រៃឈើ និង​ឈើហូបផ្លែ​សំដៅ​ឲ្យ​មានការ​ដាំដើម​ឈើ​ច្រើន​ជាង​ការកាប់ ដើម្បី​បង្កើនការដាំដុះគម្របព្រៃឈើ​ឲ្យបានជាង ៦០%ក្នុងឆ្នាំ ២០៥០ផង និង​បង្កើត​ឲ្យ​មានភាពប្លែកគ្នាពីតំបន់ទេសចរណ៍មួយទៅតំបន់ទេសចរណ៍មួយទៀត ដែល​ហៅ​ថារបៀងទេសចរណ៍ ស្រប​តាមយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា និង​អនុលោមតាមអនុសាសន៍​ដឹកនាំ​របស់សម្តេច​ធិបតី ហ៊ុន ម៉ាណែត នាយករដ្ឋមន្រ្តី​កម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម