ព័ត៌មានជាតិ
រដ្ឋបាលជលផលស្ទឹងត្រែង ចុះស្រាវជ្រាវមុខសញ្ញាដាក់ថ្នាំពុលត្រី
ក្រោយពីមានការលបលួចដាក់ថ្នាំលាយនុយបំពុលត្រីនៅតាមដងទន្លេមេគង្គយកមកលក់ឱ្យអាជីករផ្សារសាមគ្គីស្ទឹងត្រែង កម្លាំងខណ្ឌរដ្ឋបាលជលផលស្ទឹងត្រែងសហការជាមួយមន្ត្រីបរិស្ថាន ប្រចាំតំបន់រ៉ាមសារ និងសមត្ថកិច្ចពាក់ព័ន្ធបានចុះស្រាវជ្រាវ និងកំណត់មុខសញ្ញាជនសង្ស័យបន្ថែម ដើម្បីនាំខ្លួនយកមកអនុវត្តច្បាប់ស្តីពីការអភិរក្សធនធានធម្មជាតិជីវៈចម្រុះ និងផលិតផលជលផល។
![](https://www.kampucheathmey.com/wp-content/uploads/2024/03/photo_2024-03-26_21-41-42-1024x768.jpg)
លោក ស្រី សំវិចិត្រ នាយខណ្ឌជលផលបានបញ្ជាក់ថា៖ មុខសញ្ញាកែច្នៃផលិតនុយបំពុលត្រីបានច្បាស់លាស់ហើយ និងសូមអំពាវនាវឱ្យចូលខ្លួនមកសារភាព និងធ្វើកិច្ចសន្យាបញ្ឈប់ទើបទទួលបានការលើកលែងទោស តែប្រសិនបើមិនចូលខ្លួនមកទេ មន្ត្រីជំនាញនិងកសាងសំណុំរឿងបញ្ជូនទៅតុលាការដើម្បីកោះហៅមកអនុវត្តច្បាប់តែម្តង។
លោកបន្តថា៖ ការលួចលាក់ធ្វើនេសាទប្រើឧបករណ៍ខុសច្បាប់បំពុលត្រីនេះកម្លាំងរដ្ឋបាលជលផលបានសហការជាមួយគណៈកម្មការផ្សារសាមគ្គីចុះពិនិត្យរកឃើញត្រីប្រាកែនិងប្រភេទត្រីផ្សេងៗទៀត សរុបចំនួន៥០គីឡូក្រាម ដែលបានមកពីការនេសាទខុសច្បាប់យកមកលក់នៅផ្សារសាមគ្គីស្ទឹងត្រែងនៅព្រឹកថ្ងៃទី២៦ខែមីនាឆ្នាំ២០២៤។
![](https://www.kampucheathmey.com/wp-content/uploads/2024/03/photo_2024-03-13_09-12-33-1-1024x768.jpg)
លោក សេង វីរៈ អភិបាលរងក្រុងបានបញ្ជាក់ថា៖ នេះជាករណីមួយមិនលែងទេព្រោះធនធានជលផលដែលនាំយកមកលក់នេះ វាបង្កផលប៉ះពាល់ផ្នែកសុខភាពដល់អ្នកបរិភោគតែម្តង ហើយធ្ងន់ធ្ងរជាងនេះទៀត គឺបានជះឥទ្ធិពលអាក្រក់ទៅដល់កេរ្តិ៍ឈ្មោះ ត្រីធម្មជាតិនៅខេត្តស្ទឹងត្រែងទាំងមូលផងដែរ។
ជាមួយនិងករណីគួឱ្យភា្ញក់ផ្អើលនេះ មន្ត្រីជលផលបានហៅអាជីវករលក់ត្រីចំនួន៤នាក់មកណែនាំនិងពន្យល់ពីបច្ចេកទេសពិនិត្យភិនភាគត្រីបំពុល ហើយតម្រូវឱ្យកិច្ចសន្យាឈប់ទិញលក់ត្រីប្រភេទទាំងនេះ ដើម្បីយើងចូលរួមថែរក្សាសុខភាពទាំងអស់គ្នា ហើយចំណែកត្រីដែលដកហូតបានមានសារធាតុពុលនោះ បច្ចុប្បន្នត្រីបានយកទៅបំផ្លាញចោលហើយ។
សូមបញ្ចាក់ថា៖ ត្រីទាំងនេះត្រូវបានអ្នកនេសាទបំពុលដោយបានប្រើនុយប្រភេទដូចជាបាយដំណើប ត្រីល្អិតកាត់ជាកង់ៗ ក្ដាម សាច់គោ លាយជាថ្នាំបំពុលដើម្បីបោះចូលទឹក ជាកន្លែងអន្លង់អភិរក្សត្រីមេពូជឲ្យត្រីស៊ី ហើយរយៈពេលមួយម៉ោងក្រោយមកចាំរើសនៅផ្នែកខាងក្រោមតែម្តង៕
អត្ថបទ៖ ងិនលីម
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ