ព័ត៌មានជាតិ
អ្នកនាំពាក្យការងារ អំពាវនាវកម្មករយកចិត្តទុកដាក់ថែទាំសុខភាព និងសុវត្ថិភាពផ្ទាល់ខ្លួន ក្នុងឱកាសបុណ្យចូលឆ្នាំថ្មី
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់កម្មករ-និយោជិតដែលត្រូវធ្វើដំណើរទៅស្រុកកំណើតចូលរួមក្នុងពិធីបុណ្យចូលឆ្នាំថ្មីខាងមុខ ត្រូវយកចិត្តទុកដាក់ថែទាំសុខភាពឱ្យបានល្អ ពិសេសបើកបរត្រូវគោរពច្បាប់ចរាចរណ៍ ដើម្បីធានាបានសុខសុវត្ថិភាពទាំងទៅ និងត្រឡប់មកធ្វើការងារវិញ។
ការអំពាវនាវនេះ ធ្វើឡើងដោយសារកម្មកររោងចក្រត្រូវបានអនុញ្ញាតឱ្យឈប់សម្រាកធ្វើដំណើរទៅស្រុកកំណើតដើម្បីចូលរួមបុណ្យចូលឆ្នាំខ្មែរប្រពៃណីជាតិដែលនឹងឈានចូលមកដល់នាថ្ងៃទី ១៣ មេសា ខាងមុខនេះ។
លោក កត្តា អ៊ន បានមានប្រសាសន៍នៅរសៀលថ្ងៃទី ១០ មេសា នេះថា «សង្ក្រាន្តឆ្នាំថ្មីនេះ ខ្ញុំសូមអំពាវនាវដល់កម្មករ-និយោជិត ត្រូវយកចិត្តទុកដាក់ថែទាំសុខភាពសុវត្ថិភាពផ្ទាល់ខ្លួននារដូវក្តៅ ក៏ដូចជាការធ្វើដំណើរតាមផ្លូវសាធារណៈផ្សេងៗ សូមបើកបរគោរពច្បាប់ចរាចរណ៍ការយោគយល់គ្នាអត់ឱនឱ្យគ្នាទៅវិញទៅមក ដើម្បីបញ្ចៀសនូវគ្រោះថ្នាក់ណាមួយកើតឡើង»។
ជាមួយគ្នានេះដែរ លោកក៏បានណែនាំដល់កម្មករ-និយោជិតចូលរួមក្នុងពិធីបុណ្យចូលឆ្នាំថ្មីចូលរួមលេងល្បែងប្រជាប្រិយខ្មែរ និងប្រពៃណីជាតិ ដើម្បីលើកតម្កើង ក៏ដូចជាថែរក្សាអត្តសញ្ញាណវប្បធម៌ជាតិឱ្យបានគង់វង្ស និងរីកចម្រើន ក្រោមម្លប់សន្តិភាព ក្រោមការដឹកនាំរបស់រាជរដ្ឋាភិបាល សម្តេចធិបតី ហ៊ុន ម៉ាណែត។
លោក កត្តា អ៊ន បានបន្ថែមថា គិតត្រឹមត្រីមាសទី ១ ឆ្នាំ ២០២៤ នេះ នៅទូទាំងប្រទេសមានសហគ្រាសគ្រឹះស្ថានកាត់ដេរ និងមិនមែនកាត់ដេរសរុបចំនួន ៤៣ ៤៦១ រោងចក្រ មានកម្មករ-និយោជិត ១ ៧៧៣ ១២១ នាក់ ស្រី ១ ០៧០ ៥៤៣ នាក់។ ក្នុងនោះ សហគ្រាសគ្រឹះស្ថានកាត់ដេរមានចំនួន ១ ៥៧៩ រោងចក្រ មានកម្មករ-និយោជិត ៩២៥ ៤៦៥ នាក់ ស្រី ៦៩៨ ៧២៦ នាក់ និងសហគ្រាសគ្រឹះស្ថានមិនមែនកាត់ដេរចំនួន ៤១ ៨៨២ រោងចក្រ មានកម្មករ-និយោជិតចំនួន ៨៤៧ ៦៥៦ នាក់ ស្រី ៣៧១ ៨១៧ នាក់។
គួរបញ្ជាក់ថា ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ខាងមុខនេះ ក្រសួងការងារ និងបណ្ដុះបណ្ដាលវិជ្ជាជីវៈ ប្រកាសឱ្យកម្មករ-និយោជិត ទាំងអស់ ទទួលបានការឈប់សម្រាកដោយមានប្រាក់ឈ្នួលរយៈពេល ៤ ថ្ងៃ គឺ ចាប់ពីថ្ងៃទី ១៣-១៤-១៥-១៦ ខែមេសា ឆ្នាំ ២០២៤។
ជាមួយគ្នានេះ សាលារាជធានីភ្នំពេញ បានត្រៀម និងបញ្ចេញរថយន្តក្រុងដឹកអ្នកដំណើររាប់រយគ្រឿងសម្រាប់បម្រើសេវាដឹកជញ្ជូន កម្មករ កម្មការិនី និងប្រជាពលរដ្ឋ ទៅលេងស្រុកកំណើតដោយមិនបង់ប្រាក់ផងដែរ៕
អត្ថបទ ៖ សំអឿន
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១២ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ជីវិតកម្សាន្ដ១៨ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល