ព័ត៌មានជាតិ
សម្ដេច ហ៊ុន ម៉ាណែត ថា នយោបាយជំហានគីង្គក់របស់កម្ពុជា គឺលោតទៅមុខជានិច្ច
ឆ្លើយតបនឹងបុគ្គលដែលសើចចំអកលើនយោបាយជំហានគីង្គក់របស់រាជរដ្ឋាភិបាលកម្ពុជា សម្ដេចធិបតី ហ៊ុន ម៉ាណែត បានបញ្ជាក់ថា អ្នកខ្លះកំពុងសើចចំអកជំហានគីង្គក់ តែគីង្គក់លោតទៅមុខជានិច្ច។
ការបញ្ជាក់បែបនេះរបស់សម្ដេចធិបតី បានធ្វើឡើងក្នុងឱកាសអញ្ជើញជាអធិបតីពិធីសម្ពោធដាក់ឱ្យដំណើរការជាផ្លូវការ រោងចក្របង្គុំ និងដំឡើងរថយន្តតូយ៉ូតា របស់ជប៉ុននៅកម្ពុជា នាថ្ងៃទី២ ខែឧសភា ឆ្នាំ២០២៤នេះ។ សម្ដេចធិបតី ថា មានអ្នកខ្លះសើចចំអកនយោបាយជំហានគីង្គក់ ប៉ុន្តែពេលអ្នកឯងសើចគីង្គក់ គីង្គក់លោតទៅមុខជានិច្ច ដើម្បីជាផលប្រយោជន៍ជូនជាតិ និងប្រជាជនកម្ពុជា។
សម្ដេចធិបតី ហ៊ុន ម៉ាណែត បានឆ្លើយតបដូច្នេះថា៖ «យើងដើរហើយ ទៅមុខហើយ អ្នកខ្លះគេសើចជំហានគីង្គក់ សម្ដេចតេជោ លោកតែងតែមានប្រសាសន៍អំពីជំហានគីង្គក់ អ្នកខ្លះគេមើលងាយថា ជំហានគីង្គក់ ប៉ុន្តែកុំភ្លេចណា អ្នកឯងរវល់តែសើច គីង្គក់ដើរបាន១០ជំហានបាត់ លោតបាន១០ជំហានបាត់»។
សម្ដេចធិបតី បន្តថា «ពីនេះបានមួយម៉ែត្រ អ្នកឯងកំពុងសើចចំអកថែមទៀត យើងលោតបានទៅមុខ ផលប្រយោជន៍ ជូនជាតិរបស់យើង។ គីង្គក់ ក៏ត្រូវតែលោតទៅមុខដែរ កុំឱ្យនៅហ្នឹងកន្លែង ចង់ត្រដក់ជើងវែង តែមិនដើរទៅមុខ យើងមិនទៅទេ តែឥលូវយើងដើរ»។
តួយ៉ាង សម្ដេចធិបតី នាយករដ្ឋមន្រ្តី បានគូសបញ្ជាក់ថា ការសម្ពោធដាក់ឱ្យដំណើរការជាផ្លូវការរោងចក្រផ្គុំ និងដំឡើងរថយន្តតូយ៉ូតា នៅថ្ងៃនេះ គឺជាសក្ខីភាពមួយដែលមិនត្រឹមតែបញ្ជាក់ពីវឌ្ឍនភាពថ្មីដ៏ល្អមួយសម្រាប់វិស័យឧស្សាហកម្មនៅកម្ពុជាឡើយ ប៉ុន្តែថែមជាសញ្ញាវិជ្ជមានមួយទៀតសម្រាប់ការធ្វើពិពិធកម្មសេដ្ឋកិច្ចកម្ពុជា៕
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ១ សប្តាហ៍ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៤ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ១ សប្តាហ៍ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ