ព័ត៌មានជាតិ
ក្រុមប្រឹក្សាជាតិដើម្បីកុមារ ស្នើឲ្យគ្រប់ក្រសួងចាត់វិធានការ ចំពោះជនយកទារកផ្លុងចោល
ក្រុមព្រឹក្សាជាតិដើម្បីកុមារ បានធ្វើការអំពាវនាវដល់គ្រប់ក្រសួង ស្ថាប័ន និងអង្គការពាក់ព័ន្ធ ជាពិសេសស្ថាប័នតុលាការ មេត្តាយកចិត្តទុកដាក់ចាត់វិធានការផ្លូវច្បាប់យ៉ាងតឹងរឹងបំផុត ចំពោះជនល្មើសយកទារកផ្លុងចោល នៅតាមទីសាធារណៈ ដើម្បីកុំឲ្យអំពើដ៏អាក្រក់នេះ កើតមានក្នុងសង្គមកម្ពុជាបន្ដទៀត។
ការអំពាវនាវនេះ បានធ្វើឡើងបន្ទាប់ពីថ្មីៗនេះ មានករណីយកទារកដែលមានអាយុក្រោម២សប្តាហ៍ដាក់ចូលក្នុងកេសក្រដាស នៅខណ្ឌដូនពេញ រាជធានីភ្នំពេញ បណ្តាលឲ្យស្លាប់បាត់បង់ជីវិតយ៉ាងអាណោចអាធ័ម។ តាមរយៈសេចក្ដីថ្លែងការណ៍របស់ខ្លួន ដែលទើបទទួលបាននៅថ្ងៃនេះ ក្រុមប្រឹក្សាជាតិកម្ពុជា ដើម្បីកុមារបានសម្ដែងនូវការសោកស្ដាយ និងមានក្ដីរន្ធត់ ចំពោះទារិកាកំណត់ម្នាក់នេះ ដែលទទួលរងគ្រោះដោយអំពើព្រៃផ្សៃ អមនុស្សធម៌ ឃោរឃៅ យង់ឃ្នងនេះ បានរំលោភបំពានយ៉ាងធ្ងន់ធ្ងរទៅលើសិទ្ធកុមារ ជាពិសេស សិទ្ធិរស់រានមានជីវិត ដែលកម្ពុជាបានផ្ដល់ សច្ចាប័ន និងមានក្នុងរដ្ឋធម្មនុញ្ញជាធរមាន។ ជាមួយគ្នានេះដែរ ក្រុមព្រឹក្សាជាតិដើម្បីកុមារសូម ប្រកាសថ្កោលទោសយ៉ាងដាច់អហង្ការ ចំពោះការប្រព្រឹត្តិអំពើឃោរឃៅ អមនុស្សធម៌ ទៅលើទារក បណ្តាលឲ្យស្លាប់ រួចយកទៅដាក់ក្នុងកេសក្រដាស ផ្លុងចោលនៅតាមទីសាធារណៈ។ យ៉ាងណាក៏ដោយចំពោះករណីនេះ សមត្ថកិច្ចគ្រប់លំដាប់ថ្នាក់ បាននិងកំពុងស្រាវជ្រាវរកអ្នកប្រព្រឹត្ត និងចាត់ការតាមនីតិវិធីច្បាប់។
សូមរំលឹកថា កាលពីម៉ោង១១និង៣០នាទីថ្ងៃទី១ ខែវិច្ឆិកា ឆ្នាំ២០២០កន្លងទៅ នៅចំណុចជាប់របងវិទ្យាល័យវត្តភ្នំ តាមបណ្តោយផ្លូវ៧៤ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ គេឃើញមានរថយន្តតូរីស២ ទៅ៣គ្រឿង ឈប់នៅលើផ្លូវ៧៤ ក្បែរទៅនឹង កេសដាក់ទារកនោះ។ ក្រោយមករថយន្តទាំងអស់នោះ បានបើកចេញទៅបាត់ដោយមិនបានយកកេសនោះទៅជាមួយទេ។ ភ្លាមៗនោះ មានអ្នកបោសសម្អាតម្នាក់ បានដើរទៅមើលស្រាប់តែ ឃើញសពទារករុំជិត ដោយក្រមានៅក្នុងកេសនោះ ក៏រាយការណ៍ទៅសមត្ថកិច្ច ដើម្បីចុះពិនិត្យធ្វើកោសល្យវិច័យ៕
អត្ថបទ៖ សំអឿន
សូមចុចអាន៖ មូលហេតុ នាំឲ្យរងការលិចលង់លំនៅឋានពលរដ្ឋ៤ភូមិ នៅសង្កាត់ចាក់អង្រែក្រោម
អភិបាលខេត្តបញ្ជាឱ្យយកចិត្តទុកដាក់កែលំអសួនច្បារមាត់ព្រែកកំពត
រដ្ឋបាលរាជធានី គ្រោងកែលម្អសួនច្បារមុខក្រសួងការពារជាតិឡើងវិញឲ្យកាន់តែមានសោភ័ណភាពស្រស់ស្អាត
ធនាគារជាតិនឹងជំរុញការអភិវឌ្ឍប្រព័ន្ធធនាគារឱ្យកាន់តែទំនើប ថែមទៀត
លោក ស សុខា ប្រកាសផ្តល់អាហារូបករណ៍ ១០០% ចំនួន ៥០កន្លែង នៅវិទ្យាស្ថានជាតិកសិកម្មព្រែកលៀប
លោក ស ថេត គំរាមចាត់វិធានការចំពោះអ្នកសារព័ត៌មានណា ដែលមិនស្តាប់ការណែនាំរបស់សមត្ថកិច្ច
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានជាតិ1 week agoអ្នកនាំពាក្យបដិសេធព័ត៌មានថាកងទ័ពឆត្រយោង ម្នាក់ធ្លាក់ស្លាប់
-
ព័ត៌មានជាតិ6 days agoក្តៅៗ! សមត្ថកិច្ចបានបាញ់សម្លាប់ ឃាតកបាញ់នាយរងការិយាល័យព្រហ្មទណ្ឌកម្រិតស្រាល ស្លាប់មុននេះ
-
ព័ត៌មានអន្ដរជាតិ5 days agoប៉ូលិសថៃ ចាប់រំលោភជនសង្ស័យគ្រឿងញៀនមីយ៉ាន់ម៉ា ក្នុងប៉ុស្តិ៍ប៉ូលិស
-
ព័ត៌មានជាតិ6 days agoលម្អិតសមត្ថកិច្ចព័ទ្ធព្រៃជិតមួយអាទិត្យ ទើបអាចរកឃើញឃាតកដៃឆៅបានសម្រេច
-
ព័ត៌មានអន្ដរជាតិ2 days agoធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
-
ព័ត៌មានអន្ដរជាតិ3 days ago១០ ប្រទេសដែលមិនទាន់មានការឆ្លងកូវីដសូម្បីមួយករណី
-
ព័ត៌មានជាតិ6 days agoក្តៅៗ! សមត្ថកិច្ចបញ្ចេញរូបភាពឃាតកដៃដល់ ដែលបាញ់នាយរងការិយាល័យព្រហ្មទណ្ឌកម្រិតស្រាល
-
ព័ត៌មានជាតិ7 days agoលោក ទិត្យ វិច្ឆិកា រំលឹកពាក្យពីរម៉ាត់របស់គ្រូឆត្រយោងដែលពលីជីវិត