Connect with us

ព័ត៌មានជាតិ

អាជ្ញាធរខណ្ឌឬស្សីកែវ ចុះពិនិត្យរៀបចំចំណតរថយន្តក្រុងត្រៀមដឹកពលរដ្ឋឥតគិតថ្លៃក្នុងឱកាសបុណ្យចូលឆ្នាំ

បានផុស

នៅ

នៅរសៀលថ្ងៃទី៤ ខែមេសា ឆ្នាំ២០២៥នេះ លោក ជិន ប៊ុនធឿន អភិបាលខណ្ឌឬស្សីកែវ បានដឹកនាំមន្ត្រីក្រោមឱវាទចុះពិនិត្យទីតាំងត្រៀមទទួលប្រជាពលរដ្ឋដែលមកធ្វើដំណើរតាមរថយន្តក្រុងដោយមិនគិតថ្លៃ ក្នុងឱកាសបុណ្យចូលឆ្នាំប្រពៃណីជាតិ នៅទីលានប្រជាធិបតេយ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជិន ប៊ុន ធឿន បានអោយដឹងថា រដ្ឋបាល​រាជធានី​ភ្នំពេញ​ ​បាន​រៀបចំ​រថយន្តក្រុង​សរុប​ចំនួន​ចំនួន ៤៩៧ គ្រឿង ​ដើម្បី​ផ្តល់​សេវា​ដឹកជញ្ជូន​ដោយ​ឥត​គិតថ្លៃ​ ​ដល់​ប្រជាពលរដ្ឋ​រយៈពេល​៦​ថ្ងៃ​ ​ចាប់ពី​ថ្ងៃ​ទី​១​២​ ​ដល់​ថ្ងៃ​ទី​១​៧​ ​ខែ​មេសា​ ​ឆ្នាំ​២​០​២​៥ ក្នុង​ឱកាស​បុណ្យចូលឆ្នាំ​ខ្មែរ​ខាងមុខនេះ។

ជាមួយគ្នានេះ លោកអភិបាល សូមអំពាវនាវ​ដល់​ម្ចាស់ក្រុមហ៊ុន​ ​និង​ម្ចាស់​រថយន្តក្រុង​ឯកជនទាំងអស់​ ឱ្យ​រក្សា​តម្លៃ​ដឹកជញ្ជូន​ដដែល​ ​ដោយ​មិន​ត្រូវ​ដំឡើងថ្លៃ​ក្នុង​ឱកាស​បុណ្យចូលឆ្នាំ​ខ្មែរ​ខាងមុខនេះ​ ​ដើម្បី​ចូល​រួមចំណែក​ជាមួយ​រាជរដ្ឋាភិបាល​ ​និង​រដ្ឋបាល​រាជធានី​ភ្នំពេញ​ ​ក្នុង​ការ​សម្រួល​ដល់​ជីវភាព​របស់​ប្រជាពលរដ្ឋ​។

កញ្ញា ណុច លក្ខណា កម្មការនីបុគ្គលិករោងចក្រ ជាអ្នករស់នៅស្រុកមោងឬស្សី ខេត្តបាត់ដំបង សម្តែងក្តីរីករាយក្រោយរាជរដ្ឋាភិបាល យកចិត្តទុកដាក់សម្រួលលើការធ្វើដំណើររបស់ប្រជាពលរដ្ឋ ដោយជិះរថយន្តក្រុងមិនគិតថ្លៃទាំងពេលទៅ និងពេលត្រឡប់មកវិញ រយៈពេល៦ថ្ងៃ។

ពលរដ្ឋបន្តទៀតថា ចំពោះការជិះរថយន្តក្រុងនេះដែរ គឺកាត់បន្ថយការចំណាយបានច្រើន ព្រោះស្រុករបស់គាត់មានរយៈចម្ងាយ ២០០គីឡូជាងឯណោះ។ ហើយបើជិះរថយន្តតាក់សុី ចំណាយថវិកាទាំងពេលទៅ និងត្រឡប់មកវិញ ក៏ត្រូវអស់ប្រហែល ១០មុឺន ទៅ ១២មុឺនរៀលដែរ៕

អត្ថបទ៖ ម៉េង

Helistar Cambodia - Helicopter Charter Services
Sokimex Investment Group
សេដ្ឋកិច្ច១៤ នាទីutes មុន

ក្រុមហ៊ុនមូលបត្រចាប់ដៃជាមួយធនាគារ ផ្ដល់សេវាឥណទាន ទាក់ទាញវិនិយោគិនអន្តរជាតិ

ជីវិតកម្សាន្ដ១៩ នាទីutes មុន

TV360 byMetfone –ពិភពកម្សាន្តរំភើបជាមួយភាពយន្តបកប្រែជាភាសាខ្មែរ

ព័ត៌មានជាតិ៥៧ នាទីutes មុន

រដ្ឋមន្ត្រីមហាផ្ទៃ ឱ្យសិក្សាដាក់សេវាលិខិតឆ្លងដែននៅច្រកចេញចូលតែមួយ ដែលជាការសាកល្បងខេត្តចំនួន៤

រថយន្តក្រុង
ព័ត៌មានជាតិ១ ម៉ោង មុន

អាជ្ញាធរខណ្ឌឬស្សីកែវ ចុះពិនិត្យរៀបចំចំណតរថយន្តក្រុងត្រៀមដឹកពលរដ្ឋឥតគិតថ្លៃក្នុងឱកាសបុណ្យចូលឆ្នាំ

ពន្ធរបស់អាមេរិក
ព័ត៌មានជាតិ១ ម៉ោង មុន

ការដំឡើងពន្ធរបស់អាមេរិក ជាឱកាសសម្រាប់កម្ពុជាធ្វើពិពិធកម្មទីផ្សារ ខណៈទីផ្សារផ្សេងៗទៀតធំជាងអាមេរិក

Sokha Hotels

ព័ត៌មានពេញនិយម