Connect with us

ព័ត៌មានជាតិ

ការដំឡើងពន្ធរបស់អាមេរិក ជាឱកាសសម្រាប់កម្ពុជាធ្វើពិពិធកម្មទីផ្សារ ខណៈទីផ្សារផ្សេងៗទៀតធំជាងអាមេរិក

បានផុស

នៅ

សហជីពធំដែលជាតំណាងកម្មករកាត់ដេរ និងវាយនភណ្ឌនៅកម្ពុជា លើកឡើងថា ការដំឡើងពន្ធរបស់សហរដ្ឋអាមេរិក គឺជាឱកាសសម្រាប់កម្ពុជាធ្វើពិពិធកម្មទីផ្សារអន្តរជាតិរបស់ខ្លួនឱ្យទទួលបានជោគជ័យ ខណៈដែលទីផ្សារផ្សេងៗទៀតសុទ្ធតែជាទីផ្សារធំៗជាងសហរដ្ឋអាមេរិកសម្រាប់ទំនិញកម្ពុជា។

លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា បានថ្លែងថា «ពិតណាស់ថា ទំនិញកម្ពុជាបាននាំចូលទៅសហរដ្ឋអាមេរិកច្រើន ប៉ុន្ដែទីផ្សារនៅសហរដ្ឋអាមេរិកមិនមែនជាទីផ្សារធំសម្រាប់ទំនិញកម្ពុជាទាំងស្រុងនោះទេ។ កម្ពុជានឹងធ្វើពិពិធកម្មទីផ្សាររបស់ខ្លួនបន្ថែមទៀត គឺនៅមានទីផ្សារអ៊ឺរ៉ុប ជប៉ុន សាធារណរដ្ឋកូរ៉េ បារាំង អង់គ្លេសជាដើម»។

លោក ហង្ស រ៉ាវី
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ទំនិញកម្ពុជាដែលនាំចូលទីផ្សារអាមេរិកមានតែ ៣៨ភាគរយប៉ុណ្ណោះ ហើយក្រៅពីនេះ គឺសុទ្ធតែក្រៅពីអាមេរិកដែលជាទីផ្សារដែលកម្ពុជាកំពុងនាំចេញទៅបាន។ ទំនិញកម្ពុជា បាននាំទៅអាមេរិក អ៊ឺរ៉ុប ជប៉ុន និងអង់គ្លេស រីឯបង់ក្លាដែស និងវៀតណាម បាននាំទៅអ៊ឺរ៉ុបច្រើនជាទៅអាមេរិក ក្នុងន័យនេះ គឺកម្ពុជា គួរតែជំរុញនាំទៅអ៊ឺរ៉ុបឱ្យបានច្រើនជាងអាមេរិកដែរ។

លោក អ៊ុន ដារ៉ា ប្រធានសហភាពសហជីពកម្ពុជាពន្លឺកម្មករ បានថ្លែងថា «ការដំឡើងពន្ធរបស់សហរដ្ឋអាមេរិកមកលើកម្ពុជានាពេលនេះ ក៏ជាឱកាសថ្មីមួយទៀតសម្រាប់កម្ពុជាដែរ គឺឱកាសក្នុងការគិតពិចារណាលើការធ្វើពិពិធកម្មទីផ្សារអន្តរជាតិ យើងត្រូវតែស្វែងរកឱកាសទីផ្សារថ្មីផ្សេងៗ ក្រៅពីសហរដ្ឋអាមេរិកឱ្យបានឆាប់បំផុត ដើម្បីចៀសវាងបញ្ហានៅក្នុងវិស័យសេដ្ឋកិច្ចយើង»។

លោក អ៊ុន ដារ៉ា

លោកបន្តថា ចំណែកឱកាសមួយទៀត គឺកម្ពុជាគួរតែគិតពិចារណាទៅលើវិស័យឧស្សាហកម្មឱ្យបានច្រើនថែមទៀតដូចជា ការផលិតឧបករណ៍អគ្គិសនី និងសំបកកង់រថយន្ត ខណៈដែលបច្ចុប្បន្ននេះកម្ពុជាកំពុងខ្វះកម្លាំងពលកម្មឱ្យចូលបំពេញការងារនៅតាមតំបន់សេដ្ឋកិច្ចពិសេស និងរោងចក្រតាមបណ្ដាខេត្តមួយចំនួនទៀត។

លោកបន្ថែមថា កម្ពុជាត្រូវតែមានជំហររឹងមាំផ្ទាល់ខ្លួន និងមានមូលដ្ឋានជាក់លាក់ ដោយមិនអាចទោទន់ទៅតាមការនិយាយបកស្រាយពីក្រុមប្រឆាំងណាមួយនោះទេ ដើម្បីធានាបាននូវប្រភពចំណូលរបស់ប្រជាពលរដ្ឋ និងចំណូលពន្ធដាររបស់រដ្ឋផងដែរ។ កម្ពុជាត្រូវតែរក្សាស្ថិរភាព និងភាពចាស់ទុំ ដើម្បីទាក់ទាញអ្នកវិនិយោគបន្ថែមមកកម្ពុជា។

បើតាមលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានលើកឡើងអំពីអត្ថប្រយោជន៍នានាដែលនឹងទទួលបានពីយុទ្ធសាស្រ្តពង្រីក និងពិពិធកម្មទីផ្សារអង្ករកម្ពុជា ដោយបានគូសបញ្ជាក់ថា យុទ្ធសាស្ត្រនាំចេញអង្ករ និងពិពិធកម្មទីផ្សារឆ្នាំ ២០២៤-២០៣០ នឹងក្លាយជាឧបករណ៍ដ៏សំខាន់សម្រាប់រាជរដ្ឋាភិបាល ជាពិសេសក្រសួងពាណិជ្ជកម្មដែលជាសេនាធិការ ដើម្បីធ្វើពិពិធកម្មទីផ្សារ និងបង្កើនការនាំចេញតាមរយៈផលិតកម្មផ្អែកលើទីផ្សារ និងប្រព័ន្ធទីផ្សារទូទាំងពិភពលោក។

លោកស្រី ចម និម្មល

លោកស្រីបន្តថា យុទ្ធសាស្ត្រនេះ គឺដើរស្របគ្នាទៅនឹងការងារជាអាទិភាពសំខាន់ៗដូចដែលបានឆ្លុះបញ្ចាំងនៅក្នុងយុទ្ធសាស្ត្របញ្ចកោណ ដំណាក់កាលទី១ ដែលជាផែនការយុទ្ធសាស្រ្តអភិវឌ្ឍន៍ជាតិ និងគោលនយោបាយជាតិផ្សេងទៀតរបស់រាជរដ្ឋាភិបាលកម្ពុជាព្រមទាំងគោលដៅអភិវឌ្ឍន៍ប្រកបដោយចីរភាពរបស់កម្ពុជា និងរបស់អង្គការសហប្រជាជាតិ ឆ្នាំ២០៣០ ផងដែរ៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ ម៉ោង មុន

ឧបនាយករដ្ឋមន្រ្តី ទៀ សីហា ប្រាប់ឱ្យអាជ្ញាធរខេត្តកោះកុងបង្កើនការពារអភិរក្សព្រៃឈើ គ្រាធនធានដ៏ទាក់ទាញសំខាន់បំផុត

ព័ត៌មានជាតិ៥ ម៉ោង មុន

ផ្លែគុយ​នៅ​ខេត្តកោះកុង ឆ្នាំនេះហុចផលច្រើន តែលក់ចេញពុំសូវបានតម្លៃដូចឆ្នាំទៅ

ព័ត៌មានជាតិ៦ ម៉ោង មុន

ឯកឧត្តម ហ៊ុន ម៉ានី÷ការរៀបចំព្រះរាជក្រឹត្យស្ដីពីលក្ខន្តិកៈដោយឡែកនៃអង្គសុខាភិបាល អាចផ្តល់ផលរំពឹងចំនួន៣

សន្តិសុខសង្គម៧ ម៉ោង មុន

ឆេះផ្ទះ៣ខ្នង ក្បែរវត្តគល់ទទឹង សង្ស័យ​កើតចេញពីការឆ្លងចរន្តអគ្គិសនី

ព័ត៌មានជាតិ៧ ម៉ោង មុន

ក្រសួងការងារ រៀប​ចំសិក្ខាសាលា​ពិគ្រោះយោបល់​លើ​ឯកសារ​ទស្សនាទាន ស្ដីពី “កម្លាំងពលកម្មនៅកម្ពុជា”

ចងការប្រាក់
សន្តិសុខសង្គម១៩ ម៉ោង មុន

កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាត​ទារលុយតាមហ្វេសប៊ុក

ព័ត៌មានជាតិ១៣ ម៉ោង មុន

ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ

ចរាចរណ៍១៩ ម៉ោង មុន

ម៉ូតូ ២ គ្រឿង ពន្លះគ្នាពេញទំហឹង ស្លាប់ ១ នាក់ និង រងរបួសធ្ងន់ ១ នាក់

ខ្យល់កន្ត្រាក់
ព័ត៌មានជាតិ២០ ម៉ោង មុន

កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៩មេសា

ព័ត៌មានអន្ដរជាតិ១១ ម៉ោង មុន

អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង

Sokha Hotels

ព័ត៌មានពេញនិយម