Connect with us

ព័ត៌មានជាតិ

លោក នេត សាវឿន៖ បើគ្រួសារមួយមានមនុស្សម្នាក់ប្រើគ្រឿងញៀន គ្រួសារនោះប្រៀបដូចមានជាភ្នំភ្លើងមួយដែរ

បានផុស

នៅ

លោកឧបនាយករដ្ឋមន្ត្រី នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន លើកឡើងថា នៅក្នុងគ្រួសារមួយបើមានសមាជិកណាម្នាក់ប្រើប្រាស់គ្រឿងញៀនហើយ គ្រួសារនោះ ប្រៀបបាននឹងមានភ្នំភ្លើងមួយដែរ។ លោកឧបនាយករដ្ឋមន្ត្រី លើកឡើងដូច្នេះ នៅក្នុងពិធីចុះអនុស្សារណៈនៃការយោគយល់គ្នារវាងអាជ្ញាធរជាតិប្រយុទ្ធប្រឆាំងគ្រឿងញៀន ជាមួយសមាគមសិល្បៈករខ្មែរ ​ ស្ដីពីកិច្ចសហការពង្រឹង និងលើកកម្ពស់ប្រសិទ្ធភាពការងារផ្សព្វផ្សាយអប់រំអំពីផលប៉ះពាល់និងគ្រោះថ្នាក់នៃគ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងន័យនេះ លោក នេត សាវឿន ពន្យល់ថា កាលណាក្នុងគ្រួសារមួយ មានសមាជិកណាម្នាក់ប្រើប្រាស់គ្រឿងញៀនហើយ គ្រួសារនោះនឹងវិនាសទ្រព្យសម្បត្តិ វិនាសកេរ្តិ៍ឈ្មោះ គ្រួសារជួបប្រទះភាពក្រីក្រ អាប់អួរគ្រប់យ៉ាង។

តាមលោកឧបនាយករដ្ឋមន្ត្រី នេត សាវឿន ភាពជោគជ័យចុងក្រោយលើការលុបបំបាត់បញ្ហាគ្រឿងញៀន ជាពិសេសភាពជោគជ័យលើទប់ស្កាត់កុំឱ្យមានអ្នកប្រើប្រាស់គ្រឿងញៀន កើតឡើងទៅបាន នៅពេលដែលគ្រួសារមួយចេះគ្រប់គ្រងគ្រួសារសមាជិកខ្លួនឯងបាន គ្រួសារមួយពិនិត្យសមាជិកខ្លួនឯងបាន​ តាមរយៈការដាស់តឿនសមាជិកគ្រួសារជាប់ជាប្រចាំ ម្ដងហើយម្ដងទៀត។

បន្ថែមពីលើនេះ ដើម្បីកាត់បន្ថយគ្រោះថ្នាក់ដែលបណ្ដាលមកពីការប្រើប្រាស់គ្រឿងញៀន លោក​ប្រធានអាជ្ញាធរជាតិប្រយុទ្ធប្រឆាំងគ្រឿងញៀន អំពាវនាវឱ្យភាគីពាក់ព័ន្ធជាពិសេសសិល្បករល្បីៗ ដែលមានកេរ្តិ៍ឈ្មោះ មានឥទ្ធិពលត្រូវជួយផ្សព្វផ្សាយដល់អ្នកគាំទ្រ ឱ្យបានយល់ដឹងពីឥទ្ធិពល ផលប៉ះពាល់ និងគ្រោះថ្នាក់នៃគ្រឿងញៀន បន្ថែមពីលើកិច្ចការងារដែលរាជរដ្ឋាភិបាលបាននិងកំពុងធ្វើ។ សម្រាប់លោក នេត សាវឿន សិល្បករខ្មែរ គឺមានឥទ្ធិពលណាស់ ក្នុងការជួយផ្សព្វផ្សាយអប់រំពីផលប៉ះពាល់នៃគ្រឿងញៀន ទៅក្នុងសង្គមឱ្យបានជ្រួតជ្រាប។

លោក នេត សាវឿន បានឱ្យដឹងថា រយៈពេល៦ខែ នៃដើមឆ្នាំ២០២៤ សមត្ថកិច្ចបង្ក្រាបបានឧក្រិដ្ឋជន អ្នកប្រើប្រាស់ ជិតមួយម៉ឺននាក់ និងរឹបអូសបានគ្រឿងញៀនក្នុងរង្វង់ជិត៤តោន។ តាមលោកប្រធានអាជ្ញាធរជាតិប្រយុទ្ធប្រឆាំងគ្រឿងញៀន គ្រឿងញៀនក្នុងរង្វង់ជិត៤តោននេះ នៅមិនទាន់គិតបញ្ចូលនូវសារធាតុផ្សំរាប់រយគីឡូផ្សេងទៀតឡើយ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

រដ្ឋបាលរាជធានីភ្នំពេញបន្តបង្កើនការដាក់ប្រព័ន្ឋលូ​ធំៗ ដើម្បីបញ្ចៀសការជន់លិច

ព័ត៌មានជាតិ១២ ម៉ោង មុន

លោក នេត សាវឿន៖ បើគ្រួសារមួយមានមនុស្សម្នាក់ប្រើគ្រឿងញៀន គ្រួសារនោះប្រៀបដូចមានជាភ្នំភ្លើងមួយដែរ

ព័ត៌មានជាតិ១៥ ម៉ោង មុន

អបអរសាទរ ខួបលើកទី១៦ នៃការដាក់បញ្ចូលប្រាសាទព្រះវិហារ ក្នុងបញ្ជីបេតិកភណ្ឌពិភពលោក

ព័ត៌មានអន្ដរជាតិ១៥ ម៉ោង មុន

រុស្ស៊ី បាត់បង់​ជីវិត​ទាហាន ២៥០​នាក់​ជា​រៀងរាល់​ថ្ងៃ

ព័ត៌មានជាតិ១៦ ម៉ោង មុន

រដ្ឋបាលខណ្ឌច្បារអំពៅ បើកវគ្គបណ្តុះបណ្តាលស្តីពី តួនាទី ភារកិច្ច និងសិទ្ធរបស់កម្លាំងប្រជាការពាទូទាំងខណ្ឌ

ព័ត៌មានជាតិ១៧ ម៉ោង មុន

ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស

ព័ត៌មានជាតិ១២ ម៉ោង មុន

លោក នេត សាវឿន៖ បើគ្រួសារមួយមានមនុស្សម្នាក់ប្រើគ្រឿងញៀន គ្រួសារនោះប្រៀបដូចមានជាភ្នំភ្លើងមួយដែរ

ព័ត៌មានអន្ដរជាតិ១៧ ម៉ោង មុន

លោក បៃដិន ដាច់​ខាត​មិន​ធ្វើ​តេស្ត​​​ប្រាជ្ញា ឬ​សរសៃ​ប្រសាទ បន្ទាប់​ពី​ជជែក​ដេញ​ដោល​ចាញ់​លោក ត្រាំ

ព័ត៌មានជាតិ១៨ ម៉ោង មុន

អ្នកជំនាញ ក្រើនរំលឹកដល់ក្រុមហ៊ុនអាជីកម្ម ប្រុងប្រយ័ត្ន ចំពោះប្រព័ន្ធសុវត្ថិភាពលើអ៊ីនធឺណិត

ព័ត៌មានជាតិ១៦ ម៉ោង មុន

រដ្ឋបាលខណ្ឌច្បារអំពៅ បើកវគ្គបណ្តុះបណ្តាលស្តីពី តួនាទី ភារកិច្ច និងសិទ្ធរបស់កម្លាំងប្រជាការពាទូទាំងខណ្ឌ

Sokha Hotels

ព័ត៌មានពេញនិយម