ព័ត៌មានជាតិ

ឆ្នេរសមុទ្រមួយកន្លែងនៅក្រុងកែប កំពុងរងការចាក់ដីរំលោភដោយបុគ្គលមានអំណាច

បានផុស

១ year មុន

នៅ

ថ្ងៃចន្ទ ៨ កក្កដា ២០២៤

ដោយ

កាលពីថ្ងៃទី៦ ខែកក្កដា ឆ្នាំ២០២៤នេះ មានប្រភពមួយបានឲ្យដឹងថា មន្ត្រីជំនាញពាក់ព័ន្ធនៅតែមានការឃុបឃិតគ្នាជាមួយជនខិលខូចចាក់ដីរំលោភចូលយកដីចំណីឆ្នេរសមុទ្រខេត្តកែបមួយកន្លែងធ្វើជាកម្មសិទ្ធផ្ទាល់ខ្លួន ដែលស្ថិតនៅភូមិកែប ស្ថិតនៅក្នុងសង្កាត់កែប ក្រុងកែប ខេត្តកែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋនៅភូមិកែប បាននាំគ្នានិយាយរិះគន់ថា មានសកម្មភាពធ្វើរបងបាំងសង្ក័សីហើយបានចាក់ដីលុបចូលឆ្នេរសមុទ្រកែបនេះភាគច្រើនគឺធ្វើនៅថ្ងៃសៅរ៍ និងថ្ងៃអាទិត្យ ព្រោះថ្ងៃដែលមន្ត្រីរាជការឈប់សម្រាកពីរការងារ។

លោក លេង សុខុម អភិបាលរងស្តីទីក្រុងកែប បានប្រាប់ឱ្យដឹងកាលពីថ្ងៃទី៥ ខែកក្កដា ពីដំណើរឿងបុគ្គលចាក់ដីរំលោភចូលធ្នេរសមុទ្រកែបនោះ អាជ្ញាធរពុំបានចេញច្បាប់អនុញ្ញាតឱ្យនោះទេ គឺបុគ្គល់បានលួចធ្វើសកម្មភាពម្ដងម្កាល ហើយការចាក់ដីរំលោភឆ្នេរនេះ លោក ខេង យ័ន្ត អតីតអភិបាលក្រុងកែបមុន ក៏ធ្លាប់បានហាមឃាត់មិនឱ្យមានការចាក់រំលោភចូលធ្នេរសមុទ្រកែបដែ។

ទោះបីជាមានការបកស្រាយពីសំណាក់លោកអភិបាលស្តីទីយ៉ាងណាក៏ដោយ មហាជននៅតែមានការរិះគន់ទៅលើមន្ត្រីជំនាញ និងអាជ្ញាធរថា បើអាជ្ញាធរ និងមន្ត្រីជំនាញមិនបើកដៃឲ្យបុគ្គល់នោះទេក្រុមជនខិលខូចក៏មិនហ៊ានធ្វើព្យុះភ្លៀងទៅតាមតែអំពើចិត្តនោះឡើយ៕

អត្ថបទ៖ សឹង រ៉ាត់