ជំនន់ទឹកស្ទឹងសង្កែ លិចផ្ទះជាង ២០០ ខ្នង និងផលដំណាំ ១៤៧ ហិតា លើពីរឃុំ ក្នុងស្រុកបាណន់

នៅក្នុងរយៈ​ពេលប៉ុន្មានថ្ងៃចុងក្រោយ​នេះ ជំនន់​ទឹក​ស្ទឹងសង្កែ​បានលិចលង់​លំនៅដ្ឋាន​ប្រជាពលរដ្ឋជា​ច្រើនខ្នង នៅ​ក្នុង​ស្រុកបាណន់ រួមទាំង​ផល​ដំណាំ​គ្រប់ប្រភេ​ទជាង ១០០ ហិតា​ផងដែរ។

នៅថ្ងៃទី២៩ ខែកក្កដា ឆ្នាំ២០២៤ ទឹកជំនន់​បានលិចថ្នល់ និងក្រោមផ្ទះ​ប្រជាពលរដ្ឋចំនួន ២ឃុំ លើ ៨ភូមិ ស្មើនឹង ២១២ ខ្នង​ផ្ទះ ផ្លូវគ្រួស​ក្រហម ប្រវែង ៤.៥៨០ ម៉ែត្រ និង​ដំណាំផ្សេងៗ ចំនួន ១៤៧ ហិតា ដូច​មាន​លម្អិតខា​ងក្រោម÷

១.ឃុំឈើទាល : ភូមិ​បត់​សាលា ចំណុច​តាស៊ង បានហូរ​លិចថ្នល់​គ្រួសក្រហម ១៥០ម៉ែត្រ និងលិច​ក្រោមផ្ទះប្រជាពលរដ្ឋ​ចំនួន​ ៣៥ ខ្នងផ្ទះ និងដំណាំ​ផ្សេងៗចំនួន ៦៥ ហិតា , ភូមិកំពង់ស្រម៉ លិចផ្លូវ​គ្រួស​ក្រហម ១.៥០០ម៉ែត្រ​ លិចក្រោម​ផ្ទះ​ពលរដ្ឋ ៤៦ ខ្នងផ្ទះ និង​ដំណាំផ្សេងៗ ២៥ ហិតា , ភូមិ​បាយដំរាំ លិចផ្លូវ​គ្រួសក្រហម ១.៨០០ម ផ្ទះពលរដ្ឋ ២៦ខ្នងផ្ទះ និងដំណាំផ្សេងៗ ២៥ ហិតា , ភូមិឥទ្ធជិត លិចផ្លូវ ១.០០០ម ផ្ទះ​ពលរដ្ឋ ២១ខ្នងផ្ទះ និង​ដំណាំផ្សេងៗ ១៥ ហិតា។

២.ឃុំបាយដំរាំ : ទឹក​បានហូរចូលក្រោមផ្ទះប្រជាពលរដ្ឋ ចំនួន ៤ភូមិ ស្មើនឹង ៨៤ ខ្នងផ្ទះគឺ : ភូមិស្តៅ មាន ១៧ខ្នង , ភូមិតាស៊ង ២៧ខ្នង, ភូមិបាយដំរាំ ១៧ខ្នង , ភូមិកញ្ច្រោង ២៣ខ្នង, ទឹកហូរកាត់ផ្លូវគ្រួសក្រហម ៤ កន្លែង ប្រវែង ១៣០ ម៉ែត្រ និង លិច​ដំណាំផ្សេងៗ ១៧ ហិតា។ ប៉ុន្តែទឹកជំនន់នេះ មិនបានប៉ះពាល់ដល់​ជីវិតមនុស្ស​សត្វឡើយ  ៕

អត្ថបទ : សោ និយមរ័ត្ន