ព័ត៌មានជាតិ
បើកលក់ឥណទានកាបូនឡើងវិញ កម្ពុជារំពឹងទទួលបានចំណូល ១០ លានដុល្លារ ពីការថែរក្សាការពារព្រៃឈើ
លោក អ៊ាង សុផល្លែត រដ្ឋមន្ត្រីក្រសួងបរិស្ថាន បានលើកឡើងថា ការបើកលក់ឥណទានកាបូនឡើងវិញ កម្ពុជារំពឹងនឹងអាចទទួលបានថវិកាប្រមាណ ១០ លានដុល្លារពីការថែរក្សានិងការពារព្រៃឈើ។
ថ្លែងនៅក្នុងសន្និសីទបិទកិច្ចប្រជុំថ្នាក់រដ្ឋមន្ត្រីបរិស្ថានមហាអនុតំបន់មេគង្គ លោក អ៊ាង សុផល្លែត រដ្ឋមន្រ្តីក្រសួងបរិស្ថានបានមានប្រសាសន៍ថា កម្ពុជាបានអាក់ខានដំណើរការការលក់កាបូនប្រមាណជាង ១ ឆ្នាំមកហើយ ដូច្នេះតាមរយៈការបើកឱ្យកម្ពុជាអាចលក់កាបូនឡើងវិញ គឺសបញ្ជាក់ឱ្យឃើញថា រាជរដ្ឋាភិបាលមានលទ្ធភាពនិងសមត្ថភាពគ្រប់គ្រាន់ក្នុងការគ្រប់គ្រង ថែរក្សាធនធានធម្មជាតិ ព្រៃឈើបានយ៉ាងល្អប្រសើរ។
«ការលក់ឥណទានកាបូនមានន័យថា មិនមែនមានកាបូន ១០០ តោន យកទៅលក់ក្នុងតម្លៃ ១០០ ដុល្លារ គឺបានន័យថា កាបូន ១០០តោន លើព្រៃឈើក្នុងរង្វង់ប៉ុណ្ណឹង លក់ក្នុងតម្លៃប៉ុណ្ណឹង ដូច្នេះលុយដែលទទួលបានពីការលក់នេះ ត្រូវយកមកថែរក្សាព្រៃឈើ សំដៅឱ្យព្រៃហ្នឹងមាននូវចិរភាព មានការរីកចម្រើន ឱ្យប្រជាជនរស់នៅអាស្រ័យលើផលពីព្រៃឈើន៍មានជីវភាពកាន់តែល្អប្រសើរ នេះគឺជាអត្ថន័យពិតនៃការលក់កាបូន»។ លោករដ្ឋមន្រ្តីពន្យល់។
លោកបន្តថា ការបើកលក់ឥណទានកាបូនឡើងវិញ គឺជាការផ្ដល់នូវការលើកទឹកចិត្តធ្វើយ៉ាងណាឱ្យការថែរក្សា អភិរក្សធនធានធម្មជាតិមានការរីកចម្រើននិងមានចិរភាព។
កម្ពុជាមិនមែនមានកាបូនតែនៅតំបន់ជួរភ្នំក្រវាញខាងត្បូង ក្នុងភូមិសាស្រ្តឧទ្យានជាតិជួរភ្នំក្រវាញប៉ុណ្ណោះទេ ក៏មាននៅដែនជម្រកសត្វព្រៃកែវសីមា និងទីតាំងមួយចំនួនទៀត ដូច្នេះនាពេលខាងមុខ កម្ពុជាអាចនឹងទទួលបានថវិកាប្រមាណ ១០ លានដុល្លារ ពីការលក់កាបូន ហើយចំពោះថវិកាដែលទទួលបានពីការលក់កាបូននេះ ត្រូវតែយកមកប្រើសម្រាប់បម្រើឱ្យការគ្រប់គ្រងធនធានធម្មជាតិ និងជួយដល់ប្រជាសហគមន៍ទាំងមូល។
បើតាមការគូសបញ្ជាក់ពីរដ្ឋមន្ត្រីក្រសួងបរិស្ថាន ដើម្បីអាចលក់កាបូនបាន លុះត្រាតែត្រូវឆ្លងកាត់សវនកម្មឯករាជ្យ មកពិនិត្យវាយតម្លៃតើកម្ពុជាអាចគ្រប់គ្រងព្រៃឈើបានឬក៏អត់៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ