ព័ត៌មានជាតិ

សិស្សត្រៀមប្រឡងបាក់ឌុបស្អែក នាំគ្នាទៅអុជធូបបន់ស្រន់ នៅព្រះអង្គដងកើ

បានផុស

៨ ខែ មុន

នៅ

ថ្ងៃចន្ទ ៧ តុលា ២០២៤

ដោយ

អ៊ិន ពិសី

យុវសិស្សប្រុស-ស្រី ជាច្រើនរយនាក់ បាននាំគ្នាទៅអុជធូប បន់ស្រន់ នៅមុខព្រះអង្គដងកើ តាំងពីព្រឹកដល់រសៀល មិនទាន់អស់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវតី កង គន្ធា បានប្រាប់ថា ថ្ងៃស្អែក នាងត្រូវទៅប្រឡងយកសញ្ញាបត្របាក់ឌុប ដែលប្រព្រឹត្តិទៅនៅថ្ងៃទី ៨ និង ទី ៩ ខែតុលា។

យុវតីរូបនេះ បញ្ជាក់ថា «ខ្ញុំបានខិតខំមើលមេរៀនគ្រប់សព្វអស់ហើយ ប៉ុន្តែនាងខ្ញុំមកបន់ស្រន់បន្ថែមទៀត ព្រោះខ្ញុំជឿជាក់លើបារមីព្រះអង្គដងកើ នាមុខព្រះបរមរាជវាំង»។

យុវសិស្ស ឧត្តម ភារិទ្ធិ ក៏បានឲ្យដឹងដែរថា ក្មួយប្រុសមកបន់ស្រន់បន្ថែមទៀត ព្រោះគ្រួសារក្មួយជឿជាក់តែបារមីព្រះអង្គដងកើ ជារៀងរហូតមក។ ដូច្នេះហើយទើបក្មួយប្រុសឆ្លៀតពេលមកអុជធូបបន់ស្រន់សុំឲ្យបារមីព្រះអង្គដងកើស្ថិតនៅក្នុងខ្លួន ដើម្បីធ្វើត្រូវគ្រប់វិញ្ញាសា និងបានជាប់សញ្ញាបត្របាក់ឌុប។

គួររំលឹកថា ថ្ងៃទី ៨ និង ទី ៩ ខែតុលា នេះ គឺជាថ្ងៃប្រឡងបាក់ឌុប ដូច្នេះហើយទើបយុវសិស្សប្រុស-ស្រី ជាច្រើនរយនាក់ បាននាំគ្នាមកបន់ស្រន់មុខព្រះអង្គដងកើ ព្រោះជាជំនឿរបស់ពួកគាត់៕

អត្ថបទ ៖ នរា