ព័ត៌មានជាតិ

អាជ្ញាធរសង្កាត់ចោមចៅទី ៣ ចុះបូមស្ដារប្រព័ន្ធលូជូនប្រជាពលរដ្ឋ

បានផុស

២ ខែ មុន

នៅ

ថ្ងៃសៅរ៍ ២៦ មេសា ២០២៥

ដោយ

កាលពីព្រឹកថ្ងៃទី ២៦ ខែមេសា ឆ្នាំ ២០២៥ រដ្ឋបាលសង្កាត់ចោមចៅទី ៣ បានសហការជាមួយក្រុមការងារសាលារាជធានីភ្នំពេញ ចុះបូមស្តារប្រព័ន្ធលូជូនប្រជាពលរដ្ឋ នៅក្នុងភូមិព្រៃព្រីងខាងជើង ១ សង្កាត់ចោមចៅទី ៣ ខណ្ឌពោធិ៍សែនជ័យ ដើម្បីសម្រួលចរន្តទឹកហូរលឿន បញ្ចៀសការស្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី ៣ បានឲ្យដឹងថា ក្រោយពីទទួលបានការស្នើសុំពីប្រជាពលរដ្ឋថាមានការកកស្ទះប្រព័ន្ធលូបង្ហូរទឹក ទើបនៅព្រឹកថ្ងៃទី ២៦ មេសា នេះ លោកបានសហការជាមួយក្រុមការងារសាលារាជធានីភ្នំពេញ ចុះបូមលូ និងស្តារប្រព័ន្ធលូជូនពលរដ្ឋតែម្ដង ដើម្បីសម្រួលប្រព័ន្ធលូហូរទឹកបានលឿន និងបញ្ចៀសការស្ទះពេលធ្លាក់ភ្លៀងមកម្តងៗ។

ជាមួយគ្នានោះផងដែរ លោក វ៉ា សាវឿន តំណាងឲ្យរដ្ឋបាលសង្កាត់ចោមចៅទី ៣ ទាំងមូល សូមថ្លែងអំណរគុណដល់ លោក ឃួង ស្រេង អភិបាលរាជធានីភ្នំពេញ និង លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូន លោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ រួមទាំងក្រុមការងាររាជធានីភ្នំពេញ ដែលបានផ្តល់រថយន្តសម្រាប់បូមលូទាន់ពេលវេលា៕

អត្ថបទ ៖ សុខា