ព័ត៌មានជាតិ

ខេត្តស្វាយរៀងមិនថយទេ ៣ ថ្ងៃជាប់គ្នា កើនអ្នកឆ្លងថ្មីជិត ១០០ នាក់

បានផុស

៣ years មុន

នៅ

ថ្ងៃចន្ទ ៥ មេសា ២០២១

ដោយ

ខេត្តស្វាយរៀងនៅតែមានការកើនឡើងករណីឆ្លងកូវីដ ១៩ ថ្មី ៣ ថ្ងៃជាប់គ្នាមិនថយមថយ។ ព្រឹកនេះក្រសួងសុខាភិបាលបានប្រកាសរកឃើញឆ្លងថ្មី ២២ នាក់ទៀត ហើយគិតត្រឹម ៣ ថ្ងៃចុងក្រោយខេត្តស្វាយរៀងរកឃើញអ្នកឆ្លងសរុប ៩៤ នាក់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តស្វាយរៀងមានការផ្ទុះឆ្លងច្រើនធ្ងន់ធ្ងរគឺនៅក្រុងបាវិត។ ទីក្រុងពាណិជ្ជកម្មជាប់ព្រំដែនវៀតណាមនេះ សំបូងរោងចក្រ និងកាស៊ីណូមានបុគ្គលិក កម្មកររាប់ម៉ឺននាក់បម្រើការងារនិងច្រកចេញចូលជាប់ព្រំដែនវៀតណាម។

បើទោះបីរដ្ឋបាលខេត្តស្វាយរៀងបានប្រកាសបិទកាស៊ីណូទូទាំងតំបន់ជាបណ្តោះអាសន្ន ដើម្បីការពារការឆ្លងរាលដាលជំងឺកូវីដ១៩ក្នុងខេត្ត តែស្ថានភាពឆ្លងនៅតែមិនថមថយ។ បច្ចុប្បន្នមានអ្នកជំងឺកូវីដ ១២១ នាក់ ដែលកំពុងសម្រាកព្យាបាលនៅខេត្តស្វាយរៀង។

គិតត្រឹមព្រឹកថ្ងៃនេះ នៅទូទាំងប្រទេសកម្ពុជារកឃើញករណីឆ្លងថ្មីចំនួន ៦៣ នាក់ទៀត និងជាសះស្បើយ ៩៤ នាក់។ ភ្នំពេញឈរលើគេមាន ៣១ នាក់ ស្វាយរៀង ២២នាក់ ព្រះសីហនុ ៦នាក់ កណ្ដាល ១នាក់ ព្រៃវែង ១នាក់ កោះកុង ១នាក់ កំពង់ឆ្នាំង ១ នាក់។

Related Topics:

Up Next

បងប្អូនតាមខណ្ឌទាំង ១៤ សូមមើលឈ្មោះ អ្នកឆ្លងកូវីដទាំង ៣ ថ្ងៃនៅភ្នំពេញ សូមប្រុងប្រយ័ត្ន

Don't Miss

អាជ្ញាធរឲ្យអាជីវករផ្សារអូរឫស្សីទាំងអស់ ត្រូវទៅធ្វើតេស្ត អ្នកគេចវេសប្រឈមមុខផ្លូវច្បាប់