Connect with us

ព័ត៌មានជាតិ

​ស្វែង​យល់​ផ្លូវ​ដែកនៅ​កម្ពុជា អាច​រត់​បាន​ត្រឹមល្បឿនមធ្យម ៤០គីឡូម៉ែត្រ/ម៉ោង

បានផុស

នៅ

ផ្លូវដែកដែលមានស្រាប់នៅកម្ពុជាមានចំនួន ២ ខ្សែ គឺខ្សែភាគខាងត្បូង និងខ្សែភាគខាងជើង ដែល​មាន​ប្រវែង​សរុប​ប្រហែល ៦៥២ គីឡូម៉ែត្រ ជាប្រភេទខ្សែផ្លូវទោល និងទទឹងខ្លី (មួយម៉ែត្រ)។

ខ្សែផ្លូវដែក​ភាគខាងជើង​ ដែលតភ្ជាប់រាជធានីភ្នំពេញ​ទៅក្រុងប៉ោយប៉ែត (ព្រំដែន​កម្ពុជា-ថៃ) មាន​ប្រវែង​សរុប ៣៨៦ គីឡូម៉ែត្រ ត្រូវបានសាងសង់​ពីឆ្នាំ១៩២៩ ដល់ឆ្នាំ១៩៤២ និងខ្សែផ្លូវភាគខាងត្បូង​តភ្ជាប់​ពី​រាជធានី ភ្នំពេញ​ទៅកំពង់ផែស្វយ័តក្រុងព្រះសីហនុមានប្រវែងសរុប ២៦៦ គីឡូម៉ែត្រ ត្រូវបាន​សាងសង់​ក្នុងឆ្នាំ ១៩៦០ ដល់ឆ្នាំ១៩៦៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកសារ​ផែនការមេ​គ្រប់ជ្រុងជ្រោយស្តី​​ពីប្រព័ន្ធ​ដឹកជញ្ជូន​អន្តរមធ្យោបាយ​និង​ភស្តុភាកម្ម​កម្ពុជា​​បង្ហាញ​ថា ចន្លោះឆ្នាំ ២០០៨ ដល់ឆ្នាំ២០១៥ រាជរដ្ឋាភិបាលបានស្តារផ្លូវដែក​ទាំង​ពីរ​ខ្សែ​ ដោយ​ចំណាយថវិកា​សរុប​ប្រហែល ១៤០ លានដុល្លារអាម៉េរិក។

ជាបន្តបន្ទាប់ចាប់តាំងពីឆ្នាំ ២០១៥រា​ជ​រដ្ឋាភិបាល​បានផ្ដល់ថវិកា ២០ លានដុល្លារអាម៉េរិក/ឆ្នាំ ដើម្បីបន្តការងារស្តារ​ផ្លូវដែកឡើងវិញ។ ការស្តារ​ឡើងវិញ​នូវផ្លូវដែកខ្សែ​ភាគ​ខាងត្បូង​បាន​បញ្ចប់​នៅ​ឆ្នាំ២០១៣។

ចំណែកផ្លូវដែកភាគខាងជើងបានតភ្ជាប់នៅខែមេសាឆ្នាំ ២០១៨ រួមបញ្ចូលទាំង​ការសាងសង់​កំណាត់ថ្មីតភ្ជាប់​ពីក្រុងសិរីសោភ័ណ​ទៅកាន់ក្រុងប៉ោយប៉ែតមាន​ប្រវែង ៤៨ គីឡូម៉ែត្រ។

ទោះបីយ៉ាងនេះ ផ្លូវដែកខ្សែភាគខាងជើង​មិនទាន់ត្រូវបានដាក់ឱ្យដំណើរការពេញលេញនិង​ជាផ្លូវការ​នៅឡើយទេ។

ផ្លូវដែកខ្សែភាគខាងជើងបាន​តភ្ជាប់ជាមួយផ្លូវដែករបស់ប្រទេសថៃនៅចំណុចច្រកព្រំដែន​ប៉ោយប៉ែត ប៉ុន្តែដោយសារកិច្ចព្រម​ព្រៀងដឹកជញ្ជូនឆ្លងកាត់ព្រំដែនកម្ពុជា-ថៃកំពុង ស្ថិតក្នុងការ​ចរចា ដូច្នេះការដឹកជញ្ជូនឆ្លងកាត់​ព្រំដែនដោយ​មធ្យោបាយ​​ផ្លូវដែក​មិនទាន់​បានចាប់ផ្ដើម​នៅ​ឡើយ​ទេ។

បច្ចុប្បន្នចំនួនជើងរថភ្លើងដែលធ្វើប្រតិបត្តិការដឹកជញ្ជូនអ្នកដំណើរ និងទំនិញតាមខ្សែរត់ភាគខាងត្បូង​មានបរិមាណតិចតួច ដោយថេរវេលាប្រតិបត្តិការដឹកជញ្ជូន​អ្នកដំណើរ ៥ ម៉ោង/ជើង ដោយ​មាន​ល្បឿនធ្វើដំណើរជាមធ្យមត្រឹម ៥៥ គីឡូម៉ែត្រ/ម៉ោង និងមានរថភ្លើងចំនួន ៤ គូ កំពុង​ដំណើរការ​សម្រាប់ការ​ដឹកអ្នកដំណើររៀងរាល់សប្តាហ៍ និងមានអ្នកដំណើរប្រមាណ ៣៩ ១០០ នាក់ ក្នុង​ឆ្នាំ​២០១៧។

ដោយឡែក ការដឹកជញ្ជូនទំនិញប្រើរយៈពេល ៦ ម៉ោង និងល្បឿន ៤៥ គ.ម/ម៉ោង ដឹកទំនិញ​សំខាន់​ៗ រួមមាន៖ ប្រេងឥន្ទនៈ ស៊ីម៉ងត៍ ធ្យូង រ៉ែនិងទូរកុងតឺន័រ និងមានទំនិញប្រមាណ ៧៥៩ ៧០០​ តោន ត្រូវបានដឹកក្នុងឆ្នាំ២០១៧។

ចំណែកឯផ្លូវរត់ភាគខាងជើងត្រូវបានរំពឹងថា ការដឹកជញ្ជូន​អ្នក​ដំណើរ​នឹងចំណាយថេរវេលាប្រមាណ ១០ ម៉ោង/ជើង ដោយមាន​ល្បឿនធ្វើដំណើរ​ជាមធ្យម​ប្រហែល ៤០ គីឡូម៉ែត្រ/ម៉ោង ហើយការដឹកជញ្ជូនទំនិញប្រើប្រាស់រយៈពេល ១៣ ម៉ោង និងល្បឿន ៣០គ.ម/ម៉ោង ប៉ុន្តែខ្សែភាគខាងជើងនេះ​មិនទាន់ត្រូវបាន​ដាក់ឱ្យដំណើរការជាផ្លូវការនៅឡើយ។

ដង់ស៊ីតេបណ្ដាញផ្លូវដែកនៅកម្ពុជា​គឺ ៣៥,៩គ.ម/១០ ០០០គ.ម២ ស្មើនឹង ០,៤១គ.ម/ប្រជាជន ១០ ០០០ នាក់។ ធៀបជាមួយប្រទេសជិតខាងដូចជាវៀតណាម ថៃ ឡាវ មីយ៉ាន់ម៉ា និងម៉ាឡេស៊ី​ដង់ស៊ីតេ​នៃបណ្តាញផ្លូវដែកនៅកម្ពុជា មានកម្រិតខ្ពស់តែជាង​ប្រទេសឡាវ​ប៉ុណ្ណោះ។ ជារួម ការ​អភិវឌ្ឍ​ហេដ្ឋារចនាសម្ព័ន្ធផ្លូវដែកកម្ពុជានៅមានកម្រិត ដោយ​សារ​​មានស្តង់ដារបច្ចេកទេសទាប និង​មិន​ទាន់មាន​ភាពប្រកួត​ប្រជែង (ទាំងថ្លៃចំណាយ និងពេលវេលា)។

ក្នុង​ពិធី​សម្ពោធ​ដាក់ឱ្យ​ប្រើប្រាស់​ផ្លូវ​ចំនួន ៣៨​ ​ខ្សែ ព្រមទាំង​ហេដ្ឋារចនាសម្ព័ន្ធ​រូបវន្ត​មួយចំនួនទៀត​ក្នុង​ក្រុង​សៀមរាប កាលពី​ថ្ងៃទី ​៤ ខែមេសា ឆ្នាំ​ ២០២២ អតីត​នាយក​រដ្ឋមន្ត្រី​កម្ពុជា​សម្តេច​តេជោ ហ៊ុន សែន បាន​លើកឡើង​ថា រាជរដ្ឋាភិបាល​កំពុង​ពិចារណានិង​គិតគូរ​ទៅលើ​ការអភិវឌ្ឍ​ប្រព័ន្ធ​ហេដ្ឋារចនាសម្ព័ន្ធ​ផ្លូវដែក​ដែល​មាន​ស្រាប់​ និង​ហួស​សម័យ ដោយ​ជំនួស​មកវិញ​នូវ​ផ្លូវ​រថភ្លើង​ល្បឿន​លឿន​។

រដ្ឋាភិបាលកំពុង​​ស្វែងរក​ដៃគូ​អភិវឌ្ឍន៍​នៅ​លើ​ផ្លូវ​រថភ្លើង​ចាស់​ ខណៈ​បច្ចុប្បន្ន​ការដឹកជញ្ជូន​តាម​ផ្លូវ​ដែក​មាន​ភាពយឺតយ៉ាវ​ មិនអាច​ឆ្លើយតប​នឹង​ការវិវឌ្ឍ​សេដ្ឋកិច្ចសង្គម​កម្ពុជា​បាន​នោះទេ​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៣ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៤ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៥ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៦ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៣ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៨ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៧ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៧ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម