ព័ត៌មានជាតិ
រង្វង់មូលព្រះនរាយណ៍ ក្លាយជាចំណតម៉ូតូកង់បី និងតាក់ស៊ី បង្កជាភាពអនាធិបតេយ្យ
បច្ចុប្បន្ន គេសង្កេតឃើញថា ចំណុចខាងលិចរង្វង់មូលព្រះនរាយណ៍ ស្ថិតក្នុងសង្កាត់អូចារ ក្រុងបាត់ដំបង ស្ទើរតែក្លាយជាចំណតរថយន្តតាក់ស៊ី និងម៉ូតូកង់បី ទៅហើយ ដើម្បីចាប់ម៉ូយ ដែលបញ្ហានេះបានបង្កជាភាពអនាធិបតេយ្យ ខ្វះសណ្ដាប់ធ្នាប់លើទីសាធារណៈ ព្រមទាំងធ្វើឲ្យអ្នកធ្វើដំណើរពិបាកមើលផ្លូវនៅពេលឆ្លងកាត់តាមរង្វង់មូលនេះទៀតផង។
ប្រជាពលរដ្ឋរស់នៅក្នុងតំបន់នោះបាននិយាយថា «បើទោះបីជាកន្លងមក សមត្ថកិច្ចធ្លាប់បានចុះណែនាំ និងអប់រំ យ៉ាងណាក៏ដោយ ក៏ហាក់បីដូចជាវែកចកកណ្ដាលបឹងយ៉ាងដូច្នេះដែរ ព្រោះការណែនាំគេស្ដាប់បានតែមួយរយៈខ្លីប៉ុណ្ណោះ មនុស្សស្អែកឡើងទង្វើនេះនឹងកើតឡើងវិញដដែល ព្រោះមិនត្រឹមតែចតច្រងេងច្រងាងនោះទេ ថែមទាំងមានក្រុមចាប់កាងរត់ពេញផ្លូវដើម្បីចាប់ម៉ូយឲ្យតាក់ស៊ីទៀតផង»។
ប្រភពដដែលបានបន្តថា ការនាំគ្នាសម្រុកចតយ៉ាងអនាធិបតេយ្យបែបនេះ មិនត្រឹមតែបាត់បង់នូវសណ្ដាប់ធ្នាប់សាធារណៈនោះទេ គឺវាអាចបង្កឲ្យមានគ្រោះថ្នាក់ចរាចរណ៍ថែមទៀតផង នៅពេលដែលអ្នកបើកបរបម្រុងឆ្លងកាត់ហើយមើលមិនឃើញខាងឆ្វេងខាងស្ដាំ ដោយសារតែការចតពាសវាលពាសកាលបែបនេះ។
ប្រជាពលរដ្ឋជាច្រើន បានសំណូមពរដល់សមត្ថកិច្ចក្រុង និងរដ្ឋបាលក្រុងបាត់ដំបង មេត្តាដាក់វិធានការយ៉ាងណាឲ្យបានតឹងរ៉ឹង ដើម្បីទប់ស្កាត់ការចតពាសវាលពាសកាលដែលធ្វើឲ្យបាត់បង់នូវសោភ័ណភាព និងសណ្ដាប់ធ្នាប់សាធារណៈនេះផង៕
អត្ថបទ ៖ សោ និយមរ័ត្ន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា