នយោបាយ
លោក ថាច់ សេដ្ឋា៖ គ្រាន់តែសុំសិទ្ធិធ្វើនយោបាយឡើងវិញ អត់មានអី “ក្បត់បក្ស” ទេ
ពាក្យថា “ក្បត់បក្ស” ត្រូវបានក្លាយជាពាក្យមួយពេញនិយមទៅហើយ សម្រាប់អតីតថ្នាក់ដឹកនាំ នៃអតីតគណបក្សសង្រ្គោះជាតិ ដែលកំពុងនិរទេសខ្លួននៅក្រៅប្រទេស បានយកមកប្រើសម្រាប់អតីតថ្នាក់ដឹកនាំ នៃអតីតគណបក្សសង្រ្គោះជាតិណាម្នាក់ ដែលបានសម្រេចដាក់ពាក្យសុំផ្តល់នីតិសម្បទាធ្វើនយោបាយឡើងវិញ ប៉ុន្តែសម្រាប់លោក ថាច់ សេដ្ឋា ដែលជាអតីតមន្ត្រីជាន់ខ្ពស់ នៃអតីតគណបក្សសង្រ្គោះជាតិ ហើយទើបតែទទួលបាននីតិសម្បទាធ្វើនយោបាយឡើងវិញដែរនោះអះអាងថា លោកគ្រាន់តែសុំសិទ្ធិធ្វើនយោបាយ ហើយទទួលបាននីតិសម្បទាធ្វើនយោបាយឡើងវិញ អត់មានអីក្បត់បក្សទេ។
លោក ថាច់ សេដ្ឋា អតីតសមាជិកព្រឹទ្ធសភា និងជាអតីតមន្ត្រីជាន់ខ្ពស់ នៃអតីតគណបក្សសង្រ្គោះជាតិ ហើយជាប្រធានសហគមន៏ខ្មែរកម្ពុជាក្រោមផងនោះបានថ្លែងប្រាប់កម្ពុជាថ្មីនៅថ្ងៃទី២៧ ខែឧសភា នេះថា ការសម្រេចស្នើសុំសិទ្ធិធ្វើនយោបាយ អត់មានអីត្រូវ “ក្បត់បក្ស” ទេ ពីព្រោះវាគ្រាន់តែជានីតិវិធីផ្លូវច្បាប់។
លោក ថាច់ សេដ្ឋា បានអះអាងយ៉ាងដូច្នេះថា “អាហ្នឹងគ្រាន់តែជានីតិសម្បទា អាហ្នឹងជាផ្លូវច្បាប់តើ ! មានអីទៅជាក្បត់ ពីព្រោះតុលាការគេហាមមិនឲ្យយើងធ្វើនយោបាយចំនួន៥ឆ្នាំ ហើយច្បាប់បានបើកច្រកឲ្យយើង បើចង់បានធ្វើនយោបាយឡើងវិញ មានច្រកមួយទៅតាមមហាផ្ទៃអីចឹងទៅ យើងបានរួចខ្លួន ហើយបើបានរួចខ្លួន គេចោទប្រកាន់ មិនមែនជារឿងក្បត់ឯណា មានទៅចូលណា គ្រានតែមានសិទ្ធិធ្វើនយោបាយ ក្បត់ម៉េចទៅ វាអត់រឿង បើបំផ្លិចបំផ្លាញជាតិអីទៅ អាហ្នឹងចាំថាក្បត់ នេះជំហរយើងដដែល យើងបាត់បង់សិទ្ធិ ហើយគ្រាន់តែបានមកវិញតែប៉ុណ្ណឹងតើ”។
បើទោះជាយ៉ាងណា លោក ថាច់ សេដ្ឋា អះអាងថា ការស្នើសុំសិទ្ធិ ធ្វើនយោបាយឡើងវិញនេះ គឺគ្រាន់តែដើម្បីទៅពង្រឹងសមាគមឡើងវិញប៉ុណ្ណោះ ដើម្បីឲ្យជ្រះស្រឡះ កុំឲ្យពាក់ព័ន្ធផ្លូវច្បាប់ ហើយទាក់ទងដល់ការចូលរួមជាមួយអតីតថ្នាក់ដឹកនាំ ដែលចេញទៅបង្កើតគណបក្សផ្សេងៗនោះ លោក ថាច់ សេដ្ឋា អះអាងថា “អត់ទេ មិនទាន់គិតដល់ទេរឿងអស់ហ្នឹង គិតរឿងខ្មែរក្រោមឲ្យវាមាំទាំសិន មិនទាន់បានគិតទេរឿងអស់ហ្នឹង”។
សូមបញ្ជាក់ថា លោក ថាច់ សេដ្ឋា អតីតមន្ត្រីជាន់ខ្ពស់ នៃអតីតគណបក្សសង្រ្គោះជាតិ ហើយជាប្រធានសហគមន៏ខ្មែរកម្ពុជាក្រោមផងដែរនោះ គឺជាអ្នកនយោបាយម្នាក់ស្ថិតក្នុងចំណោម អតីតមន្ត្រីជាន់ខ្ពស់ នៃអតីតគណបក្សសង្រ្គោះជាតិ ចំនួន១១៨ នាក់ ដែលតុលាការកំពូល បានសម្រេចដកសិទ្ធិធ្វើនយោបាយរយៈពេល៥ ឆ្នាំ ហើយមកដល់ពេលនេះ មានអតីតមន្ត្រីជាន់ខ្ពស់ CNRP ចំនួន២៤នាក់ហើយ បានសម្រេចសុំសិទ្ធិធ្វើនយោបាយឡើងវិញ ហើយក្នុងចំណោមពួកគេទាំង២៤ នាក់នេះ ត្រូវបានអតីតមេដឹកនាំរបស់ខ្លួនចោទថា ជាជន”ក្បត់បក្ស”។
ក្នុងចំណោមអតីតមន្ត្រីជាន់ខ្ពស់ CNRP ចំនួន២៤នាក់ ដែលបានសុំសិទ្ធិធ្វើនយោបាយឡើងវិញនោះ មានមន្ត្រីមួយចំនួន ក៏បានសម្រេចបង្កើតគណបក្សថ្មី ដឹកនាំខ្លួនឯង ដោយសាតែអស់សង្ឃឹមចំពោះអតីតមេដឹកនាំរបស់ខ្លួន ដែលបោកប្រាស់ពួកគេម្តងហើយម្តងទៀត ហើយគ្មានសកម្មភាពណាមួយ ដែលធ្វើឲ្យពួកគេមានសង្ឃឹមសោះ៕ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង