Connect with us

នយោបាយ

លោក គង់ គាំ ថា មាន​គេ​ញុះញង់​ឲ្យ​លោក កឹម សុខា តវ៉ា​ប្រឆាំង​ការលក់​ឡៃ​ឡុង​អតីត​ទីស្នាក់ការ CNRP

បានផុស

នៅ

​អតីត​ទី​ប្រឹក្សា​ជាន់ខ្ពស់ នៃ​អតីត​គណបក្ស​សង្គ្រោះ​ជាតិ និង​ជា​មនុស្ស​ស្និទ្ធ​ជាមួយ​លោក សម រង្ស៊ី ហើយ​បច្ចុប្បន្ន​ជា​ប្រធានកិត្តិយស​គណបក្ស​ឆន្ទៈ​ខ្មែរ​លោក គង់ គាំ បាន​អះអាង​នៅថ្ងៃនេះ​ថា មាន​អ្នកខ្លះ​បាន​ប្រា​ប់លោក កឹម សុខា​ថា មិន​គួរ​នៅ​ស្ងៀម​នោះទេ ត្រូវតែ​តវ៉ា​ប្រឆាំង​ចំពោះ​ការ​លក់​ឡៃ​ឡុង អតីត​ទីស្នាក់ការ CNRP ពីព្រោះ​ជា​ញើស​ឈាម​របស់​ខ្លួន ប៉ុន្តែ​តាមពិត​ឯក​សារបាន​បញ្ជាក់​ថា ទីតាំង និង​អគារ​ទីស្នាក់ការ CNRP ជា​កម្មសិទ្ធិ​របស់​ប្តី​ប្រពន្ធ សម រង្ស៊ី​-​ជូ​ឡូង សូ​មួ​រ៉ា​។​

បើ​តាម​លោក គង់ គាំ មកដល់ពេលនេះ ដំណើរ​នយោបាយ​នៅ​កម្ពុជា កំពុង​ឈានឆ្ពោះ​ទៅរក​ការបោះឆ្នោត ក្រុមប្រឹក្សាឃុំ សង្កាត់ ឆ្នាំ​២០២២ និង​ការបោះឆ្នោត​តំណាងរាស្ត្រ​ឆ្នាំ​២០២៣ ដោយ​គ្មាន​អានុភាព​អន្តរជាតិ ឬ​អតីត​គណបក្ស​សង្គ្រោះ​ជាតិ ក៏ដូចជា​សម រង្ស៊ី​-​កឹម សុខា អាច​រារាំង និង​បំផ្លាញ​បានឡើយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូម​បញ្ជាក់​ថា សាលាដំបូង​រាជធានី​ភ្នំពេញ បាន​ប្រកាស​លក់​អតីត​ទី​ស្នាក់​កណ្តាល នៃ​ការ​អតីត​គណបក្ស​សង្គ្រោះ​ជាតិ ដែល​ស្ថិតនៅ​សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ ដើម្បី​យកប្រាក់​ទៅ​សង​ម្ចាស់បំណុល​៤​ភាគី គឺ​ទី​១, សម្តេច​តេ​ជោ ហ៊ុន សែន ជា​ម្ចាស់បំណុល (​ចំនួន​១​លាន​ដុល្លារ​), ទី​២, សម្តេច​អគ្គ​មហា​ពញា​ចក្រី ហេង សំរិន ជា​ម្ចាស់បំណុល (​ប្រមាណ​៥​សែន​ដុល្លារ​), ទី​៣ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ជា​ម្ចាស់បំណុល (២​ពាន់​លាន​រៀល​) និង​ទី​៤, រាជរដ្ឋាភិបាល​កម្ពុជា ជា​ម្ចាស់បំណុល (១​ពាន់​៨​រយ​លាន​រៀល​)​។​

​លោក គី តិច មេធាវី​រាជរដ្ឋាភិបាល បាន​អះអាង​ថា ការ​រឹបអូស​ទ្រព្យសម្បត្តិ​របស់​ពិរុទ្ធជន យកទៅលក់​ឡៃ​ឡុង ដើម្បី​យក​ប្រាក់​មក​សង សំណង​ទៅតាម​ការកំណត់​នៃ​សាលក្រម ឬ​សាលដីកា ដែល​បាន​ចូល​ជា​ស្ថាពរ ជា​ការ​ប្រតិបត្តិ​តាម​នីតិវិធី​ច្បាប់​។ លោក​ថា កម្ពុជា​គ្មាន​ទេ​អ្នក​ទោសនយោបាយ ប៉ុន្តែ​មាន​អ្នកនយោបាយ​ជាប់ទោស ដោយសារ​ប្រព្រឹត្ត​ល្មើសច្បាប់​។ ជន​ដែល​ប្រព្រឹត្ត​ល្មើសច្បាប់ ត្រូវ​ទទួលទោស និង​ទណ្ឌកម្ម តាម​ការកំណត់​នៃ​ច្បាប់​។ លោក​ថា ការអនុវត្ត​ទោសទណ្ឌ តាម​សេចក្ដីសម្រេច​របស់​តុលាការ ដែល​បាន​ឆ្លងកាត់​ដំណើរការ​នីតិវិធី​តាមផ្លូវ​ច្បាប់ និង​ក្លាយជា​សេចក្ដីសម្រេច​ស្ថាពរ​រួចហើយនោះ ជា​និយាម​អនុវត្ត​ទូទៅ និង​ជា​ប្រក្រតី នៅ​គ្រប់​បណ្តា​ប្រទេស ដែល​ប្រកាន់យក​នីតិរដ្ឋ​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម