Connect with us

នយោបាយ

ផ្លូវការ! បក្សប្រជាជនកម្ពុជា បានសម្រេចជ្រើសតាំងលោក ហ៊ុន ម៉ាណែត ជាបេក្ខភាពនាយករដ្ឋមន្រ្តីកម្ពុជាបន្តវេន

បានផុស

នៅ

ដូចការគ្រោងទុក គណៈកម្មាធិការកណ្តាលគណបក្សប្រជាជនកម្ពុជានៅព្រឹកថ្ងៃសុក្រនេះ បានបើកសន្និ​បាតជ្រើសរើសបេក្ខភាពនាយករដ្ឋមន្រ្តីកម្ពុជានាពេលអនាគត។ គណៈកម្មាធិការកណ្តាលគណបក្សប្រជាជនកម្ពុជា បានសម្រេចជាផ្លូវការជ្រើសតាំងលោក ហ៊ុន ម៉ាណែត ដែលជាកូនប្រុសរបស់សម្តេចតេជោ ហ៊ុន សែន ជាបេក្ខភាពនាយករដ្ឋមន្រ្តីកម្ពុជានាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុន ម៉ាណែត ត្រូវបានសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសគាំទ្រជាបេក្ខភាពនាយករដ្ឋមន្រ្តីបន្តវេននេះកាលពីពេលថ្មីៗកន្លងទៅនេះ។ ក្រោយការប្រកាសគាំទ្រនេះ មន្រ្តីជាន់ខ្ពស់នៃរាជរដ្ឋាភិបាលកម្ពុជា រដ្ឋសភា ព្រឹទ្ធសភា និងតុលាការ ព្រមទាំង មហាជនកម្ពុជា សុទ្ធតែបានចេញញត្តិគាំទ្រយ៉ាងច្រើន។ ពួកគេ បានលើកឡើងស្រដៀងៗគ្នា ថា លោក ហ៊ុន ម៉ាណែត មានលក្ខណៈសម្បតិ្ត និងគុណសម្បត្តិស័ក្តិសមជានាយករដ្ឋមន្រ្តីកម្ពុជាពេលអនាគតដែលមិនមានអ្នកណាអាចប្រជែងបាន។

ក៏ប៉ុន្តែ សម្តេចតេជោ នាយករដ្ឋមន្រ្តី បានអះអាងថា លោក ហ៊ុន ម៉ាណែត នេះមិនមែនជាបេក្ខភាពតែមួយនោះទេ។ សម្តេចតេជោ ក៏មានបេក្ខភាព៤រូបផ្សេងទៀតនៅក្នុងចិត្តសម្តេចផងដែរសម្រាប់តំណែងនាយករដ្ឋមន្រ្តីកម្ពុជានាពេលអនាគតនេះ។ ប៉ុន្តែ សម្តេច មិនបានបង្ហើបឱ្យដឹងថា ជាអ្នកណាខ្លះនោះទេ៕

អត្ថបទ ៖ វណ្ណ​ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម