Connect with us

នយោបាយ

សម្តេចតេជោ ហ៊ុន សែន​ ចាត់ទុកឥណ្ឌា គឺជា«មិត្តយល់ចិត្តថ្លើម»របស់កម្ពុជា

បានផុស

នៅ

«ក្នុងនាមប្រជាជន និងរាជរដ្ឋាភិបាលកម្ពុជា ខ្ញុំសូមសម្តែងនូវអំណរគុណដល់សាធារណរដ្ឋឥណ្ឌាដែលជាមិត្តយល់ចិត្តថ្លើមរបស់កម្ពុជា»។នេះ គឺជាការលើកឡើងរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅចំពោះមុខលោកស្រី ទេវ្យ៉ានី ឃុប្រាហ្គឺដេ(Devyani Khobragade) ឯកអគ្គរដ្ឋទូតឥណ្ឌាប្រចាំកម្ពុជាក្នុងពិធីប្រគល់-ទទួលវ៉ាក់សាំងចំនួន៣២៥ ០០០ដូសបន្ថែមទៀតពីរដ្ឋាភិបាលឥណ្ឌានាព្រឹកថ្ងៃអង្គារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់សម្តេចនាយករដ្ឋមន្ត្រីកម្ពុជានាពេលនេះ គឺបន្ទាប់ពីឥណ្ឌា បានផ្តល់ជំនួយវ៉ាក់សាំងបង្ការជំងឺកុវីដ១៩ដល់កម្ពុជានាពេលកន្លងមក ហើយក៏គ្រោងនឹងបន្តផ្តល់ជូនកម្ពុជាបន្ថែមទៀតនៅចុងខែមេសានេះ។ មិនត្រឹមតែនាពេលបច្ចុប្បន្ននេះទេ ពោល គឺការពីអតីតកាល ឥណ្ឌា ក៏ជាប្រទេសមួយដែលជួយដល់កម្ពុជាជាច្រើនហូរហែរផងដែរ។

សម្តេចតេជោ ហ៊ុន សែន បានអះអាងថា តាំងពីឆ្នាំ១៩៨១ មក គឺក្រោយការបិទបញ្ចប់របបខ្មែរក្រហម ឥណ្ឌា បានចូលរួមចំណែកយ៉ាងសំខាន់ក្នុងការជួយស្តារសង្គម-សេដ្ឋកិច្ចកម្ពុជាឡើងវិញតាមរយៈជំនួយមនុស្សធម៌ ការជួយគាំទ្រវិស័យពាណិជ្ជកម្ម និងវប្បធម៌ និងការផ្តល់កម្ចីហិរញ្ញប្បទានជាដើម ទាំងក្នុងក្របខណ្ឌទ្វេភាគី និងពហុភាគី។ ជាលទ្ធផល ទំនាក់ទំនងសង្គម-សេដ្ឋកិច្ច ពាណិជ្ជកម្ម និងការវិនិយោគរវាងប្រទេសកម្ពុជា និងឥណ្ឌា មានការរីកចម្រើនគួរឲ្យកត់សម្គាល់ បើទោះជាមានការថមថយបន្តិចបន្តួចក្នុងអំឡុងពេលនៃការឆ្លងរាលដាលនៃជំងឺកូវីដ១៩ក៏ដោយ។

សូមបញ្ជាក់ថា កម្ពុជា និងឥណ្ឌា បានបង្កើតទំនាក់ទំនងការទូតនឹងគ្នានៅក្នុងឆ្នាំ១៩៥២ ហើយនៅក្នុងឆ្នាំ១៩៥៤  ពោល គឺក្រោយពីកម្ពុជាទទួលបានឯករាជ្យពីប្រទេសបារាំង នាយករដ្ឋមន្រ្តីឥណ្ឌា បានមកធ្វើទស្សនកិច្ចមុនគេនៅក្នុងប្រទេសកម្ពុជា។ ចំណែក នៅចុងឆ្នាំ១៩៥៤ សម្តេចព្រះនរោត្តម សីហនុ ក៏បានយាងទៅធ្វើទស្សនកិច្ចផ្លូវការនៅក្នុងប្រទេសឥណ្ឌាវិញ ដែលការធ្វើទស្សនកិច្ចនេះ គឺប៉ុន្មានខែមុនបើកសន្និសិទនៅក្រុងបានឌុង ប្រទេសឥណ្ឌេនេស៊ី។

បើទោះបីមានទំនាក់ទងជិតស្និតយ៉ាងណាក្តី ប៉ុន្តែទំនាក់ទំនងទ្វេភាគកម្ពុជា-ឥណ្ឌា ត្រូវបានរំខាន បន្ទាប់ពីខ្មែរក្រហមឡើងគ្រប់គ្រងប្រទេសកម្ពុជានៅក្នុងឆ្នាំ១៩៧៥។ ក៏ប៉ុន្តែ ទំនាក់ទំនងនេះត្រូវបានបន្តមកវិញនៅក្នុងឆ្នាំ១៩៨១។ បន្ទាប់ពីរបបខ្មែរក្រហមដួលរលំ ឥណ្ឌា គឺជាប្រទេសទី១ដែលទទួលស្គាល់រដ្ឋាភិបាលក្រុងភ្នំពេញនៃរបបសាធារណរដ្ឋប្រជាមានិតកម្ពុជា។ តាំងពីពេលនោះមក កម្ពុជា និងឥណ្ឌា បានបន្តទំនាក់ទំនងល្អនឹងគ្នា ដោយថ្នាក់ដឹកនាំកំពូលនៃប្រទេសទាំង២ បានផ្លាស់ប្តូរដំណើរទស្សនកិច្ចគ្នាទៅវិញទៅមកជាបន្តបន្ទាប់៕

ដោយ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤៤ នាទី មុន

អ្នកវិទ្យាសាស្ត្រឲ្យត្រៀមខ្លួន! ជំងឺឆ្លងសាហាវៗនឹងផ្ទុះឡើង ដោយសារអាកាសធាតុក្តៅខ្លាំង

ព័ត៌មានអន្ដរជាតិ៧ ម៉ោង មុន

អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត

ព័ត៌មានជាតិ៨ ម៉ោង មុន

ក្នុង​ត្រីមាស​ទី១​ឆ្នាំនេះ ខេត្ត​កែប នាំចេញ​ផ្លែស្វាយ​កែវ​រមៀត​ជាង ៧​ពាន់​តោន កើនឡើង ៨២%

ព័ត៌មានជាតិ៩ ម៉ោង មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

ព័ត៌មានជាតិ៩ ម៉ោង មុន

ដីព្រៃ​ក្នុង​ដែន​ជម្រក​សត្វព្រៃ​គូលែន​-​ព្រហ្ម​ទេព ក្បែរ​បរិស្ថាន​តា​កឹង កំពុង​រង​ការ​ឈូសឆាយ​កាប់បំផ្លាញ

Sokha Hotels

ព័ត៌មានពេញនិយម