នយោបាយ
តំណាងបក្សនយោបាយថា នឹងចូលរួមធ្វើឲ្យដំណើរការបោះឆ្នោតប្រព្រឹត្តទៅដោយល្អ
តំណាងគណបក្សនយោបាយបានគាំទ្រ និងឯកភាពទាំងស្រុង ចំពោះការលើកឡើងរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលថា គ្រប់គណបក្សនយោបាយសុទ្ធតែមានចំណែក នៅក្នុងការធ្វើឲ្យដំណើរការបោះឆ្នោត នាពេលឆាប់ៗខាងមុខនេះ ប្រព្រឹត្តទៅដោយល្អ។ ក្នុងនោះ តំណាងគណបក្សនយោបាយ ក៏បានអះអាថា នឹងចូលរួមធ្វើឲ្យដំណើរការបោះឆ្នោតប្រព្រឹត្តទៅដោយល្អ ផងដែរ។
នៅក្នុងពិធីសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី ៤ កាលពីថ្ងៃទី ២០ ខែមេសា សម្ដេចតេជោនាយករដ្ឋមន្ត្រី បានថ្លែងថា គ្រប់បណ្ដាគណបក្សនយោបាយទាំងអស់សុទ្ធតែមានចំណែក ដើម្បីចូលរួមធ្វើឲ្យដំណើរការបោះឆ្នោតប្រព្រឹត្តទៅបានល្អ តាមការណែនាំរបស់គណៈកម្មាធិការជាតិរៀបចំការបោះឆ្នោត។
ពាក់ព័ន្ធនឹងការលើកឡើងខាងលើនេះលោក ពេជ្រ ស្រស់ ប្រធានគណបក្សយុវជនកម្ពុជា មានប្រសាសន៍ប្រាប់កម្ពុជាថ្មី នៅថ្ងៃទី ២១ ខែមេសានេះថា ការលើកឡើងរបស់សម្ដេចតេជោនាយករដ្ឋមន្ត្រី គឺជារឿងត្រឹមត្រូវ ពីព្រោះគណបក្សនយោបាយទាំងអស់ជាភាគីសំខាន់ ដើម្បីធានាបានបរិយាកាសនយោបាយប្រកបដោយអហិង្សា។
លោក ពេជ្រ ស្រស់ បានបញ្ជាក់ថា «គណបក្សយុវជនកម្ពុជា គឺបានត្រៀមខ្លួនរួចជាស្រេច ក្នុងការឃោសនាការបោះឆ្នោតនៅថ្ងៃខាងមុខ ដោយយើងមិនប្រើសារនយោបាយណាមួយ មានលក្ខណៈហិង្សាឡើយ និងមិនប្រើសារនយោបាយញុះញង់ឡើយ»។
ចំណែកឯលោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិច បានមានប្រសាសន៍ថា លោកឯកភាពទាំងស្រុងចំពោះការលើកឡើង របស់សម្តេចតេជោនាយករដ្ឋមន្ត្រី ខាងលើនេះដែរ។ លោកថា «ពីព្រោះគណបក្សទាំងតូចធំ សុទ្ធតែទទួលបានភាពស្របច្បាប់ពីក្រសួងមហាផ្ទៃ គឺមានភាពស្មើគ្នាចំពោះមុខច្បាប់ ក្នុងការធ្វើសកម្មភាពនយោបាយ ការជួបជុំជាមួយសកម្មជននៅមូលដ្ឋាន ដោយត្រូវបានធានាសុវត្ថិភាព ពីសំណាក់អាជ្ញាធរសមត្ថកិច្ច»។
លោក ញឿន រ៉ាដែន បានឲ្យដឹងបន្តថា គណបក្សរាជានិយមហ៊្វុនស៊ិនប៉ិច នឹងចូលរួមគ្រប់សកម្មភាពនានា ទាំងយុទ្ធនាការឃោសនារកសំឡេងឆ្នោត ការចុះមូលដ្ឋានដើម្បីចែកខិត្តប័ណ្ណ ផ្សព្វផ្សាយគោលនយោបាយអាទិភាព ៩ចំណុចរបស់គណបក្ស។ ក្នុងនោះដែរ គណបក្ស ក៏មានភ្នាក់ងារសង្កេតការណ៍ នៅការិយាល័យមួយចំនួន ដើម្បីជាភ្នែកច្រមុះ សង្កេត និងការបោះឆ្នោត និងការរាប់សន្លឹកឆ្នោត ដើម្បីធានាបាន ការបោះឆ្នោតប្រព្រឹត្តទៅ បានដោយរលូន សេរី និងយុត្តិធម៌ អាចទទួលយកបានទាំងអស់គ្នា។
សូមជម្រាបថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី ៥ នឹងប្រព្រឹត្តទៅនៅថ្ងៃទី ៥ ខែមិថុនា ឆ្នាំ ២០២២ខាងមុខនេះ។ ចំពោះឃោសនារកសំឡេងឆ្នោត នឹងត្រូវចាប់ផ្ដើមពីថ្ងៃទី ២១ ខែឧសភា ដល់ថ្ងៃទី ៣ ខែមិថុនា ឆ្នាំ ២០២២៕
អត្ថបទ៖ ឃួន សុភ័ក្រ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង