នយោបាយ
ទូតសហភាពអឺរ៉ុបស្នើ គ.ជ.ប ឲ្យមន្រ្តីរបស់ខ្លួនអាចពិនិត្យមើល ការបោះឆ្នោតឃុំ-សង្កាត់អាណត្តិទី ៥នេះ
ទូតសហភាពអឺរ៉ុបប្រចាំកម្ពុជា បានស្នើឲ្យភាគី គ.ជ.ប អនុញ្ញាតឲ្យមន្រ្តីនៃសហភាពអឺរ៉ុប ចូលរួមសង្កេតមើលការបោះឆ្នោត ជ្រើសរើសក្រុមប្រឹក្សាឃុំ-សង្កាត់អាណត្តិទី ៥នេះ។ ប៉ុន្តែមិនមែនជាភ្នាក់ងារសង្កេតការណ៍ផ្លូវការនោះទេ។ ទូតសហភាពអឺរុប បានស្នើបែបនេះ ដើម្បីបានចូលពិនិត្យមើលការបោះឆ្នោតជាទូទៅ ដោយ គ្មានការធ្វើរបាយការណ៍វាយតម្លៃ អំពីបរិយាកាសនៃដំណើរការរៀបចំការបោះឆ្នោត ឡើយ។

ការស្នើបែបនេះ ធ្វើឡើងក្នុងជំនួបពិភាក្សាការងាររវាងលោក ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) ជាមួយលោកស្រី ខាមិន ម៉ូរេណូ ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា នៅថ្ងៃទី ១៦ ខែឧសភា ឆ្នាំ ២០ ២២ ដើម្បីពិភាក្សាការងារពាក់ព័ន្ធ នឹងការបោះឆ្នោតនៅកម្ពុជា ដែលនឹងប្រព្រឹត្តទៅក្នុងឆ្នាំ ២០២២ និងឆ្នាំ ២០២៣ខាងមុខនេះ។ ឆ្លើយតបទៅនឹងចំណុចនេះ លោក ទេព នីថា អគ្គលេខាធិការ គ.ជ.ប បានលើកឡើងថា កិច្ចការនេះ គ.ជ.ប ធ្លាប់បានអនុវត្តន៍រួចហើយ គឺ គ.ជ.ប ចេញលិខិតជូនជាភ្ញៀវពិសេស មិនមែនជាអ្នកសង្កេតការណ៍នោះទេ។

ក្នុងជំនួបនេះដែរ ភាគីសហភាពអឺរ៉ុប ក៏បានលើកឡើងពាក់ព័ន្ធនឹងការជ្រើសរើសមន្រ្តីបោះឆ្នោត ការ បណ្តុះបណ្តាលធនធានមនុស្ស ការលុបបញ្ជីបេក្ខជន នៃគណបក្សនយោបាយមួយចំនួន លំហការងារ របស់អង្គការមិនមែនរដ្ឋាភិបាល វេទិកាឃោសនាបោះឆ្នោតរបស់គណបក្សនយោបាយ និងកំណត់ហេតុ នៃការរាប់សន្លឹកឆ្នោត (ទ.១១០២)។ លោកស្រី ខាមិន ម៉ូរេណូ បង្ហាញសង្ឃឹមថា ភាគីទាំងពីរ សហភាពអឺរ៉ុប និង គ.ជ.ប នឹងមានកិច្ចប្រជុំជាបន្តបន្ទាប់ទៀត ដើម្បីពង្រឹងកិច្ចសហប្រតិបត្តិការទាក់ទងទៅនឹងការបោះឆ្នោតនៅកម្ពុជា។

បើតាមលោក ប្រាជ្ញ ចន្ទ ប្រធាន គ.ជ.ប ប្រវត្តិនៃការរៀបចំការបោះឆ្នោតនៅកម្ពុជា ចាប់តាំងពីឆ្នាំ១៩៩៣ ដែលរៀបចំដោយអ៊ុនតាក់ និងក្រោយមកឆ្នាំ ១៩៩៨ រៀបចំដោយ គ.ជ.ប ព្រមទាំងការបោះឆ្នោត សកល និងអសកលមានចំនួន ១៧លើករួចមកហើយ។ ដំណើរការនៃការបោះឆ្នោតមួយ ទៅការបោះឆ្នោតមួយ ត្រូវបានវាយតម្លៃថា កាន់តែល្អប្រសើរឡើងជាងការបោះឆ្នោតមុនៗ៕
អត្ថបទ៖ ធឿន វ៉ាន់សុង




-
សន្តិសុខសង្គម៣ ថ្ងៃ ago
ឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម២ ថ្ងៃ ago
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ ago
ភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ១ ថ្ងៃ ago
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានជាតិ១ សប្តាហ៍ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៣ ថ្ងៃ ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ១ សប្តាហ៍ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា