Connect with us

នយោបាយ

បក្សខ្មែររួបរួមជាតិរបស់លោក ញឹក ប៊ុនឆៃ ទាញបានអតីតតំណាងរាស្រ្ដ នៃអតីតបក្សប្រឆាំង ២រូបទៀត

បានផុស

នៅ

បន្ទាប់ពីរួបរួមគ្នា​ជាមួយគណបក្សកម្ពុជានិយមរបស់លោក យ៉ែម បុញ្ញទ្ធិ ប្រមាណជិត ៤ខែមកនេះ គណ​បក្សខ្មែររួបរួមជាតិរបស់លោក ញឹក ប៊ុនឆៃ ទទួលបានអតីតតំណាងរាស្រ្ដ នៃអតីតគណបក្សសង្រ្គោះជាតិ ២រូបទៀត មកចូលរួមជីវភាពនយោបាយជាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១០ ខែតុលា ឆ្នាំ ២០២២កន្លងទៅនេះ គណបក្សខ្មែររួបរួមជាតិ និងគណបក្សកម្ពុជានិយម បានឯកភាពគ្នារួមបញ្ចូលគ្នា ជាគណបក្សតែមួយ ដើម្បីបង្កើតប៉ូលនយោបាយថ្មី ក្នុងដំណើរឆ្ពោះទៅប្រកួតប្រជែង ក្នុងការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ឆ្នាំ ២០២៣នេះ។ គណបក្សទាំងពីរ បានឯកភាពគ្នាជ្រើសយកគណបក្សខ្មែររួបរួមជាតិ ដើម្បីចូលរួមប្រកួតប្រជែងការបោះឆ្នោត នាពេលខាងមុខ។  

លោក យ៉ែម បុញ្ញទ្ធិ ដែលបច្ចុប្បន្នជាអនុប្រធានគណបក្សខ្មែររួបរួមជាតិ បានឲ្យដឹងកាលពីថ្ងៃទី ៣០ ខែមករាថា អតីតតំណាងរាស្ត្រ នៃអតីតគណបក្សសង្គ្រោះជាតិចំនួន ២រូបទៀត បានសម្រេចចិត្តចូលរួមសកម្មភាពនយោបាយ ជាមួយគណបក្សខ្មែររួបរួមជាតិ។ អតីតតំណាងរាស្ត្រទាំង ២រូបនោះ មាន៖ លោក ទួត​ ឃឿត​ អតីតតំណាងរាស្ត្រខេត្តព្រៃវែង​ អាណត្តិទី ៥, និងលោក ឡាត់​ លិតេយ្យ​ អតីតតំណា​ងរាស្ត្រខេត្តព្រៃវែង​ អាណត្តិទី ៥។

គួរឲ្យដឹងដែរថា លោក យ៉ែម បុញ្ញទ្ធិ ក៏ជាអតីតតំណាងរាស្ត្រខេត្តព្រៃវែង​ អាណត្តិទី ៥ នៃអតីតគណបក្សសង្គ្រោះជាតិ ផងដែរ។ ភ្លាមៗ មន្ត្រីជាន់ខ្ពស់គណបក្សខ្មែររួបរួមជាតិ​ បានប្រកាសស្វាគមន៍លោក​ ទួត​ ឃឿត​ និងលោក​ ឡាត់​ លិតេយ្យ​ មកចូលរួមជីវភាពនយោបាយជាមួយគណបក្សរបស់ខ្លួន។  

ជាការកត់សម្គាល់ បន្ទាប់ពីរួបរួមគ្នា​ប្រមាណជិត ៤ខែមកនេះ លោក ញឹក ប៊ុនឆៃ និងលោក យ៉ែម បុញ្ញទ្ធិ បានបង្ហាញភាពផ្អែមល្ហែម ដោយបានចុះធ្វើសកម្មភាពនយោបាយជាមួយគ្នា នៅតាមបណ្ដាខេត្តជាបន្តបន្ទាប់។

លោក ញឹក ប៊ុនឆៃ ប្រធានគណបក្សខ្មែររួបរួមជាតិ កាលពីថ្ងៃទី ១៩ ខែមករាកន្លងទៅនេះ បានសំណូ​មពរឲ្យថ្នាក់ដឹកនាំគ្រប់របស់ខ្លួនគ្រប់លំដាប់ថ្នាក់ បើកបេះដូងឲ្យទូលាយកុំមានជំងឺតួឯក ហើយស្វាគ​មន៍អ្នកចូលរួបរួមជាមួយគណបក្សខ្មែររួបរួមជាតិ៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម