នយោបាយ
លោក ញឹក ប៊ុនឆៃ ប្រកាសថា បើមិនទទួលបានអាសនៈទេ លោកនឹងលាឈប់ពីប្រធានបក្ស
អ្នកនយោបាយចាស់វស្សា លោក ញឹក ប៊ុនឆៃ ដែលកំពុងដឹកនាំគណបក្សខ្មែររួបរួមជាតិ បានប្រកាសថា លោកមានឱកាសតែមួយអាណត្តិនេះទៀតប៉ុណ្ណោះ បើមិនជោគជ័យក្នុងការទទួលបានអាសនៈរដ្ឋសភាទេនោះ លោកនឹងឈប់ពីប្រធានគណបក្សនេះ។
លោក ញឹក ប៊ុនឆៃ បានប្រកាសបែបនេះ កាលពីថ្ងៃអាទិត្យ ទី២១ ខែឧសភា ឆ្នាំ២០២៣ ក្នុងវគ្គបណ្ដុះបណ្ដាលស្ដីពីអាថ៌កំបាំងនៅក្នុងការធ្វើនយោបាយ ដែលមានវត្តមានចូលរួមរបស់ថ្នាក់ដឹកនាំគ្រប់លំដាប់ថ្នាក់របស់គណបក្សខ្មែររួបរួមជាតិ។
តាមរយៈឃ្លីបវីដេអូខ្លី ដែលចេញផ្សាយដោយគណបក្សខ្មែររួបរួមជាតិ លោក ញឹក ប៊ុនឆៃ បានថ្លែងដូច្នេះថា៖«ខ្ញុំបេ្ដជ្ញាចិត្តខ្ពស់ជាងគេ ព្រោះមានឱកាសតែមួយអាណត្តិនេះទៀតទេ បើថាកើត ឬមិនកើត គឺតែមួយអាណត្តិនេះទេ ហើយបើថាមិនកើតទេ លោកសុំសម្រាក ហើយឲ្យអ្នកដឹកនាំថ្មីមកដឹកនាំគណបក្សបន្ត»។ អ្នកនយោបាយចាស់វស្សារូបនេះ បានបញ្ជាក់ ថា ការប្ដេជ្ញាចិត្តលើកនេះជាការប្ដេជ្ញាចិត្តខ្លាំង ដោយធ្វើយ៉ាងណាក៏ដោយ លោកត្រូវខិតខំប្រឹងប្រែងដោះស្រាយ និងរកមធ្យោបាយឲ្យឃើញ ព្រោះឱកាសមកដល់ គឺមានតែពេលនេះទេ។
លោក ញឹក ប៊ុនឆៃ សង្ឃឹម និងជឿជាក់ថា ការបោះឆ្នោតជ្រើសតាំងតំណាងរាស្ត្រ នីតិកាលទី៧ ដែលប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ជាឱកាសតែមួយគត់របស់គណបក្សខ្មែររួបរួមជាតិ ដើម្បីដណ្ដើមជ័យជម្នះ យកអាសនៈរដ្ឋសភា នៅតាមមណ្ឌលនីមួយៗ។
ក្នុងការដណ្ដើមជ័យជម្នះនេះ លោក ញឹក ប៊ុនឆៃ បានសំណូមពរ និងជំរុញលើកទឹកចិត្តដល់ថ្នាក់ដឹកនាំគ្រប់លំដាប់ថ្នាក់របស់គណបក្ស គឺត្រូវមានការប្ដេជ្ញាចិត្តខ្ពស់ ខិតខំប្រឹងប្រែងយកចិត្តទុកដាក់ទាំងអស់គ្នា ដើម្បីប្រយោជន៍គណបក្ស ផលប្រយោជន៍ពលរដ្ឋ និងប្រទេសជាតិទាំងមូល។ ក្នុងន័យនេះ លោក បានបញ្ជាក់ថា នៅពេលគណបក្សមានកម្លាំងរឹងមាំ ហើយមានអាសនៈនៅក្នុងរដ្ឋសភា នោះគណបក្សខ្មែររួបរួមជាតិ នឹងអាចមានលទ្ធភាពចូលរួមចំណែកជួយដល់ប្រជាពលរដ្ឋ ក៏ដូចជាការចូលរួមកែប្រែនូវចំណុចខ្វះខាតផ្សេងៗរបស់ប្រទេសជាតិបាន៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា