នយោបាយ
លោក ញឹក ប៊ុនឆៃ ប្រកាសប្រឆាំងចំពោះការចង់ផ្លាស់ប្តូរនយោបាយនៅកម្ពុជាដោយការពឹងបរទេស
លោក ញឹក ប៊ុនឆៃ បានប្រកាសប្រឆាំងដាច់ខាតចំពោះជនណា ឬក្រុមណាដែលចង់ផ្លាស់ប្តូរនយោបាយដោយបដិវត្តន៍ ឬការពឹងពាក់បរទេស ដើម្បីតែអំណាចខ្លួនឯង និងបក្ខពួក។ ការប្រកាសរបស់លោក ញឹក ប៊ុនឆៃ នេះនៅក្នុងវេទិកាស្ដីពីការផ្សព្វផ្សាយគោលនយោបាយគណបក្សខ្មែរររួបរួមជាតិ កាលពីថ្ងៃទី១ ខែមិថុនា ឆ្នាំ២០២៣ នៅខេត្តសៀមរាប។
តាមរយៈសំណេរនៅលើបណ្ដាញសង្គមហ្វេសប៊ុក លោក ញឹក ប៊ុនឆៃ បានលើកឡើងថា គណបក្សខ្មែររួបរួមជាតិ មានគោលបំណងរៀបចំដឹកនាំ និងគ្រប់គ្រងប្រទេសតាមបែបប្រជាធិបតេយ្យ សេរីពហុបក្សពិតប្រាកដ និងការពាររាជានិយម អាស្រ័យរដ្ឋធម្មនុញ្ញ ព្រមទាំងមានគុណតម្លៃជាមូលដ្ឋាន គឺការគោរពឲ្យតម្លៃនៃជីវិតមនុស្ស យុត្តិធម៌ និងសេរីភាព ដែលជាគ្រឹះនៃការអភិវឌ្ឍសង្គមជាតិ។
ប្រធានគណបក្សខ្មែររួបរួមជាតិរូបនេះ បានបញ្ជាក់ថា មានតែការបោះឆ្នោតដោយសេរី យុត្តិធម៌ និងប្រកបដោយសន្តិវិធីតែមួយប៉ុណ្ណោះ ដែលអាចធ្វើឲ្យជាតិមាតុភូមិ និងប្រជាពលរដ្ឋខ្មែរ មានការផ្លាស់ប្ដូរ និងស្គាល់នូវភាពរីកចម្រើន សេចក្តីសុខសាន្ត និងសុភមង្គលជាតិ ពិតប្រាកដ និងយូរអង្វែងបាន។
ទន្ទឹមគ្នានេះ លោក ញឹក ប៊ុនឆៃ ក៏បានប្រកាសថ្កោលទោស និងប្រឆាំងដាច់ខាតចំពោះជនណា ឬក្រុមណាមួយ ដែលចង់ធ្វើការផ្លាស់ប្តូរនយោបាយកម្ពុជា តាមរយៈរដ្ឋប្រហារ ឬបដិវត្តន៍ ឬសង្គ្រាម ឬការពឹងពាក់បរទេស ដើម្បីតែអំណាចខ្លួនឯង និងបក្ខពួក។
លោក សង្ឃឹម និងជឿជាក់យ៉ាងមុតមាំថា ប្រទេសកម្ពុជានឹងរីកចម្រើនរុងរឿងជាដរាបតទៅមុខ នៅពេលដែលប្រជជនកម្ពុជាគ្រប់រូប តម្កល់ផលប្រយោជន៍ជាតិជាធំ ហើយមានឯកភាពជាតិ ដើម្បីបន្តកសាងមាតុភូមិកម្ពុជា ដូចព្រះរាជបន្ទូលរបស់អតីតព្រះមហាវីរក្សត្រ ព្រះបរមរតនកោដ្ឋ ព្រះបាទ នរោត្តម សីហនុ ថា «ខ្មែររួបរួម ខ្មែរខ្លាំង»៕
រូបភាព៖ ផេកហ្វេសប៊ុក ញឹក ប៊ុនឆៃ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ