អាជីព

អាជីវករ ពិ សែន ចាប់របរលក់ត្រីដុត រកចំណូលបានមិនក្រោម ១៥ ម៉ឺនរៀលក្នុងមួយថ្ងៃ

បានផុស

៤ years មុន

នៅ

ថ្ងៃចន្ទ ៦ ធ្នូ ២០២១

ដោយ

បុរសអាជីវករ ពិ សែន មានសមត្ថភាពកែច្នៃធ្វើម្ហូបដុតត្រីលក់ប្រចាំថ្ងៃ អាចរកចំណូលបានមិនក្រោម ១៥ ម៉ឺនរៀលក្នុងមួយថ្ងៃ។ លោក ពិ សែន ប្រាប់ថា លោកបានចំណាយទុនមិនដល់ ៥០០ ដុល្លារ ដើម្បីបង្កើតរបរតូចមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសវ័យ ៣៨ ឆ្នាំ ជាអាជីវករលក់ម្ហូបត្រីដុតនៅផ្សារច្បារអំពៅរូបនេះ បានប្រាប់ថា ការចាប់យកអាជីពមួយនេះ អាចរកចំណូលចិញ្ចឹមប្រពន្ធកូនរបស់លោកបានយ៉ាងងាយស្រួល។

មុខម្ហូបដែលលោកធ្វើលក់រួមមាន ត្រីដុតអំពិលទុំ ត្រីក្រហម ត្រីរ៉ស់ ដែលមានទីតាំងជាប់ផ្លូវ៣៦៩ខាងជើងសាលាសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។

លោក ពិ សែន រៀបរាប់ថា ការចាប់ផ្តើមលក់គឺម៉ោង ១០ ព្រឹកដល់ម៉ោង ៩ យប់ ហើយ ត្រីរ៉ស់ដុតរបស់លោកគឺជាត្រីស្រស់ៗហើយរស់ទៀតផង។

ត្រីដែលលោកទិញយកមកលក់គឺក្នុងមួយគីឡូក្រាមថ្លៃ ៨៥០០រៀលហើយក្នុងមួយថ្ងៃលក់អស់ជាង១០០ក្បាលស្មើនិងជាង១០០គីឡូក្រាមដែលក្នុង១ក្បាលចាប់ពី៨ខាំឡើងទៅ។អាជីវកររូបនេះ បានបញ្ជាក់ថាកាលពីមុនមានជំងឺកូវីដ១៩ផ្ទុះឡើងនោះប្អូនប្រុសលក់ត្រីដុតនេះមិនតិចជាង៥០០ក្បាលក្នុងមួយថ្ងៃនោះ។

ចំណែកប្រាក់ចំណេញជិត ១០០ដុល្លារ ឯណោះក្នុងមួយ។ ហើយចាប់តាំងពីបើកប្រទេសមកនេះប្អូនប្រុសលក់បានប្រមាណជិត១០០គីឡូក្រាមហើយអាចរកបានប្រាក់ចំណេញបាន ១៥.០០០០រៀលក្នុងមួយថ្ងៃផងដែរ៕