សកម្មភាពកងរាជអាវុធហត្ថ ជួយចម្លងសិស្សចេញពីសាលា ទទួលបានការគាំទ្រពីមហាជន

បន្ទាប់ពីសាលារដ្ឋ និងឯកជនបានបើកដំណើការរៀនសូត្រឡើងវិញមកគឺមានសិស្សចូលសិក្សាយ៉ាងច្រើនហើយដែលមហាជនមានការពេញចិត្ត និងគាំទ្រនោះដោយសារតែឃើញសកម្មភាពរបស់កងរាជអាវុធហត្ថរាជធានីភ្នំពេញបានជួយចម្លងសិស្សឆ្លងផ្លូវការពារកុំឲ្យគ្រោះថ្នាក់ដល់អាយុជីវិតកូនចៅប្រជាពលរដ្ឋ។

ការគាំទ្រ និងកោតសសើពីមហាជននេះគឺធ្វើឡើងតាមតុការហ្វេ និងតាមទីសាធារណះពិសេសក្បែសាលារៀនដែលមហាជនលោកបានឃើញកម្លាំងកងរាជអាវុធហត្ថរាជធានីភ្នំពេញទាំង ១៤ ខណ្ឌបានដាក់កម្លាំងចម្លងសិស្សតាមសាលារដ្ឋ និងឯកជន ខណៈដែលប្រមុខរាជរដ្ឋាភិបាលលោកបានប្រកាសឲ្យបើកសាលារៀនទូទាំងប្រទេស។

អ្វីដែលមហាជនកោតសសើរ និងមានការគាំទ្រគឺនៅពេលសិស្សចេញពីរៀន មានកម្លាំងកងរាជអាវុធហត្ថតាមបណ្តាខណ្ឌក្នុងរាជធានីភ្នំពេញ ជួយចម្លងសិស្សឆ្លងផ្លូវដែលងាយ និងគ្រោះថ្នាក់ពេលសិស្សតូចៗឆ្លងផ្លូវហើយរថយន្តភាគច្រើនលោកមិនបានគឹតពីកត្តាគ្រោះថ្នាក់ពេលសិស្សឆ្លងផ្លូវ។

កន្លងមកពេលសិស្សចេញពីសាលាគឺគេតែងតែឃើញសិស្សសាលាទាញបារ៉ាស់ដាក់កាត់ទទឹងផ្លូវដើម្បីឲ្យសិស្សឆ្លងផ្លូវប៉ុន្តែអ្នកបើកបរមួយចំនួនមិនសូវឈប់ព្រោះមិនខ្លាចសិស្សសាលាដែលយកបារ៉ាស់មកបិទផ្លូវ។ប៉ុន្តែខុសប្លែកពីកម្លាំងកងរាជអាវុធហត្ថចុះចម្លងសិស្សឆ្លងផ្លូវគឺអ្នកដំណើមិនហ៊ានបំពានឡើយ។

មហាជនកោតសសើដល់កម្លាំងកងរាជអាវុធហត្ថរាជធានីភ្នំពេញដែលបានដាក់កម្លាំងជួយចម្លងសិស្សឆ្លងផ្លូវធ្វើឲ្យអាណាព្យាបាលសិស្សលែលបារម្មណ៍ពីការគ្រោះថ្នាក់ដល់កូនចៅពួកគាត់៕

អត្ថបទៈ នរា