សន្តិសុខសង្គម
ទោះសមត្ថកិច្ចជូនដំណឹង ឬ ចុះរុះរើយ៉ាងណា អាជីវករមួយចំនួននៅតែបន្តលក់កណ្តាលទ្រូងផ្លូវខាងលិចផ្សារណាត់
បាត់ដំបង ៖ បើទោះបីជាកន្លងមក មានការខិតខំប្រឹងប្រែងពីសំណាក់អាជ្ញាធរ ខេត្ត.ក្រុង ក៏ដូចជាសមត្ថកិច្ច ក្នុងការជូនដំណឹង និងចុះរុះរើយ៉ាងណាក៏ដោយ ក៏មិនខុសអីទៅនឹងការវៀចចកកណ្តាលទន្លេយ៉ាងដូច្នេះដែរ។
គួរបញ្ជាក់ថា កន្លងមកគេសង្កេតឃើញលោក ផេង សិទ្ធី អភិបាលក្រុងបាត់ដំបង បានដឹកនាំកម្លាំង ចុះវាស់វែង និងបាញ់ថ្នាំកំណត់ទីតាំងឲ្យអាជីវករ លក់ត្រឹមតែលើចិញ្ចើមផ្លូវប៉ុណ្ណោះ ដោយមិនអនុញ្ញាតឲ្យលក់នៅលើទ្រូងផ្លូវឡើង ដែលជាការបង្កបញ្ហានូវការកកស្ទះជាដើម។
រាល់បញ្ហានេះដែរ សមត្ថកិច្ចក៏ធ្លាប់បានចុះប្រមូលយកនូវ គ្រែ តុ ឬ ឆ័ត្រ ដែលក្រុមអាជីវករទុកចោលពាសវាលពាសកាល គ្មានសណ្តាប់ធ្នាប់ នៅតាមទីសាធារណ:ជាដើម ដើម្បីឲ្យពួកគាត់បញ្ឈប់នូវការលក់លើទ្រូងផ្លូវតទៅទៀត។
លោកអភិបាលក្រុង ផេង សិទ្ធី បានបញ្ជាក់ថា កន្លងមកលោក និងក្រុមការងារទាំងអស់ បានព្យាយាមយ៉ាងខ្លាំងក្នុងការរៀបចំសណ្តាប់ធ្នាប់ជុំវិញផ្សារណាត់ និងកន្លែងផ្សេងៗ ប៉ុន្តែអស់លោកអាជីវករមិនព្រមអនុវត្តតាមការណែនាំទាល់តែសោះ គឺការងារនេះមិនខុសអីនឹងការវៀចចកនៅកណ្តាលទន្លេអញ្ចឹង ព្រោះក្រោយការរៀបចំបានយ៉ាងស្អាតប្រហែល២ ទី៣ ថ្ងៃប៉ុណ្ណោះ គឺពួកគាត់បានរំកិលចូលទៅលើផ្លូវវិញដដែល ព្រោះទីតាំងខាងលិចផ្សារណាត់នេះ គឺមានការលូតទៅលើផ្លូវប្រសព្វសឹងពាក់កណ្តាលទៅហើយ ដែលធ្វើអោយមានការកកស្ទះចរាចររាល់ថ្ងៃ។
ទោះបីជាមានការរិះគន់ពីសំណាក់ប្រភពនានា មកលើអាជ្ញាធរ យ៉ាងណាក៏ដោយ ក៏លោកនឹងព្យាយាមធ្វើការរឿងនេះបន្តទៀត ដើម្បីអោយក្រុងបាត់ដំបង មានសោភ័ណភាព ។
មានប្រភពក្រៅផ្លូវការមួយបានចោទសួរថា ទីផ្សារខាងលើនេះ គឺមានសៀវភៅបន្ទុកត្រឹមត្រូវ ដូច្នេះគេបានសំណូមពរដល់អាជ្ញាធរ មេត្តាសាកល្បងឆែកសៀវទៅបន្ទុកមើលថា តើអ្នកគ្រប់គ្រងផ្សារ បានកំណត់ឲ្យអាជីវករលក់នៅលើទ្រូងផ្លូវដែរឬទេ ហេតុអ្វីបានជាពួកគាត់មិនស្តាប់តាមការណែនាំរបស់អាជ្ញាធរទាល់តែសោះបែបនេះ?៕
អត្ថបទ ៖ សោ និយមរ័ត្ន
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ