សន្តិសុខសង្គម

កម្មករសំណង់ម្នាក់ តខ្សែភ្លើងដាក់អំពូលមិនប្រយ័ត្នឆ្លងចរន្តអគ្គិសនីឆក់ស្លាប់យ៉ាងអាណោចអាធ័ម

បានផុស

៥ years មុន

នៅ

ថ្ងៃពុធ ២៤ វិច្ឆិកា ២០២១

ដោយ

ភ្នំពេញ ៖ ក្មេងប្រុសកម្មករសំណង់ម្នាក់ ទើបតែមកធ្វើការបាន៣ថ្ងៃស្រាប់តែរាយខ្សែភ្លើងតដាក់អំពូលមិនប្រយ័ត្នក៏ត្រូវឆក់ស្លាប់យ៉ាងអាណោចអាធ័ម បង្កការភ្ញាក់ផ្អើលកាលពីវេលាម៉ោង៧និង៤០នាទីយប់ ថ្ងៃទី២៤ ខែវិច្ឆិកា ឆ្នាំ២០២១ នៅចំណុចរបងដីឡូត៍មួយកន្លែង ក្រោយវត្តអង្គតាមិញ ផ្លូវបេតុង ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះឈ្មោះរតនា ភេទប្រុស អាយុ១៤ឆ្នាំ មុខរបរកម្មករសំណង់។ មានស្រុកកំណើតនៅខេត្តតាកែវ បច្ចុប្បន្នស្នាក់នៅទីតាំងខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា ក្មេងប្រុសរងគ្រោះទើបតែមកធ្វើការជាមួយបងប្រុសរយៈពេល៣ថ្ងៃប៉ុណ្ណោះ ហើយកាលពីយប់ថ្ងៃទី២៣ ខែវិច្ឆិកា ជនរងគ្រោះត្រូវបានជនសង្ស័យលួចទូរសព្ទអស់មួយគ្រឿងខណៈកំពុងដេកលង់លក់។

ប្រភពដដែលបានបន្តថា មុនពេលកើតហេតុជនរងគ្រោះបានដើរចូលទៅក្នុងរោងដើម្បីដោះអំពូលមកដាក់បំភ្លឺនៅខាងក្រៅវិញស្រាប់តែឆក់ខ្សែភ្លើងដួលធ្លាក់នៅក្នុងទឹកពេលនោះរូបគាត់ក៏បានរត់ទៅដោះព្រីភ្លើងចេញរួចក៏រត់មកជួយជនរងគ្រោះយកទៅកប់ដីខ្សាច់ប៉ុន្តែជនរងគ្រោះបានដាច់ខ្យល់ស្លាប់បាត់ទៅហើយ។

បន្ទាប់មកក៏រាយការណ៍ជូនសមត្ថកិច្ចតែម្តង។ តាមការពិនិត្យនឹងកោសល្យវិច័យរបស់សមត្ថកិច្ចជំនាញបានឲ្យដឹងថា ជនរងគ្រោះពិតជាបានស្លាប់ដោយខ្សែភ្លើងឆក់ពិតប្រាកដមែន។ បច្ចុប្បន្នសពត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕

ដោយ ៖ សុខា

Related Topics:ឆក់ខ្សែភ្លើង

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា