សន្តិសុខសង្គម

រថយន្ត២គ្រឿងបុកគ្នា រងការខូចខាតយ៉ាងដំណំ នៅលើផ្លូវជាតិលេខ6A

បានផុស

៥ years មុន

នៅ

ថ្ងៃសុក្រ ២៦ វិច្ឆិកា ២០២១

ដោយ

គ្រោះថ្នាក់ចរាចរណ៍មួយ បង្កឡើងដោយរថយន្តសុំាយ៉ុងដឹកបន្លែមួយគ្រឿង បានបើកលឿន ជ្រុលទៅបុកពីក្រោយរថយន្ត Range Rover មួយគ្រឿង រួចរេចង្កូតជ្រុលបុកឡើងសួនច្បារពុះចែកទ្រូងផ្លូវ បណ្តាលរថយន្តត្រូវរងការខូចខាតបន្តដំណើរទៅមុខលែងរួច។

ហេតុការណ៍គ្រោះថ្នាក់ចរាចរណ៍នេះកើតឡើង នៅតាមបណ្តោយផ្លូវជាតិលេខ6A ស្ថិតក្នុងសង្កាត់ជ្រោយចង្វា ខណ្ឌជ្រោយចង្វា បង្កអោយមានការភ្ញាក់ផ្អើលកាលពីវេលាម៉ោង២២ និង២០នាទីយប់ថ្ងៃទី២៥ ខែវិច្ឆិកា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តបង្កម៉ាក សុំាយ៉ុងដឹកស្តុកពេញទៅដោយបន្លែគ្រប់មុខ ពណ៌ស ពាក់ស្លាកលេខភ្នំពេញ ភ្នំពេញ 2AY-2804 ។ ចំណែករថយន្តមួយគ្រឿងទៀត ម៉ាក Range Rover ពណ៌ខ្មៅ ពាក់ស្លាកលេខភ្នំពេញ 1BL-6780 ។

យោងតាមប្រភពព័ត៌មាន នៅកន្លែងកើតហេតុ បានអោយដឹងថា នៅមុនកើតហេតុ គេសង្កេតឃើញរថយន្ត Range Rover បានឈប់រថយន្តនៅលើដងផ្លូវ ចំណុចកើតហេតុ ដោយឈប់និយាយទូរស័ព្ទ ស្រាប់តែពេលនោះ រថយន្តបង្ក ដែលបើកបរធ្វើដំណើរស្របទិសគ្នា ក្នុងទិសដៅពីជើងទៅត្បូង និងក្នុងល្បឿនយ៉ាងលឿន បានបើកជ្រុលបុកពីក្រោយគូទរថយន្ត Range Rover ពេញទំហឹង បណ្តាលអោយរថយន្ត Range Rover ត្រូវខ្ទាតប្រមាណ៥០ម៉ែត្រពីកន្លែងឈប់ចត ហើយភាគីខាងរថយន្តបង្ក ក៏បានរេចង្កូតបុកឡើងលើសួនច្បារពុះចែកទ្រូវផ្លូវ បណ្តាលអោយរថយន្តត្រូវរងការខូចខាតយ៉ាងដំណំ មិនអាចបន្តដំណើរទៅមុខទៀតបាន ។

បន្ទាប់ពីបង្កហេតុ ប្តីប្រពន្ធ២នាក់ ដែលធ្វើដំណើរនៅក្នុងរថយន្តបង្ក បានគៀបជាប់ជើង នៅក្នុងកាប៊ិនមុខ ក៏ត្រូវបានបងប្អូនពលរដ្ឋក្បែរតំបន់នោះ ក៏ដូចជាអ្នកឃើញហេតុការណ៍ បានជួយនាំគ្នាទាយចេញពីក្នុងរថយន្តមកក្រៅ នឹងបានជួយទំនាក់ទំនងទៅកាន់រថយន្តសាម៉ុយអោយទៅទទួលយកទៅសង្គ្រោះផងដែរ ។

ក្រោយកើតហេតុ សមត្ថកិច្ចមូលដ្ឋាន សហការជាមួយនគរបាលជំនាញ ចុះអន្តរាគមន៍វាស់វែង ស្ទូចយករថយន្តទាំង២គ្រឿង ទៅរក្សាទុកនៅការិយាល័យនគរបាលចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយទៅតាមផ្លូវច្បាប់នៅពេលក្រោយ ។ ដោយឡែក ចំពោះទំនិញបន្លែជាច្រើន នៅក្នុងរថយន្តបង្ក សមត្ថកិច្ចទុកលទ្ធភាពអោយបងប្អូនសាច់ញាតិរបស់ម្ចាស់រថយន្ត យករថយន្តថ្មី មកលើកយកបន្លែទាំងអស់ចេញ ដើម្បីអាចយកទៅលក់ដូរបន្តទៀតបាន ផងដែរ ៕

អត្ថបទ៖ លីហេង

Related Topics:គ្រោះថ្នាក់ចរាចរណ៍

ព័ត៌មានអន្ដរជាតិ១៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា