សន្តិសុខសង្គម

បុរស ២ នាក់ នេសាទមិនសូវសមប្រកប បែរជាទៅជួញដូរគ្រឿងញៀន ត្រូវសមត្ថកិច្ចឃាត់ខ្លួន

បានផុស

២ years មុន

នៅ

ថ្ងៃពុធ ៨ ធ្នូ ២០២១

ដោយ

បុរសពីរនាក់ ដែលគេស្គាល់ជាអ្នកនេសាទក្នុងសមុទ្រ ត្រូវសមត្ថកិច្ចឃាត់ខ្លួន ដោយជាប់ពាក់ព័ន្ធនឹងករណីជួញដូរគ្រឿងញៀនខុសច្បាប់ ក៏បានដកហូតនូវវត្ថុតាងគ្រឿងញៀនមួយចំនួនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីសមត្ថកិច្ចបានបញ្ជាក់ថា កាលពីថ្ងៃទី ០៨ ខែធ្នូ ឆ្នាំ ២០២១ បានចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅភូមិអំពេង ឃុំអង្កោល ស្រុកដំណាក់ចង្អើរ ដោយដកហូតវត្ថុតាងមួយចំនួននិ ងឃាត់ខ្លួនជនសង្ស័យចំនួន ២ នាក់រួមមាន ១. ឈ្មោះ កើត រ៉ាន់ ភេទប្រុស អាយុ ២០ ឆ្នាំ, ២. ឈ្មោះ ញ៉ែត តី ភេទប្រុស អាយុ ៣៦ ឆ្នាំ ជនសង្ស័យទាំងពីរនាក់ជាកម្មករនេសាទ រស់នៅភូមិភូមិអំពេង ឃុំអង្កោល ស្រុកដំណាក់ចង្អើរ ខេត្តកែប។

ចំពោះករណីនេះ ដោយមានការសម្របសម្រួលនីតិវិធីពីលោក ខាន់ សុផល ព្រះរាជអាជ្ញា នៃអយ្យការអមសាលាដំបូងខេត្ត នៅរសៀលថ្ងៃទី០៨ ខែធ្នូ ឆ្នាំ២០២១ ជនសង្ស័យទាំង២នាក់រួមទាំងវត្ថុតាងត្រូវបានបញ្ជូនទៅអយ្យការអមសាលាដំបូងខេត្តកែប ដើម្បីចាត់ការបន្តតាមនីតិវិធីច្បាប់៕

អត្ថបទ៖ សេង ណារិទ្ធ