ជនសង្ស័យបាញ់៥គ្រាប់ សម្លាប់ជនជាតិចិនម្នាក់ នៅព្រះសីហនុ

សេចក្តីរាយការណ៍របស់ក្រុមការងារកម្ពុជាថ្មី ពីក្រុងខេត្តព្រះសីហនុ បានឲ្យដឹងថា នៅយប់ថ្ងៃទី១២ ខែកុម្ភៈ ឆ្នាំ ២០២២ វេលាម៉ោង ២១: ៣០នាទី មានករណីឃាតកម្ម មួយកើតឡើង នៅខាងក្រោយសណ្ឋាគារខ្សាច់ស ស្ថិតនៅក្រុម៥ ភូមិ៤ សង្កាត់៤ ក្រុងព្រះសីហនុ បង្កឡើងដោយជនមិនស្គាល់មុខបាញ់ ចំនួន០៥គ្រាប់ ទៅលើជនជាតិចិនម្នាក់ ភេទប្រុស (មិនទាន់បានអត្តសញ្ញាណ) បណ្តាលឲ្យស្លាប់ភ្លាមៗនៅកន្លែង។ ជនរងគ្រោះជិះរថយន្តម៉ាកអូឌី ពណ៌ស ពាក់ស្លាកលេខ ភ.ព 2-AX  1232។  ករណីបាញ់ប្រហារនេះ បណ្តាលឲ្យ ត្រូវដើមដៃខាងឆ្វេង៣កន្លែង កដៃខាងឆ្វេង០១កន្លែង ថ្ងាសខាងឆ្វេង២កន្លែង ទ្រូងស្តាំ០១កន្លែង សៀតផ្កាខាងស្តាំ១កន្លែង ។

ក្រោយបាញ់ប្រហារហើយ ជនសង្ស័យ បានបើករថយន្តម៉ាក Prius ពណ៌ស ពាក់ស្លាកលេខ ភ.ព 2AM 5992  ( រត់គេចខ្លួន )។ ក្រោយកើតហេតុ សមត្ថកិច្ច បានរកឃើញកាំភ្លើងខ្លីចំនួន០១ដើម ម៉ាកZORAKI។  

បច្ចុប្បន្ន សាកសពត្រូវបានដឹកយកទៅរក្សាទុកនៅមន្ទីរពេទ្យបង្អែកខេត្តព្រះសីហនុ និងកម្លាំងជំនាញ អ.ហ សហការជាមួយកម្លាំងជំនាញ PL  កំពុងធ្វើការស្រាវជ្រាវបន្ត៕

ភ្នាក់ងារព្រះសីហនុ