Connect with us

សន្តិសុខសង្គម

ឃុំខ្លួនជនជាតិចិនម្នាក់ រួមជាមួយគ្រឿងញៀនជាង ៥ គីឡូ

បានផុស

នៅ

ជនជាតិចិនម្នាក់ រួមជាមួយគ្រឿងញៀនជាង ៥ គីឡូក្រាម ត្រូវបានសមត្ថកិច្ចឃុំខ្លួន និងរក្សាទុកក្រោយពីធ្វើការឆែកឆេររកឃើញកាលពីថ្ងៃទី ២២ ខែកុម្ភៈ ឆ្នាំ ២០២២ នៅខុនដូ MSK។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ប្លង់ សុផល អ្នកនាំពាក្យ​អយ្យការ​អម​សាលាដំបូង​រាជធានី​ភ្នំពេញ​ បានបញ្ជាក់​នៅមុននេះ​បន្តិច​ថា តំណាង​អយ្យការ​បាន​ចោទប្រកាន់​ជនជាតិ​ចិន​ម្នាក់​ពីបទ រក្សាទុក ដឹកជញ្ជូន ប្រើប្រាស់​គ្រឿងញៀន​ដោយ​ខុសច្បាប់ តាម​មាត្រា ៣៩ មាត្រា​ ៤០ និង​មាត្រា ៤៥ ​នៃ​ច្បាប់​ស្ដីពី​ការ​ត្រួត​ពិនិត្យ​គ្រឿងញៀន។

​ជនជាប់ចោទ​ឈ្មោះ Su Yunshi ភេទ​ប្រុស អាយុ ​៤០ ឆ្នាំ ស្នាក់នៅ​បន្ទប់​លេខ​ ១២​ បេ ជាន់​ទី​ ១២ ខុន​ដូ MSK ផ្លូវ​លេខ​ ៤៥០ សង្កាត់​ទួល​ទំពូង ​១ ខណ្ឌចំការមន រាជធានី​ភ្នំពេញ ។

សមត្ថកិច្ច​បាន​អះអាងថា ជនជាប់ចោទ​ត្រូវបាន​បញ្ជូនទៅ​ឃុំខ្លួន​រួចហើយ​ក្រោយពី​ចៅក្រម​ស៊ើបសួរ​ចេញ​ដីកា​សម្រេច​ឃុំខ្លួន។ កាលពី​ថ្ងៃទី ២២ ខែ​កុម្ភៈ ឆ្នាំ​ ២០២២ នៅ​ចំណុច​បន្ទប់​លេខ​ ១២ បេ ជាន់​ទី ​១២ ខុន​ដូ MSK ផ្លូវ​លេខ​ ៤៥០ សង្កាត់​ទួល​ទំពូង​ ១ ខណ្ឌចំការមន នោះ​តែម្តង សមត្ថកិច្ច​បាន​ឆែកឆេរ និង​ឃាត់ខ្លួន​ជនជាតិ​ចិន​ម្នាក់ និង​ចាប់យក​វត្ថុតាង​រួមមាន ៖

.​សារធាតុ​ញៀន​ប្រភេទ​.​មេ​តំ​ហ្វេ​តា​មីន (WY) ទម្ងន់ ២ គីឡូ ៦៦៦ ក្រាម ។​

.​សារធាតុ​ញៀន​ប្រភេទ​.​អ៊ិ​ច​ស្តា​ស៊ី​(MDMA)​ទម្ងន់ ២ គីឡូ ៦៥១.៥១​ក្រាម ។​

.​សារធាតុ​ញៀន​ប្រភេទ​.​កេ​តា​មីន​(KETAMIN)​ទម្ងន់​២១៩.៣៥ ក្រាម ។​

.​សារធាតុ​ញៀន​ប្រភេទ​.​នី​មេ​តា​ហ្សេ​ប៉ា​ម​(4CEC) ទម្ងន់ ៣៥.៦ ៤ ក្រាម​។​

​សរុប​សារធាតុ​ញៀន​ទាំងអស់ ទម្ងន់​សុទ្ធ ៥ គីឡូ ៥៧២.៥០ ក្រាម ។ នឹង​កញ្ឆា​ក្រៀម ៤ គីឡូ ៥៤២ ក្រាម​សារធាតុ​ផ្សំ ១៣ គីឡូក្រាម ។ ក្នុងនោះ​សមត្ថកិច្ច​ក៏បាន​ធ្វើការ​ការដកហូត នូវ​ឧបករណ៍​កែច្នៃ​មួយចំនួនធំ​ទៀត៕

អត្ថបទ៖ មករា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម