សន្តិសុខសង្គម

កម្លាំងចម្រុះ ចុះដកហូតសម្ភារៈដែលលក់លើចិញ្ចើមផ្លូវ ជុំវិញផ្សារណាត់ទាំងព្រឹក

បានផុស

៣ years មុន

នៅ

ថ្ងៃចន្ទ ១៤ មីនា ២០២២

ដោយ

នៅព្រឹកព្រលឹមស្រាងៗ នាថ្ងៃទី ១៤ ខែមីនា ឆ្នាំ ២០២២ នេះ នៅបរិវេណជុំវិញផ្សារណាត់ស្ថិតនៅចំកណ្តាល ក្រុងបាត់ដំបង គេសង្កេតឃើញវត្តមានរបស់លោក ផេង សិទ្ធី អភិបាលក្រុងបាត់ដំបង បានដឹកនាំកម្លាំងចម្រុះ ក្នុងនោះមានកងរាជអាវុធហត្ថ កម្លាំងចរាចរណ៍ និងកម្លាំងព្រហ្មទណ្ឌ បានដាក់រថយន្តសម្រាប់ដឹកជាច្រើនគ្រឿងចុះទៅកាន់ទីតាំងខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា កាលពីអំឡុងចុងឆ្នាំ ២០២១ កម្លាំងចម្រុះបានចុះវាស់វែង និងអនុញ្ញាតឲ្យលក់តែលើចិញ្ចើមផ្លូវនៅជុំវិញផ្សារណាត់តែប៉ុណ្ណោះ ដោយមិនឲ្យលក់ចុះទៅលើសាច់ផ្លូវឡើយ ដែលជាបញ្ហាបង្កឲ្យមានការកកស្ទះចរាចរណ៍នៅលើដងផ្លូវ។ ការរៀបចំកាលណោះ អាជីវករក៏បានឯកភាពគ្នាយ៉ាងរលូនម្តងហើយ ប៉ុន្តែមួយរយៈក្រោយមក ក៏ស្រាប់តែវិលចូលសភាពដើមវិញដដែល ដោយមិនត្រឹមតែធ្លាក់ចូលទៅលើផ្លូវបន្តិចបន្តួចប៉ុណ្ណោះទេ គឺហៀរសឹងតែពាក់កណ្តាលទ្រូងផ្លូវ ដែលបង្កឲ្យមានបញ្ហាកាន់តែធំជាងមុន។ ក្រោយពីសង្កេតឃើញបែបនេះ លោកអភិបាលក្រុង ផេង សិទ្ធី បានដាក់កម្លាំងចុះម្តងទៀត ដោយសម្ភារៈណាដែលដាក់ចោលនៅលើទ្រូងផ្លូវត្រូវលើកដាក់រថយន្តទាំងអស់ ដើម្បីឲ្យម្ចាស់ចូលខ្លួន ទៅតាមផ្លូវច្បាប់ជុំវិញករណីមិនរាងចាល។

លោកអភិបាលក្រុងបានបញ្ជាក់យ៉ាងខ្លីថា ត្រូវតែប្រើធម៌ក្តៅ ព្រោះអាជីវករទាំងនេះហាក់ដូចជាមិនព្រមស្តាប់ទាល់តែសោះ ដូច្នេះត្រូវតែដកហូតយកទំនិញ ឬសម្ភារ:ណាដែលលក់ផ្គើននៅលើទ្រូងផ្លូវ ហើយលោកក៏បានចាត់ក្រុមរថយន្តពន្លត់អគ្គិភ័យ ឲ្យចុះមកជួយបាញ់សម្អាតផ្លូវជុំវិញបរិវេណផ្សារនេះផង ៕

អត្ថបទ៖ សោ និយមរ័ត្ន