សន្តិសុខសង្គម
ស្លាប់ ៣ នាក់ ក្នុងគ្រោះថ្នាក់ចរាចរណ៍ រថយន្ត ២ និងម៉ូតូ ១ គ្រឿងប៉ះគ្នាយ៉ាងដំណំ នៅផ្លូវកោង
ខេត្តកែប៖ យ៉ាងហោចណាស់មនុស្សបីនាក់បានស្លាប់បាត់បង់ជីវិតភ្លាមៗនៅកន្លែងកើតហេតុ ខណៈរថយន្ត ២ គ្រឿង និងម៉ូតូ ១ គ្រឿងបានប៉ះទង្គិចគ្នាយ៉ាងដំណំ នៅមុខស្ថានីយ៍ប្រេង ត្រង់ចំណុចផ្លូវកោង ខាងកើតរង្វង់មូលសេះស។ ហេតុការណ៍គួរឱ្យរន្ធត់នេះ បានកើតឡើងនៅវេលាម៉ោង ៥ និង ៣០នាទី ព្រឹកថ្ងៃទី២៧ ខែមីនា ឆ្នាំ២០២២ ស្ថិតក្នុងភូមិអូរក្រសារ សង្កាត់អូរក្រសារ ក្រុងកែប ខេត្តកែប។
យោងតាមប្រភពព័ត៌មាននៅកន្លែងកើតហេតុបាននិយាយថា ហេតុការណ៍ដ៏ព្រឺព្រួចនេះ ពេលកើតហេតុគ្មានសាក្សីណាម្នាក់បានឃើញផ្ទាល់ភ្នែកនោះទេ ប៉ុន្តែគេដឹងថា រថយន្តម៉ាកនីសាន់ធ្វើដំណើរមកពីកើតទៅលិច ចំណែករថយន្តខ្នាតធំធ្វើដំណើរមកពីលិចទៅកើត ដោយឡែកម៉ូតូ ១ គ្រឿងម៉ាកC125 ដែលមានមនុស្សជិះ២នាក់ធ្វើដំណើរមកពីលិចទៅកើត ស្របគ្នាជាមួយរថយន្តខ្នាតធំ ហើយគ្រោះថ្នាក់នេះអាចបណ្តាលមកពីអ្នកបើកបរទាំងអស់មានការធ្វេសប្រហែសដូចគ្នា ទើបមកដល់ចំណុចគ្រោះថ្នាក់ដែលផ្លូវមានសភាពកោងដូចដងនង្គ័ល ធ្វើឱ្យអ្នកបញ្ជាយានយន្តគេចគ្នាមិនផុត។
ជុំវិញករណីគ្រោះថ្នាក់នេះ នគរបាលចរាចរណ៍ បានបញ្ជាក់ថា ដើមចមបង្កការគ្រោះថ្នាក់នេះមិនទាន់ហ៊ានអះអាងថា បង្កឡើងដោយភាគីណានៅឡើយទេ ខណៈករណីគ្រោះថ្នាក់ខាងលើសមត្ថកិច្ចកំពុងវាស់វែង និងស្រាវជ្រាវរកមូលហេតុបន្ត។ សមត្ថកិច្ចបានឱ្យដឹងទៀតថា អ្នកស្លាប់ក្នុងហេតុការណ៍គ្រោះថ្នាក់ចរាចរនេះ មាន ១. ឈ្មោះ ហុង វណ្ណា ភេទប្រុស អាយុ៤៦ឆ្នាំ អ្នកបើកបរម៉ូតូ មុខរបរកសិករ មានទីលំនៅភូមិកោះផ្តៅ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។ ២. ឈ្មោះ ម៉ៅ ញេប ភេទប្រុស អាយុ៦៩ឆ្នាំ អ្នករួមដំណើរ មានទីលំនៅភូមិអូរច្រនៀង ឃុំកំពង់ត្រាចខាងលិច ស្រុកកំពង់ត្រាច ខេត្តកំពត និង៣. ឈ្មោះ ឈី វិសិទ្ធ ភេទប្រុស អាយុ២១ឆ្នាំ ជាអ្នកបើកបររថយន្តនីសាន់ មានទីលំនៅភូមិទទឹងថ្ងៃ សង្កាត់បឹងទូក ក្រុងបូកគោ ខេត្តកំពត។
បច្ចុប្បុន្ន សមត្ថកិច្ចកំពុងស្រាវជ្រាវរកក្រុមគ្រួសារ សាច់ញាតិ ដើម្បីមកទទួលយកសពជនរងគ្រោះទាំង៣ ទៅកាន់លំនៅដ្ឋាន ចាត់ចែងធ្វើបុណ្យតាមប្រពៃណី៕
អត្ថបទ៖ សេង ណារិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង