សន្តិសុខសង្គម

នាយអាវុធហត្ថខេត្តសៀមរាប ២ រូប ត្រូវឃាត់ខ្លួនពាក់ព័ន្ធករណីផ្សំគំនិតជួញដូរគ្រឿងញៀន

បានផុស

៤ សប្តាហ៍ មុន

នៅ

ថ្ងៃសៅរ៍ ៣០ មេសា ២០២២

ដោយ

សមត្ថកិច្ចបានដឹងថា មន្ត្រីកងរាជអាវុធហត្ថ ២ នាក់ នៅខេត្តសៀមរាប ត្រូវចាប់ពាក់ព័ន្ធនឹងការប្រព្រឹត្តបទល្មើសនៅក្នុងការបំពេញតួនាទីដោយផ្សំគំនិតជួញដូរគ្រឿងញៀន និងបានបញ្ជូនទៅសាលាដំបូងខេត្តសៀមរាបនៅព្រឹកថ្ងៃទី ៣០ ខែមេសា ឆ្នាំ ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា នាយអាវុធហត្ថដែលរកឃើញបទល្មើសពាក់ព័ន្ធនឹងពីរនាក់នេះ គឺដោយគាត់បំពេញតួនាទីជាមន្ត្រីនគរបាលយុត្តិធម៌ ក្នុងការប្រយុទ្ធប្រឆាំងគ្រឿងញៀន តែតាមការស្រាវជ្រាវរបស់គណៈកម្មការចំពោះកិច្ចរបស់កងរាជអាវុធហត្ថបានរកឃើញថា គាត់ប្រព្រឹត្តបទល្មើសនៅក្នុងការបំពេញតួនាទីដោយគាត់ផ្សំគំនិតជាមួយនឹងការជួញដូរគ្រឿងញៀន។ អីចឹងទេកងរាជអាវុធហត្ថធ្វើការបង្ក្រាបតែម្តង ដោយមិនចាំបាច់ឲ្យអង្គភាពណាមកបង្ក្រាបទេ គឺអាវុធហត្ថយកការទទួលខុសត្រូវដោយខ្លួនឯង។

សមត្ថកិច្ចបន្ថែមថា នាយអាវុធហត្ថដែលឃាត់ខ្លួននោះមានឈ្មោះ វរសេនីយ៍ត្រី ធាវ ច័ន្ទតារា នាយការិយាល័យប្រឆាំងបទគ្រឿងញៀន ទី២.នាយចំណង់ នាម ណាក់ ជំនួយការណ៍ការិយាល័យប្រឆាំងបទល្មើសគ្រឿងញៀន។ លោកយិន ស្រាង អ្នកនាំពាក្យសាលាដំបូងខេត្តសៀមរាប បានឲ្យដឹងនៅរសៀលថ្ងៃទី៣០ ខែមេសានេះថា បច្ចុប្បន្ននាយអាវុធហត្ថទាំងពីររូប ត្រូវបានតុលាការកំពុងសួរនាំ៕

អត្ថបទ៖ កុសល