សន្តិសុខសង្គម
៣ ខែនេះ កម្មករ ១៤ នាក់ បាត់បង់ជីវិត ដោយសារគ្រោះថ្នាក់ចរាចរណ៍
យោងតាមរបាយការណ៍របស់បេឡាជាតិសន្តិសុខសង្គម ហៅកាត់ ប.ស.ស ដែលទើបចេញផ្សាយថ្មីៗនេះបានឱ្យដឹងថានៅក្នុងត្រីមាសទី១ ឆ្នាំ២០២២នេះ គ្រោះថ្នាក់ចរាចរណ៍ផ្លូវគោក បានកើតឡើងទៅលើបងប្អូនកម្មករនិយោជិតចំនួន៣៧០ ករណីដែលបណ្តាលឲ្យមានជនរងគ្រោះចំនួន ៤០២នាក់ក្នុងនោះស្លាប់ ១៤នាក់ របួសធ្ងន់ ១១៩នាក់ និងរបួសស្រាល ២៦៩នាក់។
របាយការណ៍ដដែលបានបន្តថា ក្នុងនោះគ្រោះថ្នាក់លើរថយន្តដឹកកម្មករនិយោជិតមានចំនួន ៤ លើក របួសសរុប ៨៨នាក់ ក្នុងនោះរបួសធ្ងន់ចំនួន ១៣នាក់ និងរបួសស្រាលចំនួន ៧៥នាក់។
លោក ហេង សុផាន់ណារិទ្ធ អគ្គនាយករងបេឡាជាតិសន្តិសុខសង្គម ហៅកាត់ ប.ស.ស និងជាប្រធានក្រុមការងារសុវត្ថិភាពចរាចរណ៍សម្រាប់គាំទ្រកម្មករនិយោជិតបានឱ្យដឹងថា ស្ថានភាពកូវីដ-១៩ នៅប្រទេសកម្ពុជា ហាក់មានការធូរស្រាល តែករណីគ្រោះថ្នាក់ចរាចរណ៍នៅតែបន្តកើតឡើង ហើយវានៅតែជាកង្វល់របស់រាជរដ្ឋាភិបាលដដែល ជាពិសេសបញ្ហាគ្រោះថ្នាក់ចរាចរណ៍ ដែលកើតឡើងទៅលើបងប្អូនកម្មករនិយោជិត ដែលធ្វើដំណើរតាមរថយន្តដឹកកម្មករនិយោជិត និងតាមមធ្យោបាយផ្សេងៗ ក្នុងនោះរថយន្តដឹកកម្មករនិយោជិតមួយចំនួន ត្រូវបានកែច្នៃចេញពីរថយន្តដឹកទំនិញទៅជារថយន្តដឹកកម្មករ ជាហេតុធ្វើឱ្យមិនស្របទៅតាមលក្ខណៈ បច្ចេកទេស។
នៅក្នុងសិក្ខាសាលាជាមួយថ្នាក់ដឹកនាំសហជីពកម្មករ ស្តីពីការលើកកម្ពស់សុវត្ថិភាពចរាចរណ៍សម្រាប់កម្មករនិយោជិតកម្ពុជាកាលពីថ្ងៃទី១៨ ឧសភា លោក គឹម បញ្ញា នាយកអង្គការមូលនិធិបង្ការរបួសអាស៊ីប្រចាំកម្ពុជា បានស្នើឱ្យភាគីពាក់ព័ន្ធដែលក្នុងនោះមានទាំងផ្នែករដ្ឋ ឯកជន និងអង្គការសង្គមស៊ីវិល បន្តជួយជ្រោមជ្រែងលើការងារបង្កើនការយល់ដឹង ថ្នាក់ដឹកនាំសហជីពកម្មករលើបញ្ហាសុវត្ថិភាពចរាចរណ៍ និងជួយកៀរគរមតិគាំទ្រចំពោះការជំរុញការប្តូររថយន្តដែលមានសុវត្ថិភាពប្រសើរជាងសម្រាប់កម្មកនិយោជិត។
លោកបានសំណូមពរនៅកម្រិតរោងចក្រ គួរតែមានការបង្កើត និងអនុវត្តគោលនយោបាយសុវត្ថិភាពចរាចរណ៍ សម្រាប់គាំពារកម្មករនិយោជិតផងដែរ ព្រោះថាការលើកកម្ពស់សុវត្ថិភាពចរាចរណ៍សម្រាប់កម្មករនិយោជិតពីគ្រោះថ្នាក់ចរាចរណ៍ គឺជាការរួមចំណែកយ៉ាងសំខាន់ ចំពោះការរីកចម្រើនរបស់រោងចក្រ សហគ្រាស គ្រួសារ សហគមន៍ដែលគាត់រស់នៅ និងសេដ្ឋកិច្ចជាតិ។
បើតាមនាយកអង្គការមូលនិធិបង្ការរបួសអាស៊ីប្រចាំកម្ពុជា ជារៀងរាល់ថ្ងៃនៅកម្ពុជា មានកម្មករនិយោជិតក្នុងវិស័យកាត់ដេរសម្លៀកបំពាក់ និងផលិតស្បែកជើងប្រមាណជាង ៧០ម៉ឺននាក់កំពុងប្រថុយប្រថានអាយុជីវិតខ្លួននឹងហានិភ័យក្នុងការធ្វើដំណើរទៅមកកន្លែងការងារនៅលើផ្លូវ ដែលមានចរាចរណ៍កកស្ទះ និងប្រឈមនឹងគ្រោះថ្នាក់ដើម្បីស្វែងរក ចំណូលផ្គត់ផ្គង់ដល់ក្រុមគ្រួសារ។
លោកស្រី សួន សុគន្ធា អនុប្រធានសហព័ន្ធសហជីពជាតិ នៃឧស្សាហកម្មវាយនភ័ណ្ឌកាត់ដេរកម្ពុជា បានឱ្យដឹងថា សហជីពរបស់លោកស្រី នឹងចូលរួមផ្សព្វផ្សាយព័ត៌មាន ទៅកាន់សាធារណជន ជាពិសេសកម្មករនិយោជិតនៅតាមរោងចក្រ សហគ្រាស ឲ្យបានយល់ដឹងកាន់តែច្រើនថែមទៀត អំពីវិធាន សុវត្ថិភាពចរាចរណ៍ ខណៈដែលពួកគាត់ជាបុគ្គលដ៏សំខាន់មួយ ក្នុងការរួមចំណែកយ៉ាងធំធេង ក្នុងវិស័យឧស្សាហកម្មកាត់ដេរនៅកម្ពុជា។
តាមការសិក្សាស្រាវជ្រាវមួយរបស់អង្គការ យូអិនឌីភី ដោយបានសហការជាមួយក្រសួងសាធារណការនិងដឹកជញ្ជូន ក៏ដូចជាគណៈកម្មាធិការជាតិសុវត្ថិភាព ចរាចរណ៍ផ្លូវគោកបានឱ្យដឹងថាគិតត្រឹមឆ្នាំ២០១៩ ក្នុងពេលដែលកម្ពុជាមានអ្នកស្លាប់រហូតដល់ជាង ២ពាន់នាក់ និងរងរបួសជាច្រើពាន់នាក់ ជាលទ្ធផលរកឃើញថា កម្ពុជាខាតបង់ជិត ៤៦៧លានដុល្លារអាមេរិក៕
អត្ថបទ៖ សំអឿន
-
ចរាចរណ៍៦ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា២ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានជាតិ៤ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៣ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
វប្បធម៌ ជំនឿ៥ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ
-
ព័ត៌មានអន្ដរជាតិ១ សប្តាហ៍ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
សន្តិសុខសង្គម៣ ថ្ងៃ ago
តុលាការផ្តន្ទាទោស លោក William Guang ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់
-
ព័ត៌មានជាតិ៧ ថ្ងៃ ago
ព្រឹកនេះ នាវា Westerdam ចូលចតនៅកំពង់ផែក្រុងព្រះសីហនុ ជាថ្មីម្ដងទៀត