Connect with us

សន្តិសុខសង្គម

សមត្ថកិច្ចខេត្តកំពង់ចាមចុះបង្ក្រាប និងអប់រំល្បែងស៊ីសងគ្រប់ប្រភេទជិត៤០០ករណី

បានផុស

នៅ

ឯកឧត្តម អ៊ុន ចាន់ដា អភិបាលខេត្តកំពង់ចាម បានដាក់ផែនការឲ្យអភិបាលស្រុក ក្រុងទាំង១០ ធ្វេីយ៉ាងសហការគ្នា ដោយត្រូវកំណត់មុខសញ្ញាអ្នកលេងឲ្យច្បាស់ ជាពិសេសនោះគឺអ្នកលេងជាអាជីពដូចមេការ ទីតាំងល្បែងមាន់ជល់អនឡាញ់ ,ល្បែងស៊ីសងគ្រប់ប្រភេទដែលខុសនឹងច្បាប់ត្រូវបង្ក្រាបឲ្យខានតែបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តមអភិបាលខេត្ត បានបញ្ជាក់ទៀត ប្រសិនបេីមាននៅមូលដ្ឋានស្រុក ក្រុង ឃុំ ណាត្រូវតែទទួលខុសត្រូវប្រឈមការដកតំណែងតួនាទីជាដេីម។ ការថ្លែងបែបនេះក្នុងកិច្ចប្រជុំស្តីពីការចាត់វិធានការបង្ក្រាបល្បែងស៉ីសងគ្រប់ប្រភេទក្នុងមូលដ្ឋានខេត្តកំពង់ចាម។

យោងតាមរបាយការណ៍របស់រដ្ឋបាលខេត្តកំពង់ចាម ចាប់តាំងពីមានបទបញ្ជារបស់ប្រមុខរាជរដ្ឋាភិបាលកម្ពុជា សម្តេច តេជោ បានឲ្យគ្រប់ផ្នែកពាក់ព័ន្ធ កងកម្លាំង សមត្ថកិច្ច គ្រប់រាជធានីខេត្តត្រូវបង្ក្រាបល្បែងស៉ីសងគ្រប់ប្រភេទឲ្យបាន។ ក្នុងប្រតិបត្តិការចុះបង្ក្រាបល្បែងស៊ីសងខុសច្បាប់គ្រប់ប្រភេទនេះដែរ កងកម្លាំង សមត្ថកិច្ច បានចុះបង្ក្រាប និងធ្វេីណែនាំអប់រំផ្សព្វផ្សាយបានចំនួន ៣៧៩ករណី ។

ឯកឧត្តមអភិបាលខេត្ត ក៏បានសំណូមពរសូមឲ្យមន្ត្រីមានសមត្ថកិច្ចទាំងអស់ ហាមពាក់ព័ន្ធជាមួយនឹងបទល្មើសល្បែងស៊ីសងគ្រប់ប្រភេទ ជាងនេះទៅទៀតសូមឱ្យមេបញ្ជាការកងកម្លាំងប្រដាប់អាវុធទាំងបីប្រភេទ ធ្វើការណែនាំបន្ថែមទៅមន្ត្រីរបស់ខ្លួននៅឯមូលដ្ឋានកុំឱ្យពាក់ព័ន្ធ កុំនៅពីក្រោយ កុំអន្តរាគមន៍ និងកុំបិទបាំង ។

ជាចុងក្រោយ ឯកឧត្តម អ៊ុន ចាន់ដា អភិបាលខេត្តកំពង់ចាម ក៏បានសង្កត់ធ្ងន់ថា ការបង្ក្រាបល្បែងស៊ីសងគ្រប់ប្រភេទ កងកម្លាំងគ្រប់ប្រភេទសូមបន្តអនុវត្ត ការការពារសន្តិសុខសណ្តាប់ធ្នាប់សាធារណៈក្នុងមូលដ្ឋានអោយបានល្អប្រសើរ ត្រូវធ្វើអោយជាប់ដូចភ្លៀងរលឹម ស្រមតាមប្រសាសន៍ដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណា​ចក្រ​កម្ពុជា៕

អត្ថបទ៖ ឡេក ចាន់ពេជ្រ

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ៤ នាទីutes មុន

ពន្ធ ត្រាំ នឹងប៉ះពាល់ដល់ក្រុមហ៊ុនផលិតរថយន្ត​អាស៊ី ​ជាពិសេស Toyota ​

ព័ត៌មានអន្ដរជាតិ១០ នាទីutes មុន

ជន​មូស្លីម៧០០​​​នាក់​នៅ​មីយ៉ាន់​ម៉ា​ស្លាប់ក្នុង​​​​គ្រោះ​រញ្ជួយដី ខណៈវិហាររាប់សិប​ត្រូវបំផ្លាញ​​

ព័ត៌មានជាតិ១៥ នាទីutes មុន

ផ្លូវ​យុទ្ធសាស្រ្ត​ពីរ​ខ្សែ​ទៀត​នៅ​ខេត្ត​ស្ទឹងត្រែង កំពុង​ពិនិត្យ​សិក្សា​លើក​កម្ពស់​ជា​ផ្លូវ​កៅស៊ូ​

ព័ត៌មានជាតិ១៩ នាទីutes មុន

អ្នកនាំពាក្យរងក្រសួងមហាផ្ទៃ ព្រមានក្មេងទំនើងអុកឡុកសង្គមប្រយ័ត្នចូលឆ្នាំក្នុងពន្ធនាគារ

សន្តិសុខសង្គម១៩ នាទីutes មុន

Update៖ ករណីឆេះរោងចក្រនៅស្រុកអង្គស្នួល អណ្ដាតភ្លើងបានរាលដាលឆេះអគាររោងចក្រមួយទៀត

Sokha Hotels

ព័ត៌មានពេញនិយម