សន្តិសុខសង្គម
អាជ្ញាធររាជធានី បន្តចុះពិនិត្យទីតាំងឃ្លាំងបញ្ចាំ នៅតំបន់ឃ្លាំងរំសេវ
នៅវេលាម៉ោង១០ព្រឹកថ្ងៃទី២៨ ខែកញ្ញា ឆ្នាំ២០២២នេះ កម្លាំងអាជ្ញាធររាជធានីភ្នំពេញ ដឹកនាំដោយលោក ឃ្លាំង ហួត អភិបាលរងរាជធានីភ្នំពេញ បានបន្តប្រតិបត្តិការចុះពិនិត្យទីតាំងហាងបញ្ចាំជាច្រើននៅតំបន់ឃ្លាំងរំសេវ ស្ថិតក្នុងសង្កាត់ទឹកល្អក់៣ ខណ្ឌទួលគោក ដើម្បីពិនិត្យអោយបានជាក់លាក់ជុំវិញការទទួលផលចោរកម្ម ឬការទទួលបញ្ចាំដោយមិនស្របតាមច្បាប់ជាដើម ក្នុងគោលដៅលុបបំបាត់អំពើលួច ចោរកម្ម និងបទល្មើសផ្សេងៗជាដើម ។
គិតត្រឹមម៉ោង១២ ថ្ងៃត្រង់ខែឆ្នាំដដែលនេះ នៅមិនទាន់មានលទ្ធិផល ជុំវិញការពិនិត្យនៅឡើយទេ ខណះកម្លាំងចម្រុះ កំពុងពិនិត្យតាមជំនាញ តាមទីតាំងឃ្លាំងនីមួយៗ នៅតំបន់នោះ ។
គួររំលឹកថា រយះពេល៥ថ្ងៃកន្លងទៅ ពោលគិតពីថ្ងៃទី១៩ ដល់ថ្ងៃទី២៣ ខែកញ្ញា ឆ្នាំ ២០២២ កម្លាំងអាជ្ញាធរចម្រុះរាជធានី និងអាជ្ញាធរខណ្ឌទួលគោក ដឹកនាំដោយលោក ឃ្លាំង ហួត អភិបាលរងរាជធានីភ្នំពេញ និងមានការដឹកនាំសម្របសម្រួលដោយលោក លឹម ប៊ុនហេង ព្រះរាជអាជ្ញារងនៃអយ្យកាអមសាលាដំបូងរាជធានីភ្នំពេញ បានចុះត្រួតពិនិត្យកុងស៊ីបញ្ចាំជាច្រើនទីតាំង នៅតំបន់ឃ្លាំងរំសេវដើម្បីពិនិត្យច្បាប់អនុញ្ញាត្តិ និងដកហូតម៉ូតូមិនប្រក្រតីបានប្រមាណ១០០០គ្រឿង ព្រមទាំងឃាត់ខ្លួនម្ចាស់កុងស៊ី និងអ្នកមើលការខុសត្រូវចំនួន ៩នាក់ផងដែរ ។
ក្នុងចំណោមម៉ូតូប្រមាណ១ពាន់គ្រឿងដែលបានដកហូតនោះ អាជ្ញាធរបានយកទៅរក្សាទុក នៅឃ្លាំងក្រុមហ៊ុន OCIC រងចាំបងប្អូនពលរដ្ឋដែលធ្លាប់បាត់ម៉ូតូ អាចយកឯកសារសម្គាល់ទៅផ្ទៀងផ្ទាត់បាន ក្នុងករណីបើត្រឹមត្រូវ អាជ្ញាធរនឹងប្រគល់ជូនវិញ ដោយមិនមានការបង់ប្រាក់កាសអ្វីឡើយ ។ យ៉ាងណាមិញ ក៏មានបងប្អូនពលរដ្ឋ ៨នាក់ទៅហើយដែរ ដែលបានរកឃើញម៉ូតូរបស់ខ្លួនវិញ ស្មើរនឹង០៨គ្រឿង ។
គួររំលឹកបន្ថែមថា បន្ទាប់ពីមានអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា បានដាក់បទបញ្ជារយ៉ាងម៉ឺងម៉ាត់ ដល់មន្ត្រី និងកងកម្លាំងគ្រប់លំដាប់ថ្នាក់ទូទាំងប្រទេស អោយមានការចុះបង្ក្រាបល្បែងស៊ីសងគ្រប់ប្រភេទរួចមក ឃើញថា កងម្លាំងអាជ្ញាធរទាំងអស់ បានពង្រាយកម្លាំងរបស់ខ្លួន ចុះគ្រប់ទីកន្លែង ដើម្បីធ្វើការបង្ក្រាបអោយខាងតែបាននូវគ្រប់ល្បែងទាំងអស់ ដោយធ្វើឡើងជាប្រចាំដូចភ្លៀងរលឹម ជាក់ស្តែងដូចករណីខាងលើជាដើម ៕
អត្ថបទ៖ លីហេង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)