Connect with us

សន្តិសុខសង្គម

អាជ្ញាធរស្រុកអង្គស្នួល បង្ក្រាបល្បែងស៊ីសងខុសច្បាប់ ជិត ២០០ទីតាំង រយៈពេលជិត ២០ថ្ងៃកន្លងមកនេះ

បានផុស

នៅ

អាជ្ញាធរស្រុកអង្គស្នួល ខេត្តកណ្ដាល បានបង្ក្រាបល្បែងស៊ីសងខុសច្បាប់ជិត ២០០ទីតាំង ក្នុងរយៈពេលជិត ២០ថ្ងៃកន្លងមកនេះ ក្រោយការដាក់បទបញ្ជារបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហាក់ សុខមករា អភិបាលរងខេត្តកណ្តាល បានដឹកនាំកិច្ចប្រជុំបូកសរុបលទ្ធផលការងារបង្ក្រាបល្បែងស៊ីសងខុសច្បាប់ នៅស្រុកអង្គស្នួល នៅថ្ងៃទី ៣ ខែតុលា ឆ្នាំ ២០២២នេះ ដោយមានការចូលរួមពីលោក ខុន សេរីររដ្ឋា អភិបាលស្រុកអង្គស្នួល និងមន្ត្រីពាក់ព័ន្ធមួយចំនួនទៀត។

របាយការណ៍ បានឲ្យដឹងថា ចាប់តាំងពីថ្ងៃទី ១៥ ខែកញ្ញា ដល់ថ្ងៃទី ៣ ខែតុលា ឆ្នាំ ២០២២នេះ គណៈបញ្ជាការឯកភាពរដ្ឋបាលស្រុកអង្គស្នួល បានដឹកនាំចុះបង្ក្រាបល្បែងស៊ីសងខុសច្បាប់ ក្នុងក្របខ័ណ្ឌទូទាំងស្រុកអង្គស្នួល ដោយធ្វើកិច្ចសន្យាបិទទីតាំងល្បែងស៊ីសងគ្រប់ប្រភេទ រួមមាន៖ ល្បែងភ្នាល់តាម Internet ជ្រកក្នុងអាជីវកម្ម-អាជ្ញាបណ្ណ សរុប ១៩៨ ទីតាំង និងមុខសញ្ញា ១៩៨ នាក់ ជាជនជាតិខ្មែរ ស្រី ១២៩នាក់។ ក្នុងនោះ ក៏មានល្បែងជល់មាន់អន ឡាញ ១៨ទីតាំង ឡូតូ ១១៤ទីតាំង និងកត់ឆ្នោត ៦៦ទីតាំង ផងដែរ។

នៅក្នុងកិច្ចប្រជុំនោះ លោក ហាក់ សុខមករា អភិបាលរងខេត្តកណ្តាល បានការកោតសរសើរ និងអរគុណ ចំពោះកងកម្លាំងមានសមត្ថកិច្ច ប្រធានគណៈបញ្ជាការឯកភាពរដ្ឋបាលស្រុក និងអាជ្ញាធរពាក់ព័ន្ធទាំងអស់ ដែលបានយកចិត្តទុកដាក់ លើការងារពង្រឹងសន្តិសុខ សុវត្ថិភាព ជូនដល់ប្រជាពលរដ្ឋបានល្អប្រសើរ ជាពិសេសបានបង្ក្រាបល្បែងស៊ីសងខុសច្បាប់គ្រប់ប្រភេទ ទទួលបានលទ្ធផលល្អប្រសើរ។

លោកអភិបាលរងខេត្ត ក៏បានជំរុញដល់អាជ្ញាធរ កងកម្លាំងមានសមត្ថកិច្ចទាំងអស់ ត្រូវបន្តស្វែងរកមុខសញ្ញាល្បែងខុសច្បាប់បន្តទៀត ពីព្រោះការបង្កាប់ល្បែងស៊ីសងខុសច្បាប់នេះ គឺមិនមែនធ្វើតែមួយពេលខ្លីនោះទេ គឺយើងត្រូវបន្តធ្វើកិច្ចការបង្កាប់លែងស៊ីសងខុសច្បាប់ ឲ្យបានជាប់ជាប្រចាំ ដូចភ្លៀងរលឹម សំដៅធ្វើយ៉ាងណាបង្ក្រាបឲ្យអស់ នូវរាល់ល្បែងស៊ីសងខុសច្បាប់គ្រប់ប្រភេទ នៅមូលដ្ឋាន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម