សន្តិសុខសង្គម
ព័ត៌មានបន្ថែម៖ សមត្ថកិច្ចរកឃើញសពជនរងគ្រោះ២នាក់ទៀត ក្នុងឧបទ្ទវហេតុលិចទូកដរ ខណៈ៣នាក់ទៀតកំពុងបាត់ខ្លួន
គិតមកត្រឹមម៉ោង៨:០០នាទីព្រឹកថ្ងៃទី១៤ ខែតុលានេះ កងកម្លាំងសមត្ថកិច្ចបានបន្តរកឃើញសពក្មេងសិស្សសាលា២នាក់បន្ថែមទៀត ក្នុងឧបទ្ទវហេតុលិចទូកដរទទឹង នៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ខណៈជនរងគ្រោះ៣នាក់ទៀតកំពុងបាត់ខ្លួន។
របាយការណ៍របស់ស្នងការដ្ឋាននគរបាលខេត្តកណ្ដាល បានឲ្យដឹងថា មកដល់ពេលនេះបានរងឃើញសពជនរងគ្រោះចំនួន០២នាក់បន្ថែមទៀតមានឈ្មោះ ១-ឈ្មោះ ឧត្ដម មុន្នី ភេទប្រុស អាយុ១៣ឆ្នាំ មុខរបរសិស្ស។ ២-ឈ្មោះ សុន សុផាត ភេទប្រុស អាយុ១៤ឆ្នាំ មុខរបរសិស្ស។ ក្នុងរបាយការណ៍បានបញ្ជាក់ថា ជនរងគ្រោះដែលកំពុងបាត់ខ្លួនមានឈ្មោះ ១-ឈ្មោះ មាស សុវណ្ណរាជ ភេទប្រុស អាយុ១៤ឆ្នាំ មុខរបរសិស្ស។ ២-ឈ្មោះ សុវត្ថិ លក្ខិណា ភេទស្រី អាយុ១៣ឆ្នាំ មុខរបរសិស្ស។ ៣-ឈ្មោះ រី ស្រីលីន អាយុ១២ឆ្នាំ ភេទស្រី មុខរបរសិស្ស។
គួរបញ្ជាក់ថា គិតត្រឹមម៉ោង៨ព្រឹក ថ្ងៃទី១៤ នេះ កងកម្លាំងសមត្ថកិច្ចបានរកឃើញជនរងគ្រោះក្នុងឧបទ្ទវហេតុលិចទូកដរទទឹង សរុបចំនួន១២នាក់ ស្លាប់០៨នាក់ (ស្រី០១នាក់) និងកំពុងសង្គ្រោះបន្ទាន់៤នាក់។ បច្ចុប្បន្ន កម្លាំងចម្រុះបាននិងកំពុងបន្តស្រាវជ្រាវរុករកជនរងគ្រោះដែលបាត់ខ្លួនបន្តទៀត។
សូមបញ្ចាក់ថា កាលពីព្រលប់ថ្ងៃទី១៣ ខែតុលា ម្សិលមិញនេះ មានករណីលិចទូកដរដឹកសិស្សសាលាមួយបណ្ដាលឲ្យជនរងគ្រោះជាង១០នាក់បានបាត់ខ្លួន និងរកឃើញជាបន្តបន្ទាប់ភ្លាមចំនួន៣នាក់។ ករណីនេះបានកើតឡើងនៅចំនុចភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល។
ស្នងការដ្ឋាននគរបាលខេត្តកណ្ដាល បានបញ្ជាក់ថា ករណីនេះបណ្ដាលមកពីម្ចាស់ទូកដាក់លើសចំណុះ ធ្វេសប្រហែស ហើយគ្មានអាវពោងការពារ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ