សន្តិសុខសង្គម

ទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង

បានផុស

១ សប្តាហ៍ មុន

នៅ

ថ្ងៃសុក្រ ២២ វិច្ឆិកា ២០២៤

ដោយ

ទូកទេសចរណ៍ និងដឹកទំនិញមួយគ្រឿងរបស់ក្រុមហ៊ុនស្ពីតហ្វឺរឺ បានលិចបាត់ក្នុងសមុទ្រ ក្នុងសង្កាត់កោះរ៉ុង ខណៈភ្ញៀវទេសចរចំនួន១៨នាក់ ត្រូវបានសង្គ្រោះទាន់ពេលវេលា។ ករណីលិចទូកនេះ បានកើតឡើងកាលពីថ្ងៃទី២១ ខែវិច្ឆិកា ឆ្នាំ២០២៤ វេលាម៉ោង ១៦និង៣៦នាទី នៅចំណុច 10°40.534’N 103°18.353’E ជិតកូនកោះ ស្ថិតនៅក្នុងភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។ បើតាមរបាយការណ៍ ករណីនេះកើតឡើងដោយសារទូកខូចម៉ូទ័របូមទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍បញ្ជាក់ថា ទូកត្រូវលិចក្នុងលំហសមុទ្របាត់ទាំងស្រុង ជាទូករបស់ក្រុម ហ៊ុនស្ពីតហ្វឺរឺ ពណ៌លឿង មានប្រវែង ២៦ម៉ែត្រ ទទឹង៦ម៉ែត្រ មានគោលដៅពីផែកោះរ៉ុង ដាយសេនធឺ ទៅតាមកោះ។ ក្នុងករណីនេះ បានខូចខាត ស៊ីម៉ងត៍២តោន ម៉ូតូScopy ១គ្រឿង និងអីវ៉ាន់ចម្រុះជាច្រើនមុខទៀត។

ទោះបីយ៉ាងណា ក្រុមអ្នកទេសចរប្រុសស្រីសរុបចំនួន ១៨នាក់ ដែលរួមដំណើរលើទូកត្រូវបានជួយសង្គ្រោះដោយអូប័ររបស់ក្រុមហ៊ុនទេសចរណ៍ឧកញ៉ា ទៀ វិចិត្រ និងកងកម្លាំងសមត្ថកិច្ចក្រុងកោះរ៉ុងជួយសង្គ្រោះដោយសុវត្ថិភាព៕