Connect with us

សន្តិសុខសង្គម

អភិបាលខេត្តកំពង់ឆ្នាំង ដាក់ផែនការតាមក្រុង-ស្រុក រៀបចំសណ្ដាប់ធ្នាប់លក់ដូរតាមទីផ្សារ និងផ្លូវ​សាធារណៈនានា ​

បានផុស

នៅ

ថ្មីៗ​នេះ លោក ស៊ុន សុវណ្ណារិទ្ធិ អភិបាល នៃ​គណៈ​អភិបាលខេត្ត​កំពង់ឆ្នាំង នៅ​ក្នុង​ប្រព័ន្ធ​តេឡេក្រាម ជាមួយ​រដ្ឋបាល​ក្រុង/ស្រុក បាន​ដាក់​ផែនការ​ដល់​លោក​អភិបាលក្រុង​/ស្រុក សហការ​ជាមួយ​ស្ថាប័ន​ពាក់ព័ន្ធ រៀបចំ​សណ្ដាប់ធ្នាប់​លក់ដូរ​តាម​ទីផ្សារ ចិញ្ចើម​ផ្លូវ​សាធារណៈ និង​ផ្លូវជាតិ ក្នុង​ក្រុង​/ស្រុក​ទាំងអស់ ឲ្យ​មាន​សណ្ដាប់ធ្នាប់​ល្អ គ្រប់​ទី​កន្លែង ដោយ​មិន​អនុញ្ញាត​លក់ដូរ​អនាធិបតេយ្យ​ទៀត​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក​សម្រាប់​ក្រុង​កំពង់ឆ្នាំង លោក ហ៊ីង ភ័ព្វមីនា អភិបាលក្រុង​ថ្មី ត្រូវ​បញ្ចេញ​សមត្ថភាព ចាត់​វិធានការ​ឲ្យ​បាន​ច្បាស់លាស់ ដោយ​សហការ​ជាមួយ​ក្រុម​អ្នកសារព័ត៌មាន​ក្នុង​ខេត្ត ជួយ​ផ្សព្វផ្សាយ និង​ដាក់​ឱសានវាទ ជូន​អាជីវករ​លក់ដូរ​នៅ​ផ្សារលើ និង​ផ្សារ​ក្រោម មិន​អនុញ្ញាត​ពួកគាត់​លក់ដូរ​លើ​ផ្លូវ និង​លើ​ចិញ្ចើម​ផ្លូវ​សាធារណៈ លើ​ផ្លូវ​ជាតិ ពិសេស​ជុំវិញ​ផ្សារ និង​ផ្សារ​ក្រោម​ទៀត​ឡើយ។

លោក​អភិបាលខេត្ត បាន​បញ្ជាក់​ទៀត​ថា ការរៀបចំ​សណ្ដាប់ធ្នាប់​នៅ​ផ្សារ​លើ​ពិតជា​មានការ​ប្រឈម​ច្រើន ដូច្នេះ​ចំពោះ​ផែនការ​នេះ លោក នឹង​លើក​ដាក់​ក្នុង​អង្គប្រជុំ​គណៈ​អភិបាលខេត្ត និង​ក្រុមប្រឹក្សា​ខេត្ត ឲ្យ​ជួយ​គាំទ្រ ដើម្បី​អនុវត្ត​ផែនការ​បាន​ជោគជ័យ មិន​ត្រូវ​ដកថយ​ឡើយ។ ចំណែក​ការ​ចំណាយ​ថវិកា​នានា​ក្នុង​ផែនការ​នេះ រដ្ឋបាល​ខេត្ត ជា​អ្នក​ដោះស្រាយ។

សូម​បញ្ជាក់​ថា នៅ​លើ​ផ្លូវ​សាធារណៈ​ជុំវិញ​ផ្សារ​លើ​សព្វថ្ងៃ​នេះ អាជីវករ​លក់ដូរ បាន​នាំគ្នា​ដាក់​ទំនិញ​លក់ដូរ​លើ​ផ្លូវ​សាធារណៈ​មុខ​ផ្សារ​លើ​ពេលព្រឹក និង​លើ​ផ្លូវ​សងខាង​ផ្សារ​លើ​តែម្ដង ធ្វើ​ឲ្យ​ប្រជាពលរដ្ឋ​រិះគន់​យ៉ាង​ខ្លាំង​មក​លើ​អាជ្ញាធរ​ក្រុង និង​ខេត្ត​កំពង់ឆ្នាំង។ ប៉ុន្តែ​អ្នក​ទទួល​បាន​ផល​ប្រយោជន៍​នោះ គឺ​គណៈកម្មការ​ផ្សារ និង​អ្នក​ទារ​ភាស៊ី​ផ្សារ ដែល​ចេះតែ​លួច​យក​លុយ និង​អនុញ្ញាត​ឲ្យ​អាជីវករ​ចេញពី​ក្នុង​ផ្សារ​មក​លក់​ខាងក្រៅ​ផ្សារ។

ចំណែក​នៅ​លើ​ចិញ្ចើម​ផ្លូវ​ការូឡា​មុខ​ផ្ទះ​អាជីវករ​ទាំងអស់​នៅ​ជុំវិញ​ផ្សារ ក៏​សុទ្ធតែ​បាន​ដាក់​លក់​ទំនិញ​គ្រប់មុខ​ពេញ​មុខ​ផ្ទះ​ទាំងអស់ ពុំ​មាន​ផ្លូវ​សម្រាប់​ឲ្យ​អ្នក​ថ្មើរជើង​ធ្វើដំណើរ​នោះ​ឡើយ។ ទោះបី​កន្លងមក អាជ្ញាធរ​ក្រុង និង​សមត្ថកិច្ច ​ខិតខំ​រៀបចំ​សណ្ដាប់ធ្នាប់​ជាប្រចាំ​ក៏ដោយ ក៏​ការលក់ដូរ​បែប​នេះ បាន​រៀបរយ​តែមួយ​រយៈ​តូច​ប៉ុណ្ណោះ ក្រោយមក​មាន​ភាព​អនាធិបតេយ្យ​ដដែល៕

អត្ថបទ ៖ ឈៀង ថារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៧ ម៉ោង មុន

មិនទាន់តែងតាំងជាទូតសុឆន្ទៈ តែ J-Hope ត្រូវគេប្រសិទ្ធនាមជាស្ដេចម៉ូដរបស់យីហោ LV

ព័ត៌មានជាតិ៧ ម៉ោង មុន

កងពលតូច​ថ្មើរជើង​លេខ ៤២ យោធភូមិភាគ​៤ ត្រូវ​បន្ត​យកចិត្តទុកដាក់ លើ​ការងារ​បង្កបង្កើនផល និង​ចិញ្ចឹមសត្វ

ព័ត៌មានជាតិ៧ ម៉ោង មុន

តំបន់​ប្រតិបត្តិការ​សឹក​រង​ឧ​ត្ត​រ​មានជ័យ បន្ត​យកចិត្តទុកដាក់​លើ​ការងារ​កសាង​អង្គភាព តាម​ផែនការ​របស់​ថ្នាក់លើ

កីឡា៨ ម៉ោង មុន

នគរបាលជាតិ ផ្លាស់ប្ដូរ​សមាសភាព​ដឹកនាំ​ក្លិប​បាល់ទាត់ ត្រៀម​រដូវ​កាល​ថ្មី

ជីវិតកម្សាន្ដ៨ ម៉ោង មុន

បែកគ្នាជាង ២០ថ្ងៃ Aum ទើបទម្លាយការពិតពីក្រោយរឿងដាច់ចំណងស្នេហ៍ជាមួយសង្សារហាយសូរ

Sokha Hotels

ព័ត៌មានពេញនិយម