សន្តិសុខសង្គម
ខឹងសុំប្រពន្ធសេពសន្ថវៈមិនបាន ទាញពូថៅវាយផ្អើលទាំងយប់
បុរសម្នាក់ជាមុខសញ្ញាប្រើប្រាស់គ្រឿងញៀន កម្ដៅតណ្ហាពុះកញ្ជ្រោល នឹកចង់រួមភេទ បានទៅកេះប្រពន្ធដើម្បីបន្ធូរអារម្មណ៍។ ប៉ុន្តែប្រពន្ធបដិសេធមិនព្រម ក៏ទាញពូថៅដេញវាយនាង និងកូន ទាំងកណ្ដាលយប់។
លោកវរសេនីយ៍ឯក សាយ ប៊ុនថន អធិការដ្ឋាននគរបាលស្រុកភ្នំស្រួច បានឲ្យដឹងនៅថ្ងៃទី ២៦ ខែតុលា ឆ្នាំ ២០២២ ថា ករណីហិង្សា ប្តីយកពូថៅវាយប្រពន្ធ ព្រោះតែខឹងសុំសេពសន្ថវៈមិនបាននេះ កើតឡើងកាលពីរំលងអធ្រាត្រឈានចូលថ្ងៃទី ២៥ តុលា ស្ថិតនៅភូមិដក់ពរ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ។
នគរបាលប្រាប់ថា ស្ត្រីរងគ្រោះមានឈ្មោះ យីវ សារុន អាយុ ២៩ ឆ្នាំ រស់នៅភូមិដក់ពរ ឃុំក្រាំងដីវ៉ាយ ស្រុកភ្នំស្រួច។ ចំណែកបុរសជាប្តីមានឈ្មោះ វី វិច្ឆ័យ អាយុ ៣៧ ឆ្នាំ។
នគរបាលស្រុកភ្នំស្រួច បាននិយាយថា នៅយប់រំលងអធ្រាត្រឈានចូលថ្ងៃទី ២៥ ខែតុលា បុរសឈ្មោះ វី វិច្ឆ័យ ត្រូវជាប្តីស្ត្រីរងគ្រោះ បានកេះប្រពន្ធដើម្បីរួមរក្ស ប៉ុន្តែនាងមិនព្រម ដោយសារអស់កម្លាំង។ ខណៈភ្លើងតណ្ហាកំពុងពុះកញ្ជ្រោលខ្លាំង មិនរួមភេទ បុរសជាប្តីខឹងសម្បាយ៉ាងខ្លាំង បានទាញពូថៅវាយទៅលើប្រពន្ធចំក្បាល ចំដៃ ចំខ្នង បណ្ដាលឲ្យរងរបួស ព្រមទាំងធាក់កូនស្រីឈ្មោះ វ ឆ ស ល ឡ អាយុ ០៩ ឆ្នាំ ត្រូវចំភ្នែកជាំផងដែរ។
នគរបាលបន្ថែមថា បន្ទាប់ពីប្រើហិង្សាលើប្រពន្ធមិនអស់ចិត្ត បានវាយបំផ្លិចបំផ្លាញទ្រព្យសម្បត្តិ និងសម្ភារៈប្រើប្រាស់ក្នុងផ្ទះខូចខាតអស់ជាច្រើនទៀត។
ក្រោយឃាត់ខ្លួន ជនដៃដល់ជាប្តីសារភាពថា ខ្លួនពិតជាបានធ្វើសកម្មភាពវាយលើប្រពន្ធ និងធាក់ត្រូវកូនស្រីប្រាកដមែន ព្រោះខឹងនាងមិនឲ្យរួមភេទ។
បច្ចុប្បន្ន សមត្ថកិច្ច បានធ្វើការឃាត់ខ្លួនជនសង្ស័យមកអធិការដ្ឋាននគរបាលស្រុកភ្នំស្រួច ដើម្បីកសាងសំណុំរឿងអនុវត្តតាមនីតិវិធី និងបញ្ជូនមកកាន់ស្នងការនគរបាលខេត្តកំពង់ស្ពឺ ចាត់ការបន្ត៕
អត្ថបទ ៖ ភួង រដ្ឋា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ