កម្លាំងគណៈបញ្ជាការឯកភាពខណ្ឌមានជ័យ ឆ្មក់បង្ក្រាបទីតាំងជល់មាន់តាមប្រព័ន្ធអនឡាយមួយកន្លែងឃាត់ខ្លួនមនុស្សប្រុសស្រី៦នាក់យកទៅសួរនាំ។

ការចុះបង្ក្រាបទីតាំងបង្កប់ល្បែងស៊ីសងតាមប្រព័ន្ធអនឡាញនេះ បានធ្វើឡើងកាលពីព្រឹកថ្ងៃទី១០ ខែមករា ឆ្នាំ២០២៣ នៅចំណុចផ្លូវបេតុង ក្នុងភូមិភូមិឬស្សី៣ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។

ក្នុងប្រតិបត្តិការឆ្មក់បង្ក្រាបនេះ កម្លាំងបានធ្វើការឃាត់ខ្លួនមនុស្ស៦នាក់ (ស្រី៣នាក់) និងដកហូតម៉ូតូចំនួន៧គ្រឿង និងវត្ថុតាងពាក់ព័ន្ធមួយចំនួនធំផ្សេងទៀតផងដែរ ។

បន្ទាប់ធ្វើការបង្ក្រាប និងឃាត់ខ្លួន ជនសង្ស័យដែលពាក់ព័ន្ធព្រមទាំងវត្ថុតាង កម្លាំងជំនាញបានធ្វើការដឹកបញ្ចូនយកទៅកាន់អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ចូនទៅកាន់តុលាការ  ចាត់ការបន្តតាមនីតិវិធី៕ 

អត្ថបទ៖ សុខា