សន្តិសុខសង្គម
ករណីលេងល្បែងស៊ីសងខុសច្បាប់ជិត ៣០ នៅខេត្តកំពង់ចាមត្រូវបានបញ្ជូនទៅតុលាការ
ការបង្ក្រាបករណីបើក និងលេងល្បែងស៊ីសងខុសច្បាប់ (ឆ្នោតវៀតណាម) នៅខេត្តកំពង់ចាមបានជាច្រើនករណី ក្នុងនោះមាន ៣០ ករណីត្រូវបានបញ្ជូនទៅតុលាការ។ នេះបើតាមការឱ្យដឹងពីលោក អ៊ុន ចាន់ដា អភិបាលខេត្តកំពង់ចាម នៅថ្ងៃទី ០៣ ខែកុម្ភៈ ឆ្នាំ ២០២៣។
លោក អ៊ុន ចាន់ដា បានឱ្យដឹងថា ការចាក់កន្ទុយលេខ (ឆ្នោតវៀតណាម) បង្កភាពស្មុគស្មាញច្រើនដល់សមត្ថកិច្ច ឥឡូវនេះ មានការចាក់កន្ទុយលេខវៀតណាមតាមទូរស័ព្ទ ដែលធ្វើឱ្យសមត្ថកិច្ចមានកាស្មុគស្មាញ ខណៈមិនមានវត្ថុតាងដាក់បន្ទុក។
លោកបញ្ជាក់ថា៖ «សមត្ថកិច្ចរបស់យើងពេលខ្លះមានការស្មុគស្មាញដែរ ចាប់ជនល្មើសបានហើយ ប៉ុន្តែអត់មានរកភស្តុតាងដាក់បន្ទុក ពិបាកដាក់បន្ទុក ព្រោះថាវាអត់មានភស្តុតាង គាត់ទូរស័ព្ទ ដូចថា អូនឯងស្គាល់ម្ចាស់ឆ្នោតចឹង ទូរស័ព្ទទៅប្រាប់ថា ខ្ញុំចាក់លេខនេះ ប៉ុណ្ណេះ ដល់ពេលត្រូវទៅ គាត់ហៅមកបើកលុយ ដល់ពេលអូនឯងចាញ់ទៅ ចាក់ខុសថា អត់ត្រូវទេ ស្អែកឡើងណាត់ទៅកន្លែងគុយទាវកាហ្វេឯណាយកលុយទៅសងគាត់»។
បើតាមលោកអភិបាលខេត្ត ជនល្មើសមានគ្រប់រូបភាពនៃការបង្កើតបទល្មើស ហើយបង្កើតភាពស្មុគស្មាញឱ្យអាជ្ញាធរ សមត្ថកិច្ច យើងហាក់បីដូចជាយើងដើរយឺតជាងមួយជំហានទាមទារឱ្យសមត្ថកិច្ចខិតខំពិនិត្យមើលល្បិចកលរបស់ជនល្មើស។
បច្ចុប្បន្នអាជ្ញាធរសមត្ថកិច្ច គ្មានគោលការណ៍អនុគ្រោះទេ គឺចាប់អនុវត្តតាមច្បាប់តែម្ដង ពីដំបូងយើងអប់រំកិច្ចសន្យា ឥឡូវអស់ម៉ោងហើយត្រូវអប់រំកិច្ចសន្យាហើយ ឱ្យតែមានករណីកើតឡើងយើងបង្ក្រាបតែម្ដង។
នៅខេត្តកំពង់ចាម មានការហៅមកអប់រំធ្វើកិច្ចសន្យាចំនួនជាង ២ ០០០ ករណី ខណៈ ៣០ ករណី ត្រូវបានបញ្ជូនទៅតុលាការ៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ