Connect with us

សន្តិសុខសង្គម

អាជ្ញាធរសង្កាត់ចោមចៅទី៣ បង្ក្រាបល្បែងស៊ីសងអនឡាញ នៅហាងកាហ្វេ ៥កន្លែង

បានផុស

នៅ

អាជ្ញាធរសង្កាត់ចោមចៅទី៣ ខណ្ឌពោធិ៍សែនជ័យ​ រាជធានីភ្នំពេញ​ នៅរសៀលថ្ងៃទី១៣​ ខែកុម្ភៈ​ ឆ្នាំ២០២៣នេះ បានចុះបង្ក្រាប និងចាប់ដកហូតសម្ភារមួយចំនួន នៅហាងលក់កាហ្វេបង្កប់ល្បែងស៊ីសងតាមប្រព័ន្ធអនឡាញដែលគ្មានច្បាប់អនុញ្ញាតចំនួន ៥ទីតាំងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អជ្ញាធរសង្កាត់ចោមចៅទី៣​ បានឱ្យដឹងថា​ ដោយអនុវត្តតាមប្រសាសន៍របស់​ សម្តេចតេជោ​ ហ៊ុន​ សែន​ នាយករដ្ឋមន្ត្រីនៃកម្ពុជា​ និងក្រោមការបញ្ជាផ្ទាល់របស់ លោក​ សក់​ ច័ន្ធកញ្ញារិទ្ធ​ អភិបាល នៃគណៈអភិបាលខណ្ឌពោធិ៍សែនជ័យ​ ឱ្យបង្ក្រាបទាំងអស់រាល់ល្បែងស៊ីសងគ្រប់ប្រភេទក្នុងមូលដ្ឋាន។

ក្រោយពីទទួលបានព័ត៌មានពីប្រជាពលរដ្ឋរាយការណ៍សម្ងាត់ថា មានទីតាំងលក់កាហ្វេមួយចំនួនបង្កប់ល្បែងស៊ីសងប្រភេទអនឡាញ ទេីបលោកដឹកនាំកម្លាំងសង្កាត់ចុះពិនិត្យជាក់ស្តែងតែម្តង។

អាជ្ញាធរបានបន្តថា​ ក្រោយពិនិត្យជាក់ស្តែង ទីតាំងខាងលេីមិនមានលិខិតអនុញ្ញាតឱ្យបើកអាជីវកម្មល្បែងស៊ីសង ទេីបធ្វេីលិខិតកិច្ចសន្យាបញ្ឈប់រាល់ការបេីកល្បែងស៊ីសងខុសច្បាប់លេីម្ចាស់ទីតាំង​ រួចដកហូតសម្ភារកុំព្យូទ័រដែលបេីកបញ្ចាំងល្បែងស៊ីសងសរុបចំនួន ៧គ្រឿង និងសម្ភារមួយចំនួនទៀតយកមករក្សាទុកនៅសាលាសង្កាត់បណ្តោះអាសន្ន៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម