សន្តិសុខសង្គម

ប៉ូលិសស្រុកសំឡូត ប្រមូលក្មេងទំនើងដេញកាប់គ្នាតាមផ្លូវបាន ១១ នាក់

បានផុស

១ នាទី មុន

នៅ

ថ្ងៃព្រហស្បតិ៍ ១៦ មីនា ២០២៣

ដោយ

រយៈពេលតែមួយថ្ងៃប៉ុណ្ណោះ កម្លាំងផ្នែកព្រហ្មទណ្ឌ នៃអធិការដ្ឋាននគរបាលស្រុកសំឡូត បានធ្វើការឃាត់ខ្លួនក្មេងទំនើងរហូតដល់ ១១ នាក់ ដែលប្រព្រឹត្តនូវអំពើហិង្សាដោយចេតនា និងមានស្ថានទម្ងន់ទោស គឺពួកគេបានប្រើប្រាស់ដាវ កាំបិត ខ្វែវ ដេញកាប់គ្នាដូចក្នុងភាពយន្តហុងកុង តាមផ្លូវសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា កាលពីថ្ងៃទី ១៤ ខែមីនា ឆ្នាំ ២០២៣ វេលាម៉ោងប្រហែល ៩ និង ៣០ នាទីយប់ នៅលើកំណាត់ផ្លូវមួយកន្លែង ស្ថិតក្នុងភូមិស្រែជីពៅ ឃុំមានជ័យ ស្រុកសំឡូត មានក្រុមក្មេងទំនើងចំនួន ២ ក្រុម ដោយភាគីម្ខាងមានចំនួន ៣ នាក់ និងភាគីម្ខាងទៀតមានគ្នា ៨ នាក់ បានដេញកាប់គ្នាទៅវិញទៅមក និងកាប់ម៉ូតូ បណ្ដាលឲ្យខូចខាតទាំងសងខាង។

ក្រោយពីបានសិក្សា និងស្រាវជ្រាវរួចមក នៅថ្ងៃទី ១៥ ខែមីនា ម្សិលមិញនេះ ផ្នែកជំនាញបានធ្វើការឃាត់ខ្លួនជនសង្ស័យដែលជាក្មេងទំនើងបានជាបន្តបន្ទាប់ សរុបមានចំនួន ១១ នាក់ ព្រមទាំងបានដកហូតម៉ូតូចំនួន ៣ គ្រឿង និងអាវុធដែលពួកគេធ្វើសកម្មភាពជាច្រើនដើមផងដែរ។